Diwali 2020 घरच्या घरी मेकअप करताना लक्षात ठेवा या टिप्स

Spread the love

तेजल निकाळजे
मेकअप करण्याआधी त्याचे टप्पे जाणून घेणे गरजेचे आहे. सर्वांत आधी चेहरा स्वच्छ पुसा आणि मॉइश्चरायझर लावा. त्यानंतर प्रायमर लावा. प्रायमर लावल्याने मेकअप व्यवस्थितपणे सेट होण्यास मदत होते. सणामध्ये गडद मेकअप करण्यावर भर दिला जातो. पेहरावाला शोभून दिसेल अशा शेडचे शिमर, हायलायटर, ब्लश वापरावेत. गडद मेकअप करायचा असल्यास चंदेरी, सोनेरी, ब्राँझ रंगाच्या शिमर्सची मदत घ्या. चेहऱ्यावर असणारे डाग लपवण्यासाठी बाजारात खास तीन ते चार रंगाचे करेक्टर्स किंवा कन्सिलर्स मिळतात, ते विकत घ्या. सणावारानुसार मेकअप कसा करायला हवा याबद्दल असंख्य व्हिडिओ यू-ट्यूबवर उपलब्ध आहेत.

महत्त्वाचा टप्पा
सध्या स्मोकी आइज मेकअपची क्रेझ आहे. डोळ्यांचा मेकअप शक्यतो चेहऱ्याच्या आधी करावा; त्यामुळे आयशॅडोचे रंग चेहऱ्यावर पडून मेकअप खराब होण्याची शक्यता कमी होते. लेन्स वापरत असाल, तर ते मेकअप करण्याच्या आधी लावावेत. डोळ्यांचा मेकअप करताना, डोळ्यांखाली असणारी काळी वर्तुळे कलर करेक्टर किंवा कन्सिलरने लपवा. हायलायटर, फाउंडेशन आणि कन्सिलर विकत घेताना, तुमच्या रंगाच्या एक शेड सौम्य घ्यावे. डोळ्यांच्या मेकअपमध्ये आयब्रो पेन्सिल आणि मस्कारा लावायला विसरू नका. जेल बेस असणाऱ्या लिपस्टिक्सऐवजी जलरोधक आणि मॅट बेस किंवा लिक्विड मॅट लिपस्टिकची निवड करा.
(Natural Hair Care Tips पांढरे झालेले केस पुन्हा काळे होऊ शकतात का? जाणून घ्या माहिती)


हेअरस्टाइलचे पर्याय
हेअरस्टाइल नेहमी मेकअपआधी करावी. आपला पेहराव कसा आहे, यावरून हेअरस्टाइल ठरवा. सध्या ऑक्सिडाइज्ड हेअर अॅक्सेसरीजचा ट्रेंड आहे. त्याचे प्रकार वापरा. फिश टेल पोनी, ब्रेड्स, वेण्यांचे विविध प्रकार याचे पर्याय आहेत.
(चेहऱ्यावर येईल इन्स्टंट ग्लो, मऊ व चमकदार त्वचेसाठी घरच्या घरी असं तयार करा फेस वॉश)


टिप्स


– सणासुदीला मेकअप करताना वॉटरप्रूफ प्रॉडक्ट्सची निवड करा.
– तेलकट त्वचा असणाऱ्यांनी मॅट, तर कोरडी त्वचा असणाऱ्यांनी मॉइश्चरायझर किंवा क्रीम बेस फाउंडेशनचा वापर करावा.
– मान आणि चेहऱ्याचा टोन समान दिसेल या हिशेबाने मेकअप करा.
– सणावाराच्या मेकअपमध्ये टिकलीला महत्त्व असते. मोठ्या आकाराच्या टिकल्यांना प्राधान्य देऊ शकता.
– मेकअप टिकून राहण्यासाठी तो सेट करणारा स्प्रे वापरावा.
– मेकअपचा साइड इफेक्ट होऊ नये यासाठी; तसेच निरोगी आणि तजेलदार त्वचेसाठी चेहऱ्यावर नियमित मॉइश्चरायझर आणि सेन्सेन्शिअल ऑइल्स लावा.


(Beauty Tips घरच्या घरी कसं तयार करायचं मेकअप फाउंडेशन, जाणून घ्या पद्धत)




Source link

You may also like...

Leave a Reply

Your email address will not be published. Required fields are marked *