Fashion Tips को-ऑर्ड ड्रेसची क्रेझ! का वाढतेय या स्टायलिश पॅटर्नची मागणी?

Spread the love

तेजल निकाळजे, साठ्ये कॉलेज
समान रंग असणाऱ्या टॉप आणि पलाझो यांचं एकत्रित स्टायलिंग करून तयार होणारा टू-पीस ड्रेस तरुणींचं लक्ष वेधून घेतोय. टू-पीस ड्रेसना को-ऑर्ड ड्रेस या नावानं देखील ओळखलं जातं. स्टायलिश आणि आरामदायी पेहरावाची आवड असणाऱ्या तरुणींसाठी टू-पीस ड्रेसेस उत्तम पर्याय आहे. आकर्षक रंगांचे पर्याय, डिझाइन्स, सुंदर प्रिंट्स, गळ्याचे आकार, स्लीव्हज पॅटर्न आणि भन्नाट स्टायलिंगमुळे टू-पीस ड्रेसना सध्या भरपूर मागणी आहे.

टू-पीस ड्रेस विकत घेताना त्यांच्या पॅटर्न आणि प्रकारांविषयी माहिती असल्यास स्टायलिंग करायला आणखी सोपं जातं.
(गुलाबी रंगाची क्रेझ : कपड्यांपासून ते फॅशनेबल वस्तूंपर्यंत हवाहवासा गुलाबी रंग)

​स्कर्ट-पलाझोचा पर्याय

काही तरुणींना पलाझो पँट तर काहींना स्कर्ट्सची आवड असते. टू-पीस ड्रेसमध्ये टॉप सोबत पँट आणि स्कर्ट दोन्हीचा पर्याय असल्यानं या पेहरावाकडे तरुणींचा कल वाढत चालला आहे. विशेष म्हणजे तुम्हाला बॉडीकॉन म्हणजेच अंगाला चिकटून बसणाऱ्या ड्रेसची आवड नसेल तर या पेहरावात स्कर्ट आणि पँट दोन्हीसोबत स्टायलिंग करता येतं.

  • पलाझोमध्ये रफल, स्लिट, फ्लेयर्ड, बेल बॉटम आणि कुलोट्स पॅटर्नची चलती आहे.
  • स्कर्टमध्ये मिडी, ए-लाइन, लाँग स्कर्ट, प्लेटेड पॅटर्नना विशेष मागणी आहे.

(चमकते रहो! स्टायलिश लुक देणाऱ्या सिक्विन पॅटर्नची तरुणींना भुरळ)

​इंडो-वेस्टर्न फ्युजनची कमाल

टू-पीस पेहराव वेस्टर्न आउटफिट्समध्ये गणला जात असला तरीही त्यांना पारंपरिक टच दिला जातोय. बाजारात किंवा ऑनलाइन तुमच्या बजेटमध्ये असणारा टू-पीस शोधा. इंडो-वेस्टर्न टू पीससाठी शरारा पॅटर्नच्या पँट्सचा पर्याय आजमावून बघितला जातो. सध्या धोती आणि स्लीव्हलेस टॉप एकत्र स्टायलिंग करण्याचा ट्रेंड जोमात आहे. यासोबतच इंडो-वेस्टर्न पद्धतीच्या टू-पीस पेहरावावर गडद रंगाचा किंवा प्रिंटेड लाँग श्रग परिधान केला जातो. त्यामुळे तुमच्या लूकला चार चांद लागतील.

(जॅकेट्सचा स्टायलिश पर्याय, जाणून घ्या हे चार प्रकार)

​डिझाइन्स-रंगाचा खजिना

टू-पीस ड्रेसमध्ये आवडीप्रमाणे डिझाइन्स उपलब्ध असतात हे या पॅटर्नचं वैशिष्ट्य आहे. पार्टीसाठी काही हट के पेहराव करण्याची इच्छा असेल तर टू-पीस प्रॉम ड्रेसेसचा भन्नाट पर्याय आहे. पेस्टल रंगापासून ते गडद रंगांपर्यंत असंख्य पर्याय असतात. टू-पीस परिधान केल्यानंतर लूकमध्ये कमालीची भर पडते. सौम्य आणि पेस्टल रंगाच्या छटांना तरुणींची जास्त पसंती पाहायला मिळत आहे. टू-पीस आउटफिटची ऑनलाइन खरेदीही करू शकता. खालील पॅटर्नच्या टू-पीसची चलती पाहायला मिळत आहे.

  • फ्लोरल, पोलका डॉट, मेटॅलिक, भूमितीय आकार, व्हर्टिकल स्ट्रीप पॅटर्न.
  • तसंच शिमर हा पर्यायही मोठ्या प्रमाणात निवडला जातो.
  • वेलवेट फॅब्रिकचा अधिक वापर केला जातो.

(Flower Print Fashion फुलाफुलांची फॅशन जोमात)

​आकर्षक पॅटर्न खुलवतील सौंदर्य

टू-पीसमधल्या टॉप्सना आकर्षक रंगांसोबतच गळ्याचा आकार आणि स्लीव्ह पॅटर्ननुसार मागणी असते. टॉप्समध्ये फ्रिल नेक आणि ऑफ शोल्डर यांचं उत्तम गणित जुळतं. तर स्लीव्ह डिझाइनमध्ये एंजल स्लीव्हसना तरुणींची पसंती जास्त आहे. शिवाय, टू-पीसमध्ये फ्रंट नॉट आणि कॅमी टॉप्सची फॅशन ट्रेंडमध्ये आहे. स्टायलिंगची उत्तम जाण असणाऱ्या तरुणींना मिस मॅचचा पर्याय आहे. पण, एकाच रंगाचा टू-पीस पेहराव अधिक खुलून दिसतो.

(करीना कपूरने परिधान केला आतापर्यंतचा सर्वात सुंदर ड्रेस, चाहत्यांना आवडला लुक)

टिप्स

  • टू-पीस ड्रेसवर अ‍ॅक्सेसरीजची विशेष गरज नसते. पण, निवड करायची असल्यास नाजूक नेकपिस आणि स्लिंग बॅग्सना प्राधान्य द्या.
  • ड्रेस विकत घेताना त्याचं कापड मऊ आणि आरामदायी आहे का याची खात्री करून घ्या.
  • टॉप्सना बऱ्याचदा इलॅस्टिक लावलेलं असतं, त्याचा त्रास होण्याची शक्यता नाकारता येत नाही. अशा वेळी टॉपसाठी दुसरा पर्याय शोधा.
  • टॉप्समध्ये ऑफ शोल्डर, क्रॉप टॉप्स, कॅमी टॉप्स आणि ब्लाउज टॉप तर बॉटमवेअर्समध्ये स्कर्ट आणि पलाझो हे एकमेकांना पूरक पर्याय आहेत.
  • उपलब्ध असणाऱ्या आउटफिट्सना मिस मॅच करून तुम्ही आवडीप्रमाणे घरच्या घरी देखील टू-पीस पेहराव तयार करू शकता.

(मेटॅलिक लुक ठरतोय हिट! तरुणींमध्ये ‘या’ पॅटर्नची का आहे इतकी क्रेझ)


Source link

You may also like...

Leave a Reply

Your email address will not be published. Required fields are marked *