Detox Drink १७ ते २३ नोव्हेंबर, या ७ दिवसांत प्या ७ वेगवेगळे ज्युस, कारणही जाणून घ्या

Spread the love

दिवाळी सण जल्लोषात साजरा केल्यानंतर १७ नोव्हेंबरपासून ते २३ नोव्हेंबरपर्यंत आपण या सात दिवसांत सात वेगवेगळ्या ज्युसचे सेवन करणं आरोग्यासाठी आवश्यक आहे. कारण जर दिवाळीमध्ये तुम्ही तेलकट-तुपकट खाद्यपदार्थांवर भरपूर प्रमाणात ताव मारला असेल तर शरीरात हानिकारक घटक वाढल्याची शक्यता नाकारता येत नाही. सण-उत्सवादरम्यान आपल्यापैकी बहुतांश जण अति प्रमाणात गोडधोड, तळलेले पदार्थ, तिखट पक्वान्न आणि जंक फूड इत्यादींचे सेवन करतात.

अशा परिस्थितीत दिवाळीनंतर लगेचच शरीर डिटॉक्स करणं आवश्यक आहे. म्हणजेच शरीरात जमा झालेले विषारी पदार्थ बाहेर काढणं महत्त्वाचे आहे. जेणेकरून शरीर आतील बाजूनं निरोगी राहण्यास मदत मिळते आणि त्वचेवर नैसर्गिक तेज देखील येतं. शरीर डिटॉक्स करण्यासाठी तुम्हाला जास्तीचे कष्ट घ्यावे लागणार नाहीत. तर यासाठी सलग सात दिवस वेगवेगळ्या प्रकारच्या फळांचा आणि भाज्यांचा रस तुम्हाला प्यावा लागेल. असे केल्याने शरीराला आवश्यक असणाऱ्या पोषण तत्त्वांचाही पुरवठा होईल आणि अनावश्यक घटक देखील सहजरित्या शरीरातून बाहेर फेकले जातील.

​गाजराचा रस

दिवाळीनंतर गाजर आणि बीटरुटचा रस प्यावा. याद्वारे शरीराला बीटा कॅरोटीन, लोह आणि खजिनांचा पुरवठा होतो. गाजरमध्ये फॉलेट, मॅग्नेशिअम आणि कॉपर यासारख्या पोषण तत्त्वांचा खजिना आहे. हे घटक आपलं शरीर आतील बाजूनं स्वच्छ करतात. ज्यामुळे शरीराच्या पेशींना नवीन ऊर्जा मिळते. गाजर व बीट ज्युसमुळे आपले शरीर अधिक निरोगी आणि सुंदर होते.

(Health Care रक्तवाहिन्यांचे आजार, जाणून घ्या लक्षणे आणि उपचारपद्धती)

​पालकचा रस

  • शरीर डिटॉक्स करण्यासाठी रामबाण उपाय म्हणजे पालकचा रस. पालकमध्ये भरपूर प्रमाणात लोह असते. शरीराला योग्य प्रमाणात लोहाचा पुरवठा झाल्यास रक्ताची कमतरता दूर होण्यास मदत मिळते.
  • पालक, ब्रोकोली आणि टोमॅटो एकत्र करून ज्युस तयार करावा व प्यावा.
  • दिवाळीदरम्यान वायू प्रदूषण देखील वाढते. वाढत्या प्रदूषणामुळे डोळ्यांमध्ये जळजळ होणे, घसा खवखवणे, डोके जड होणे इत्यादी समस्या निर्माण होतात. या सर्वांपासून सुटका मिळवण्यासाठी पालकचा ज्युस प्यावा. पण मर्यादित स्वरुपातच या रसाचे सेवन करावे, हे लक्षात ठेवा.
  • पालकमध्ये व्हिटॅमिन ए भरपूर प्रमाणात असते. हे जीवनसत्त्व आपल्या डोळ्यांच्या आरोग्यासाठी अतिशय आवश्यक आहे. ‘व्हिटॅमिन ए’मुळे आपल्या डोळ्यांच्या रेटिना निरोगी राहतात.

​कीवी ज्युस

  • कीवी फळामध्ये अँटी ऑक्सिडंट्स भरपूर प्रमाणात असतात. या फळाच्या सेवनामुळे आपले शरीर निरोगी राहते. आजार दूर ठेवण्यासाठी डॉक्टरांच्या सल्ल्यानुसार कीवी ज्युस प्यावा.
  • कीवीमुळे कोलेस्ट्रॉल देखील नियंत्रणात राहते. शरीरातील कोलेस्ट्रॉलची पातळी संतुलित ठेवण्यासाठी कीवी ज्युस अधिक प्रभावी आहे.

(रात्री झोपण्यापूर्वी गुळाचे सेवन का करावे? आरोग्यदायी लाभ माहीत आहेत का, जाणून घ्या)

संत्र्यांचा रस

व्हिटॅमिन आणि खनिजांचा उत्तम स्त्रोत म्हणजे संत्रे. या फळामध्ये व्हिटॅमिन ए, व्हिटॅमिन बी आणि व्हिटॅमिन सी भरपूर प्रमाणात असतात. सोबत यामध्ये कॅल्शिअम, पोटॅशिअम आणि फॉस्फरस यासारख्या तत्त्वांचाही समावेश आहे. दिवसभरात कमीत कमी एकदा संत्र्याचा रस नक्की प्यावा.

(लग्नासाठी हवाय आकर्षक लुक? जाणून घ्या काजल अग्रवालचे डाएट आणि फिटनेस सीक्रेट)

​मोसंबीचा रस

मोसंबी हे फळ व्हिटॅमिन सी आणि अँटी ऑक्सिडंट्सचे मुख्य स्त्रोत आहे. यामुळे शरीराची रोगप्रतिकारक शक्ती वाढण्यास मदत मिळते. हा रस कोणत्या वेळेस आणि किती प्रमाणात प्यावा याबाबत आहारतज्ज्ञांकडून सल्ला घ्यावा.

(फिटनेससाठी लाइफस्टाइलमध्ये कोणते बदल करणं ठरेल लाभदायक? जाणून घ्या)

​बेरीज् ज्युस

हिवाळ्यामध्ये बाजारात भरपूर प्रमाणात बेरीज् उपलब्ध होतात. बेरीज् म्हणजे ‘व्हिटॅमिन सी’चे नैसर्गिक आणि उत्तम स्त्रोत. या फळांमुळे शरीराची रोगप्रतिकारक शक्ती वाढते. ब्ल्यु बेरी, स्ट्रॉबेरी इत्यादी फळे मिक्सरमध्ये एकत्र घेऊन ज्युस तयार करा.

(Health Care गुडघ्यांचे स्नायू मजबूत करण्यासाठी या आसनाचा करा सराव)

​डाळिंबाचा रस

डाळिंबाचा रस सर्व ऋतूंमध्ये उपलब्ध असतो. हे फळ आरोग्यासाठी लाभदायक आहे. यामध्ये लोह आणि व्हिटॅमिन भरपूर प्रमाणात असतात. डाळिंबाच्या सेवनामुळे शरीरामध्ये हिमोग्लोबिनची मात्रा वाढते आणि रक्त शुद्ध देखील होतं. यासाठीच ‘Juice Week’ मध्ये डाळिंबाचा रस देखील प्यावा.

(उच्च रक्तदाबाचा त्रास आहे? किडनीचं आरोग्य जपणं का आहे आवश्यक ? जाणून घ्या)

NOTE आपल्या आहारामध्ये कोणत्याही फळांचा, भाज्यांचा समावेश करण्यापूर्वी ओळखीच्या आहारतज्ज्ञांचा सल्ला घ्यायला विसरू नका. तसंच दुसऱ्या व्यक्तीचे डाएट प्लान फॉलो करू नये.


Source link

You may also like...

Leave a Reply

Your email address will not be published. Required fields are marked *