Essential Oil शुद्ध एसेंशिअल ऑइल कसे ओळखावे? या ५ गोष्टी तपासणं आहे गरजेचं

Spread the love

​तेलाच्या बाटलीची तपासणी करा

प्लास्टिक किंवा अन्य कोणत्याही प्रकारच्या बाटलीत मिळणाऱ्या एसेंशिअल ऑइलची खरेदी करू नये. काचेच्या बाटलीत उपलब्ध असणारेच तेल विकत घ्यावे. तेल भेसळयुक्त आहे की शुद्ध? हे ओळखण्यासाठी आणखी एक महत्त्वाचा घटक म्हणजे बाटलीचा रंग. साधारणतः हे तेल कोबाल्ट ब्ल्यु किंवा तपकिरी रंगाच्या बाटलीतच मिळते. अशा प्रकारचे तेल प्लास्टिकमध्ये पॅक करून दिलं जात नाही. कारण तेलातील गुणधर्म कमी होण्याची शक्यता असते.

(Navratri 2020 नवरात्रौत्सव 2020 : उपवास करण्याचे सौंदर्यवर्धक व आरोग्यवर्धक लाभ माहीत आहेत?)

​लेबलवर लॅटिन भाषेत नाव असणे आवश्यक

बाटलीच्या लेबलवर एसेंशिअल ऑइलचा प्रकार, तेलाचं नाव किंवा संबंधित वनस्पती नाव लॅटिन भाषेत असणं आवश्यक आहे. याव्यतिरिक्त तेल तयार करण्यासाठी वनस्पतीचा कोणता भाग वापरण्यात आला आणि तेल कशा पद्धतीने काढण्यात आले, याबाबतची माहिती देखील तपासून घ्यावी. दरम्यान बर्‍याचदा लोक १०० टक्के शुद्ध एसेंशिअल ऑइल खरेदी करत नाहीत.

(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

​‘या’ प्रकारचे तेल खरेदी करू नये

काचेच्या छोट्या बाटलीत उपलब्ध असणारे प्रत्येक तेल एसेंशिअल ऑइलच असेल असे नाही, हे कायम लक्षात ठेवा. तेलाच्या बाटलीवर ‘सुगंधित तेल’ असे लेबल तुम्हाला दिसल्यास याचा अर्थ हे तेल केवळ सुवासिक आहे. लेबलवरील माहिती वाचल्याशिवाय तेल खरेदी करणं टाळा. त्वचेशी संबंधित विकार टाळण्यासाठी ही खबरदारी घेणे आवश्यक आहे.

(Navratri 2020 उपवासादरम्यान चेहऱ्यावर हवाय नॅचरल ग्लो? डाएटमध्ये या ६ गोष्टींचा करा समावेश)

​ऑक्सिडेशन प्रक्रिया

ऑक्सिडाइझ्ज केलेली कोणतीही वस्तू कधीही खरेदी करू नये. भेसळयुक्त एसेंशिअल ऑइलमध्ये ही बाब बऱ्याचदा आढळून येते. तेल अधिक काळ टिकून राहावे, यासाठी ही रासायनिक प्रक्रिया केली जाते. पण या प्रक्रियेमुळे एसेंशिअल ऑइल खराब होऊ शकते.

(उन्हामुळे त्वचा होते लाल? क्रीममुळे रॅशेज येतात? संवेदनशील त्वचेशी संबंधित जाणून घ्या ५ गोष्टी)

​एसेंशिअल ऑइलची किंमत

वाढती मागणी पाहता हल्ली कित्येक कंपन्यांकडून एसेंशिअल ऑइलचे उत्पादन घेतले जात आहे. दरम्यान शुद्ध आणि नैसर्गिक एसेंशिअल ऑइल महाग असतात. काही घटकांवर एसेंशिअल ऑइलची किंमत अवलंबून असू शकते. उदाहरणार्थ शेतीची प्रक्रिया, योग्य वनस्पतींची उपलब्धता, काढणी किंवा तेल तयार करण्याची पद्धत. एसेंशिअल ऑइल विकत घेताना या सर्व गोष्टी तपासून घेणे आवश्यक आहे.

(व्हॅक्सिंग केल्यानंतर त्वचेवर बारीक पुरळ आणि खाज येते का? जाणून घ्या हे ५ घरगुती उपाय)

NOTE : त्वचा आणि केसांशी संबंधित कोणतेही उपाय करण्यापूर्वी किंवा एखादे ब्युटी प्रोडक्टचा वापरण्यापूर्वी आपल्या ओळखीच्या डॉक्टरांचा सल्ला घेणे आवश्यक नाही.


Source link

You may also like...

Leave a Reply

Your email address will not be published. Required fields are marked *