Curd In Breakfast नाश्त्यामध्ये दही खाणे योग्य की अयोग्य? जाणून घ्या आरोग्यावर कसा होऊ शकतो परिणाम

Spread the love

आरोग्य निरोगी राहण्यासाठी सकाळी नाश्त्यामध्ये पौष्टिक पदार्थांचे सेवन करणं अतिशय महत्त्वाचे असते. सकाळच्या नाश्त्यामध्ये आपल्यापैकी सर्वांनाच स्वादिष्ट पदार्थ खायला आवडतात. शिवाय, शरीरामध्ये दिवसभरात ऊर्जा टिकून राहील, अशा पदार्थांचा ब्रेकफास्टमध्ये समावेश केला जातो. पण काही जणांना नाश्त्यामध्ये कोणत्या- न्- कोणत्या स्वरुपात दही खाणे पसंत असते. एखाद्या शुभ कार्याची सुरुवात करायची असल्यास घरातील वडीलधारी माणसे आपल्याला दही साखर खायला देतात. मात्र, सकाळच्या नाश्त्यामध्ये दही खाणे आरोग्यासाठी खरंच चांगला पर्याय आहे का? जाणून घेऊया सविस्तर माहिती

सुस्तपणा वाढू शकतो
दही खाऊन तुम्ही दिवसाची सुरुवात करणार असाल तर शरीराला ऊर्जा मिळण्याऐवजी तुम्हाला झोप येण्याची शक्यता अधिक असते. शिवाय शरीरात सुस्ती देखील वाढू शकते. यासाठी सकाळच्या नाश्त्यामध्ये दह्याचा समावेश करणं टाळावे. दरम्यान, दही खाण्याची सवय नाश्त्यातील एक महत्त्वपूर्ण भाग ठरू शकते. केवळ याचे सेवन करताना काही गोष्टींची योग्य काळजी घेतली तरच…
(गोड पदार्थांवर ताव मारल्यानंतर शरीर डिटॉक्स कसे करायचं? जाणून घ्या आहारतज्ज्ञांनी दिलेली फायदेशीर माहिती)

या ​महत्त्वाच्या गोष्टींचे अर्थ समजून घ्या

एकीकडे नाश्त्यामध्ये दही खाणे आरोग्यास चांगले असते, असे मानले जाते. पण दुसरीकडे याचमुळे शरीरात सुस्ती देखील वाढते, असंही म्हटलं जातं. तसं पाहायला गेलं तर या दोन्ही गोष्टी आपापल्या जागी योग्य आहेत. दही खाल्ल्यानंतर शरीराला ऊर्जा मिळेल की तुमच्यामध्ये सुस्ती वाढेल, ही बाब दह्याचे सेवन करण्याच्या पद्धतीवर अवलंबून असते. कारण प्रत्येक पदार्थ खाण्याची योग्य वेळ आणि योग्य प्रमाण असते.

(कमरेवरील चरबी घटवण्यासह शरीर डिटॉक्स करण्यापर्यंत, खूप लाभदायक आहे अ‍ॅपल सायडर व्हिनेगर)

​दह्याचे सेवन कसे करावे आणि कसे करू नये?

तुम्ही नाश्त्यामध्ये पोळी, पराठा, चिल्ला इत्यादी पदार्थ दह्यासोबत खाऊ शकता. एक वाटी दह्याचे नाश्त्यामध्ये सेवन केल्यास आरोग्यासाठी लाभदायक ठरू शकते आणि पचन प्रक्रिया देखील सुरळीत सुरू राहू शकते. सोबतच शरीरात दिवसभर ऊर्जा टिकून राहण्यासाठीही दही लाभदायक आहे. पण नाश्ता करण्यापूर्वी काही खाल्ले किंवा प्यायल्यानंतरच दह्याचे सेवन करणं आरोग्याच्या दृष्टीने योग्य ठरेल.

(Poha And Nutritions नाश्त्यामध्ये कांदे पोहे खाल्ल्यास मिळतील हे ६ फायदे)

​दिवसाची सुरुवात कशी करावी?

उदाहरणार्थ सकाळी उठल्यानंतर दिवसाची सुरुवात पाणी पिऊन, फळांचा रस, चहा अथवा मोड आलेले कडधान्य किंवा सुकामेवा खाऊन करावी. यानंतर एका तासाने जर नाश्त्यामध्ये दह्याचा समावेश केला तर तुम्हाला झोप येण्याची शक्यता आहे. नाश्त्यामध्ये कोणते पदार्थ खाणे योग्य ठरेल, याबाबत आहारतज्ज्ञांचा सल्ला घ्यावा.

(वजन घटवण्यासाठी रामबाण उपाय आहे कांदा, असे सेवन केल्यास वजन लवकर होऊ शकते कमी)

​रिकाम्या पोटी दही खाऊ नये

सकाळच्या वेळेस तुम्ही आपल्या नाश्त्यामध्ये केवळ गोड दह्याचा समावेश करू शकता. आंबट दही खाणे टाळावे. सोबत नाश्त्यामध्ये दही खाताना त्यामध्ये एक चमचा साखर मिक्स करा. मधुमेहाचा त्रास नसेल तरच साखरेचा समावेश करावा. सकाळी उठण्यास उशीर झाल्यास नाश्त्यामध्ये चुकूनही दही खाऊ नये. रिकाम्या पोटी दही खाल्ल्यास तुम्हाला भरपून झोप येऊ शकते आणि यामुळे तुम्हाला सुस्तपणा तसंच थकवा देखील जाणवू शकतो.

(तुम्ही योग्य पद्धतीने श्वास घेताय? श्वासोच्छवासाचे सोपे ६ व्यायाम प्रकार)

​रक्तदाबाची समस्या

रिकाम्या पोटी दही खाल्ल्यास थकवा जाणवतो कारण काही लोकांमध्ये रक्तदाब कमी होण्याची समस्या उद्भवते. यामुळे शरीरातील रक्त प्रवाह कमी होतो आणि ऑक्सिजनची पातळी देखील घटू लागते. याच कारणामुळे झोप येणे आणि शुद्ध हरपल्यासारखे जाणवते.

(नियमित या वेळेस हळदीचं पाणी प्या, मिळतील भरपूर आरोग्यदायी लाभ)

Note आपल्या आहारामध्ये कोणत्या पदार्थांचा समावेश करावा किंवा करू नये, यासाठी तुम्ही डॉक्टर तसंच आहारतज्ज्ञांचा सल्ला घेणे आवश्यक आहे. कारण प्रत्येकाच्या आरोग्याच्या समस्या वेगवेगळ्या असतात. त्यामुळे इतरांचा डाएट प्लान फॉलो करण्याची चूक करू नये.


Source link

You may also like...

Leave a Reply

Your email address will not be published. Required fields are marked *