Food To Boost Your Mood : मन उदास असल्यास खालीलपैकी एक पदार्थ खा, मूड होईल लगेच बूस्ट!

Spread the love

प्रत्येकवेळी मुड खराब असण्यामागे वेगवेगळी कारणे असू शकतात. कामाचा तणाव, फॅमिली टेन्शन, अपूरी झोप, अनियमित जीवनशैली किंवा महिलांमध्ये पीएमएसच्या समस्येमुळे मुड ऑफ होण्याची समस्या निर्माण होऊ शकते. मुड खराब असताना कोणतंच काम करण्याची इच्छा होत नाही आणि झालीच तर काम हमखास बिघडतं, कारण आपलं पूर्ण मन त्या कामात नसतंच. मूड खराब असताना रडू येतं, उदास वाटतं, काम करण्याची इच्छा होत नाही, शरीरातील उर्जा संपल्यासारखं वाटतं, मनात अनेक नकारात्मक विचार येतात किंवा मग झोप येत राहते.

मन उदास असण्याचं वरीलपैकी कारण काहीही असो पण तुम्हाला ताबडतोब मनावरील जळमटं काढून पहिल्यासारखं आनंदी व एनर्जेटिक राहायचं असेल तर खाली दिलेल्या अनेक स्वादिष्ट पदार्थांपैकी कोणताही एक पदार्थ खा. यामुळे तुमचा दिवस आनंदमय होईल तसंच मनावरील ताण कुठच्या कुठे पळून जाईल. शिवाय या उपायाने तुम्हाला फरक पडला तर तुम्ही इतरांनाही खुश ठेऊ शकता व उदास असणा-या माणसाचा मुड चुटकीसरशी ठीक करु शकता.

अक्रोड

अक्रोड मध्ये ओमेगा ३ फॅटी अॅसिड भरपूर प्रमाणात आढळतं. हे फॅटी अॅसिड आपल्या ब्रेन आणि खास करुन भावनांना आवर घालण्यास खूप महत्त्वाची भूमिका निभावतं. तुमचा मुड खराब असण्यामागे कारण काहीही असो, दोन ते तीन अक्रोड फोडून त्यातील बी खा. तुम्ही हे बीज हळू हळू चावून खाल्ले तर तुम्हाला स्वत:ला जाणीव होईल की तुमचा तणाव दूर होतो आहे. अक्रोडमध्ये मेलाटोनिन असतं जे झोपेसाठी लाभदायक असतं, यामुळे अनिद्रेची समस्या दूर होते व आपण आपोआपच उर्जावान फिल करु लागतो.

(वाचा :- छोटी-मोठी कामं केल्यानंतरही धाप लागते आहे? मग जाणून घ्या त्यामागील कारणे व उपाय!)

ब्राऊन ब्रेड

जेव्हाही मुड खराब असेल तेव्हा तुम्ही ब्राऊन ब्रेड पासून तयार केलेले सॅंडविच किंवा टोस्ट खाऊ शकता. तुम्ही ब्राऊन ब्रेडवर साजूक तूप लावून ते तव्यावर भाजून देखील खाऊ शकता. ब्राऊन ब्रेडमुळे शरीरामध्ये रक्तशर्करा म्हणजेच रक्तातील साखरेचे प्रमाण योग्य राहते व मुड बुस्ट होतो. ब्राऊन ब्रेड हा गव्हापासून बनवला जात असल्याने तो अधिक हेल्दी असतो. कॅलरीजच्या तुलनेत फॅटचे प्रमाण फारच कमी असते. त्यामुळे हा ब्रेड एनर्जी देतो. याची चव खास नसली तरी तुम्ही अंडी किंवा इतर काही गोष्टींसोबत हा ब्रेड खाल्ल्यास पोट भरलेले राहते. ब्राऊन ब्रेडचे सेवन करावे कारण त्यातून मिळणारे कॅल्शिअम हाडांच्या बळकटीसाठी लाभदायक ठरते.

(वाचा :- करोनानंतरचं जीवन सुरु करताना मानसिक व शारीरिक आरोग्यासाठी असा करा दिनक्रम सेट!)

ग्रीन टी व ऑमलेट

मुड खराब असताना ग्रीन टी पिणं अतिशय फायदेशीर असतं. कारण ग्रीन टी मध्ये अॅमिनो अॅसिड असतं. हे अॅसिड मेंदू मधील हार्मोन्स संतुलित करुन मन एकाग्र करतं व मानसिक शांती वाढवण्याचं काम करतं. यामुळे आपल्याला रिलॅक्स वाटतं. जर तुम्हाला अंडी आवडत असतील तर मुड खराब असताना शिजवलेलं अंड किंवा गरमा गरम ऑमलेट खा. तुम्हाला स्वत:ला मुड बुस्ट झालेला जाणवेल. प्रोटीनची अधिक मात्रा आणि पोषक तत्वांनी परिपूर्ण असल्यामुळे अंड शरीराला नवी उर्जा प्रदान करतं. त्यामुळे मुड बुस्ट करायचा असल्यास अंड व ग्रीन टी हे दोन पर्याय सर्वोत्तम ठरु शकतात.

(वाचा :- यावेळी खा ‘वेज पनीर भुर्जी’, लठ्ठपणा कमी करण्यास मदत करेल ही लो फॅट रेसिपी!)

कॉफी

कॉफी प्यायल्याने मुड ठीक होतो हे ब-याच लोकांना माहित आहेच. जर तुमचं डोकं जड असेल, थकवा जाणवत असेल आणि मुड खराब होण्याची समस्या दिवसेंदिवस वाढत असेल तर तुम्ही निवांत वेळ काढून कॉफीचा आस्वाद घ्या. कॉफीमुळे मनाला शांतता लाभेल. पण मुडच्या नावाखाली प्रमाणापेक्षा जास्त कॉफी पिऊ नका, कारण त्यात कॅफिन नावाचा घटक असतो जो शरीरासाठी घातक असतो. म्हणूनच दिवसभरातून एक ते दोन वेळा कॉफीचे सेवन योग्य असू शकते.

(वाचा :-पोट सतत खराब होतं? मग जाणून घ्या तुमचा इटिंग पॅटर्न किती योग्य आहे?)

पीएमएसमध्ये महिलांनी हे करावं

पिरीयड्स सुरु होण्याआधी व पिरीयड्स सुरु असताना हमखास मुड खराब असतो. यामुळे विनाकारण चिडचिड होते, रडू येतं, राग येतो. असं हार्मोन्सच्या बदलांमुळे होतं. या परिस्थितीत केसरचं सेवन तुम्हाला भरपूर आराम देऊ शकतो. त्यामुळे पिरीयड्समध्ये मुड खराब झाला तर केसर किंवा ब्लॅक टी मध्ये लिंबू पिळून त्याचं सेवन करा.

(वाचा :- रक्तप्रवाह सुरुळीत राहण्यासाठी व पोटरीचे स्नायू हलके होण्यासाठी नियमित करा ‘हे’ साधेसोपे व्यायाम!)

डाएटमध्ये करा या २ गोष्टींचा समावेश

जर तुम्हाला नेहमी मुड स्विंग्सचा सामना करावा लागत असेल तर आहारात तुम्ही हिरव्या पालेभाज्या, कडधान्य, बिन्स, ड्राय फ्रुट्स आणि मासे याचा समावेश करा. २ आठवड्यातच तुम्हाला फरक दिसून येईल.

(वाचा :- डायबिटीज, केसगळती व लठ्ठपणावर रामबाण ठरतात मेथीदाणे, जाणून घ्या वापराची पद्धत!)


Source link

You may also like...

Leave a Reply

Your email address will not be published. Required fields are marked *