Diwali 2020 आपल्या लहान मुलांसाठी असे घ्या स्टायलिश पारंपरिक आउटफिट, पाहा फोटो

Spread the love

सणासुदीच्या दिवसात दागदागिने, सजावट, गोडधोड पदार्थाव्यतिरिक्त कोणत्या पॅटर्नचे आउटफिट खरेदी करायचे, याबाबतही काही जणांचे प्लानिंग जवळपास महिन्याभरापूर्वीपासून सुरू असते. यातही पालकांना स्वतःव्यतिरिक्त मुलांच्याही कपड्यांची काळजी असते. दिवाळीच्या सणामध्ये आई-वडील आपल्या लहान मुलांसाठी खास कपडे खरेदी करण्याचा किंवा शिवून घेण्याचा प्रयत्न करतात.

मोठ्यांप्रमाणेच लहान मुलांचेही स्टायलिश आणि फॅशनेबल, आकर्षक डिझाइनचे कपडेआपल्याला बाजारात पाहायला मिळतात. पण यंदाच्या दिवाळीत मुलांसाठी नेमका कशा पद्धतीचा पोषाख घ्यावा, यावरून तुमचा देखील गोंधळ होतोय का? तर मग चिंता करू नका. पारंपरिक पोषाखातील काही पॅटर्नची माहिती आपण जाणून घेऊया.
(खण इन ‘फॅशन’! यंदाच्या दिवाळीला ट्राय करा खणाच्या साडीची हटके स्टाइल)

​साधा कुर्ता आणि स्टायलिश सलवार

लहान मुलांना शक्यतो वजनदार व अधिक प्रमाणात वर्क केलेलं कपडे घालणे पसंत नसते. कारण यामुळे चालण्या-फिरण्यास त्यांना त्रास होतो. यामुळे मुलांसाठी कॉटन किंवा सिल्कचा कुर्ता, त्यावर पेन्सिल पँट किंवा धोती- सलवार अशा पोषाखाची निवड करावी. हे आउटफिट्स सध्या ट्रेंडमध्ये देखील आहेत. कुर्ता आणि सलवार खरेदी करताना कपड्यांच्या लांबीकडेही लक्ष द्यावे. अधिक लांबीच्या कपड्यांमुळेही लहान मुलांची चिडचिड होण्याची शक्यता असते.

(Diwali 2020 यंदा इंडोवेस्टर्न हिट! जाणून घ्या फॅशनमधील नवीन ट्रेंड)

​शरारा आणि गरारा

शरारा आणि गरारा या आउटफिटचा ट्रेंड बाजारात पुन्हा पाहायला मिळत आहे. हल्ली कित्येक स्टार मंडळी देखील हे आउटफिट परिधान करताना दिसताहेत. यंदाच्या दिवाळीला तुम्हाला देखील आपल्या मुलीसाठी शरारा किंवा गरारा खरेदी करायला आवडेल का? मार्केटमध्ये तुम्हाला या आउटफिटमध्ये बरेच पॅटर्न सुद्धा आढळतील. याव्यतिरिक्त तुम्ही सहजपणे ऑनलाइन स्टोअरमधूनही कपडे खरेदी करू शकता. असे स्टायलिश कपडे परिधान केल्यानंतर तुमची मुलगी नक्कीच गोंडस दिसेल.

​मुलासाठी कुर्ता पायजमा

आपल्या मुलासाठी तुम्ही कॉटनपासून ते सिल्क फॅब्रिकपर्यंत कोणत्याही पॅटर्नमधील कुर्ता आणि पायजमा खरेदी करू शकता. हे कपडे मुलांसाठी अतिशय कम्फर्टेबल असतात. कुर्त्यावर तुम्ही एखादी पँट किंवा चुडीदार पायजमा देखील मॅच करू शकता. पण पायजमा अधिक लांबीचा नसावा, हे कायम लक्षात ठेवा. अन्यथा चालताना-फिरताना मुले धडपडण्याची शक्यता असते.

(अनुष्का शर्मा आणि करीना कपूरच्या मॅटर्निटी फॅशनची रंगली चर्चा)

​मॅचिंग कपडे

दिवाळीसाठी आपण आपल्या कुटुंबासाठी एखादी थीम देखील ठरवू शकता. यासाठी आपण स्वतःसाठी आणि मुलांसाठी मॅचिंग कपडे खरेदी करू शकता किंवा शिवून घेऊन शकता. अशा प्रकारचे कपडे तुम्हाला मार्केटमध्ये मिळणं थोडेसे कठीण होईल, पण बाजारातून एखादे फॅब्रिक खरेदी करून तुम्ही आवडीनुसार पोषाख शिवून घेऊ शकता.

(Diwali 2020 चंदेरी साज! दिवाळीसाठी हटके लुक हवाय? जाणून घ्या ऑक्सिडाइज्ड ज्वेलरीचा ट्रेंड)

​साडी लुक

तुमच्या चिमुकलीसाठी रेडीमेड साडी देखील चांगला पर्याय ठरू शकतो. मार्केट किंवा ऑनलाइन स्टोअरमध्ये आपल्याला किड्स साइज साडी सहजरित्या मिळेल. याव्यतिरिक्त आपण मुलीसाठी साडी शिवून देखील घेऊ शकता. म्हणजे मुलीला चालताना-फिरताना त्रास होणार नाही. तिच्यासाठी रेडीमेड साडी लुक कम्फर्टेबल देखील ठरेल.

(रब ने बना दी जोडी! विराटच्या वाढदिवशी अनुष्काने परिधान केला होता ‘हा’ सर्वात सुंदर ड्रेस)

​लेहंगा आणि अनारकली ड्रेस

तुमची मुलगी १३ ते १५ या वयोगटातील असल्यास तिच्यासाठी आपण गडद रंगाचा लेहंगा किंवा अनारकली ड्रेस खरेदी करू शकता. मार्केटमध्ये या पॅटर्नचे वेगवेगळ्या प्रकारचे भरपूर ड्रेस तुम्हाला सहजरित्या मिळतील. यापैकी एका ड्रेसची निवड करणं कदाचित तुम्हाला अवघड देखील जाऊ शकते. या लुकसह आपण आपल्या मुलीसाठी मॅचिंग ज्वेलरी देखील खरेदी करू शकता. किंवा तुमच्याकडील एखादे नेकलेस सुद्धा यावर मॅच करता येऊ शकते.

(करीना कपूरने पुन्हा सर्वांचं लक्ष घेतलं वेधून, ‘या’ आकर्षक ड्रेसमध्ये दिसतेय सुपर स्टायलिश)


Source link

You may also like...

Leave a Reply

Your email address will not be published. Required fields are marked *