Body Massage हिवाळ्यात शरीराचा मसाज केल्यानं मिळतात हे ५ मोठे आरोग्यदायी लाभ

Spread the love

हिवाळ्यामध्ये त्वचा विकारांसहीत कित्येक शारीरिक समस्या देखील उद्भवतात. या ऋतूमध्ये त्वचा कोरडी होऊ लागते आणि शरीरामध्ये आळस सुद्धा वाढतो. थंडीच्या दिवसांत त्वचा आणि शरीराला पुरेशा प्रमाणात पोषण तत्त्वांचा पुरवठा होणे आवश्यक आहे. कारण हिवाळ्यात सांधेदुखी आणि स्नायूंचे दुखणे तसंच शारीरिक दुखापती देखील वाढतात. शरीराचे हे नुकसान टाळण्यासाठी जीवनशैली तसंच आहारामध्येही योग्य ते बदल करणं गरजेचं आहे.

हिवाळ्यात उद्भवणाऱ्या शारीरिक समस्यांपासून दूर राहण्यासाठी सर्वात उत्तम उपाय म्हणजे बॉडी मसाज. थंडीच्या दिवसांत शरीराचा मसाज करणं प्रचंड फायदेशीर मानले जाते. बॉडी मसाज करण्याचे पाच महत्त्वपूर्ण फायदे सविस्तर जाणून घेऊया…
(चेहऱ्याची त्वचा अशी डिटॉक्स करते अनुष्का शर्मा, तजेलदार त्वचेसाठी असं फॉलो केलं जातं रुटीन)

​रोगप्रतिकारक शक्ती मजबूत करण्यासाठी

शारीरिक वेदना दूर करण्यासह बॉडी मसाजमुळे शरीराची रोगप्रतिकारक क्षमता देखील मजबूत होते. एका अभ्यासातील माहितीनुसार, लिम्फ नोड (Lymph Node- लसीका ग्रंथी) च्या आसपास मसाज केल्यानं पांढऱ्या रक्तपेशींच्या प्रवाहाची गती वाढते. या पेशी अधिक सक्रिय होतात आणि आजारांविरोधात लढण्यास शरीरास मदत करतात. प्रत्येक आठवड्यात शरीराचा मसाज केल्याने फ्लू आणि संसर्गाची लक्षणे देखील कमी होतात. बॉडी मसाज केल्याने कित्येक प्रकारच्या शारीरिक समस्या दूर होतात. पण मसाज थेरेपिस्ट अथवा तज्ज्ञमंडळीच्या मार्गदर्शनानुसार तसंच चांगल्या तेलाच्या मदतीनेच मसाज थेरेपी करावी.

(Moringa Powder Benefits चमकदार केस व त्वचेसाठी वापरा ही औषधी पावडर, जाणून घ्या लाभ)

​शरीराला विश्रांती देण्यासाठी

योग्य पद्धतीने मसाज केल्यास शरीर आणि मेंदूलाही पूर्णपणे विश्रांती मिळते. थाय आणि अरोमाथेरेपी मसाजमुळे मेंदू शांत राहण्यास मदत मिळते. अशा प्रकारच्या मसाजसाठी सुगंधित एसेंशिअल ऑइलचा वापर केला जातो. उदाहरणार्थ लव्हेंडर ऑइल, ऑरेंज ऑइल, लेमनग्रास ऑइल इत्यादी. या तेलांच्या सुगंधामुळे मन आणि मेंदूला भरपूर आराम मिळतो. ताणतणाव दूर होण्यासही मदत मिळते. मसाजमुळे स्ट्रेस हार्मोन कोर्टिसोलची पातळी देखील कमी होते.

(Natural Hair Care चमकदार व घनदाट केस मिळवण्यासाठी या ८ गोष्टींकडे करू नका दुर्लक्ष)

​वेदनेपासून मिळते मुक्ती

हिवाळ्यामध्ये एखादी दुखापत झाल्यास शारीरिक वेदना वाढतात. सांधेदुखी, स्नायूंचे दुखणे, गुडघेदुखी, कंबरदुखी, पाठदुखी, मानदुखी, खांद्यांचे दुखणे इत्यादी त्रास असह्य असतात. या वेदनांपासून मुक्ती हवी असल्यास आठवड्यातून एकदा किंवा दोनदा मसाज करावा.

(थंडीत बॉडी मसाज का करावा, आयुर्वेदानुसार कोणते तेल वापरल्यास मिळतील जास्त लाभ? जाणून घ्या)

​​त्वचा मऊ आणि नितळ होण्यासाठी

सामान्यतः मसाजसाठी नैसर्गिक सामग्रींपासून तयार केलेल्या तेलाचा वापर केला जातो. यामुळे शारीरिक वेदना आणि आजार दूर होण्यास मदत मिळते. उदाहरणार्थ सांधेदुखी, स्नायूंचे दुखणे दूर करण्यासाठी लेमनग्रास, यूकेलिप्टस, केमोमाइल आणि लव्हेंडर ऑइलचा वापर केला जातो. यामुळे त्वचेला खोलवर पोषण तत्त्वांचा पुरवठा होतो. याव्यतिरिक्त तिळाचे तेल, ऑलिव्ह ऑइल, द्राक्षबियांचे तेल, बदाम तेल, डाळिंबाच्या बियांचे तेल त्वचेवरील दुर्गंध स्वच्छ करण्याचे कार्य करतात. यामुळे त्वचेला नैसर्गिक स्वरुपात मॉइश्चराइझर मिळते. ज्यामुळे त्वचा मऊ आणि नितळ दिसू लागते.

(त्वचा भाजणे म्हणजे नेमके काय? यावर कोणते उपचार करावेत, जाणून घ्या तज्ज्ञांनी दिलेली माहिती)

​रक्ताभिसरण वाढते

हिवाळ्यामध्ये शरीरात आळस अधिक वाढतो. सकाळी लवकर उठून वॉक करणे, योगाभ्यास करणे किंवा जिममध्ये जाणं कठीण होतं. अशा परिस्थिती शरीराची हालचाल योग्य पद्धतीने होण्यासाठी बॉडी मसाज हा सर्वात उत्तम पर्याय आहे. मसाजनंतर कोमट पाण्याने आंघोळ करावी. शरीराचा योग्य पद्धतीने मसाज केल्यास स्नायूंचे दुखणे कमी होते. रक्ताभिसरण प्रक्रिया सुधारते. सोबतच चांगली झोप देखील येते.

(द्राक्षबियांच्या तेलाचे त्वचा आणि केसांसाठी फायदे, जाणून घ्या कसा करायचा वापर)

NOTE शरीराचा मसाज करण्याची पद्धत तसंच कोणते तेल वापरावे, याबाबत तज्ज्ञमंडळींकडून योग्य सल्ला घ्यावा. त्यानंतरच मसाज करावा.


Source link

You may also like...

Leave a Reply

Your email address will not be published. Required fields are marked *