DIY Ayurvedic Soap त्वचा उजळण्यासाठी असा तयार करा काकडीपासून घरगुती आयुर्वेदिक साबण

Spread the love

​साबण तयार करण्यासाठी लागणारी सामग्री

काकडीमध्ये व्हिटॅमिन के, व्हिटॅमिन सी आणि बीटा कॅरोटीन यासारख्या पोषक तत्त्वांचा समावेश आहे. तसंच काकडी आपल्या त्वचेसाठी नैसर्गिक क्लींझरप्रमाणे कार्य करते. यामुळे चेहऱ्यावर नैसर्गिक चमक येते.

अर्धी काकडी, दोन ते तीन पुदिन्याची पाने, ग्लिसरीन साबण (पिअर्सचा वापर करू शकता), साबणची वडी तयार करण्यासाठी पेपर कप किंवा वाटी

(केमिकलयुक्त प्रोडक्टचा वापर टाळा, सकाळी उठल्यानंतर चेहऱ्याची अशी घ्या काळजी)

​साबण तयार करण्याची पद्धत

सर्वप्रथम काकडी पाण्याने स्वच्छ धुऊन घ्या आणि मध्यातून कापा. आता काकडी मिक्सरच्या भांड्यामध्ये वाटून घ्या. काकडीची बारीक पेस्ट तयार करून घ्या. पुदिन्याची पाने देखील बारीक कापून घ्या. एका पॅनमध्ये डबल बॉयलर भांडे ठेवून साबण वितळवून घ्यावा. वितळवलेल्या साबणामध्ये काकडीची पेस्ट आणि पुदिन्याची बारीक कापलेली पाने मिक्स करा. गॅस बंद करा आणि साबणाचे मिश्रण थंड होण्यास ठेवून द्या.

(Natural Hair Care केसांसाठी घरच्या घरी कसे तयार करायचे नॅचरल डाय, जाणून घ्या सोपी पद्धत)

​साबणाची वडी कशी तयार करावी?

साबणाचे मिश्रण एका साच्यामध्ये भरा. यानंतर साचा एक किंवा दोन तासांसाठी फ्रीजरमध्ये ठेवून द्या. साबणाची वडी तयार झाल्यानंतर साच्यातून अलगद काढावी. घरगुती आयुर्वेदिक साबण तयार झाला आहे.

काकडीच्या साबणाचे लाभ : टॅनिंग कमी होते

या साबणामध्ये नैसर्गिक स्वरुपात ब्लीचिंग गुणधर्म असतात. ज्यामुळे स्किन टॅनिंगची समस्या दूर होण्यास मदत मिळते. या साबणाचा नियमित वापर केल्यास त्वचा उजळेल आणि नितळ सुद्धा होईल.

(Aishwarya Rai Bachchan मिस वर्ल्ड ऐश्वर्या रायचं ब्युटी सीक्रेट माहीत आहे का?)

​डोळ्यांवरील सूज होते कमी

डोळ्यांना (Eye Care Tips) सूज येण्याच्या समस्येमुळे तुम्ही त्रस्त आहात का? यावर उपाय म्हणून तुम्ही काकडीचा वापर करू शकता. काकडीचे स्लाइल आपल्या डोळ्यांवर ठेवा. यामुळे डोळ्यांना थंडावा मिळेल. तसंच काकाडीच्या साबणामध्ये एस्कॉर्बिक अ‍ॅसिड आणि कॅफिक अ‍ॅसिडचा समावेश आहे. हे घटक डोळ्यांना आलेली सूज कमी करण्याचे कार्य करतात.

(Aloe Vera घरच्या घरी कसे तयार करायचे शुद्ध अ‍ॅलोव्हेरा जेल? जाणून घ्या पद्धत)

​त्वचेचे सौंदर्य वाढवते

त्वचेशी संबंधित समस्या दूर करण्यासाठी काकडीच्या साबणाचा उपयोग करावा. यामुळे ओपन पोअर्स बंद होतात. त्वचेवरील डाग, मुरुम कमी होतात. ज्यामुळे त्वचा आधीच्या तुलनेत अधिक नितळ आणि सुंदर दिसते. हा साबण तुम्ही आंघोळीसह चेहरा स्वच्छ करण्यासाठीही वापरू शकता. महत्त्वाचे या साबणामुळे त्वचेवर कोणतेही दुष्परिणाम होणार नाहीत.

(Natural Skin Care घरच्या घरी कसे तयार करायचे ऑरेंज पील ऑफ मास्‍क?)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा. त्वचेचे नुकसान होऊ नये, यासाठी तज्ज्ञांचे मार्गदर्शन घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *