Foot Care ‘या’ दगडच्या मदतीने दूर करा टाचांच्या भेगा व दुर्गंध, जाणून घ्या योग्य पद्धत

Spread the love

आपल्यापैकी बहुतांश जण पायांच्या देखभालीकडे पूर्णतः दुर्लक्ष करतात. यामुळे टाचांची त्वचा कोरडी होऊन भेगा पडू लागतात आणि त्यामध्ये दुर्गंध जमा होऊ लागते. भेगा पडलेल्या टाचांची समस्या त्रासदायक असते. ही समस्या दूर करण्यासाठी काही जण भेगा पडलेल्या टाचा रगडून – रगडून स्वच्छ करतात. पण यामुळे पायातून रक्त येऊ लागते. असे केल्यास समस्या अधिक गंभीर होऊ शकते, त्यामुळे हा उपाय करणं टाळा. याऐवजी ‘प्युमिक स्‍टोन’चा वापर करणं पायांसाठी अधिक लाभदायक ठरू शकते.

बाजारामध्ये वेगवेगळ्या आकारात प्‍युमिक स्‍टोन उपलब्ध असतात. या स्टोनचा उपयोग त्वचेवरील दुर्गंध दूर करण्यासाठी केला जातो. या स्टोनचं टेक्शर रखरखीत ज्यामुळे टाचांचं स्क्रबिंग सहजरित्या होते. कोरड्या आणि भेगा पडलेल्या टाचांची समस्या दूर करण्यासाठी प्युमिक स्टोनचा कसा उपयोग करावा? याबाबतची सविस्तर माहिती जाणून घेऊया…
(त्वचेचा कर्करोग, जाणून घ्या मुख्य लक्षणे व उपचार)

​प्‍युमिक स्‍टोन वापरण्याचे फायदे

भेगा पडलेल्या टाचांची समस्या दूर करण्यासाठी नियमित या स्टोनचा वापर करणं आवश्यक आहे. उपचारामध्ये सातत्य टिकवून ठेवल्यास टाचांची समस्या दूर होण्यास मदत मिळेल. प्युमिक स्टोनच्या वापरामुळे काही आठवड्यांमध्येच टाचांची त्वचा मऊ आणि सुंदर दिसू लागते.

(रात्री झोपण्यापूर्वी २ मिनिटे चेहऱ्याचा ‘या’ नैसर्गिक तेलाने करा मसाज, त्वचेमध्ये दिसतील असे बदल)

​प्युमिक स्टोनचा उपयोग कसा करावा?

  • स्‍टेप 1: एका टबमध्ये कोमट पाणी घ्या आणि त्यामध्ये शॅम्पू मिक्स करा. आपल्या पायांच्या त्वचेला पोषण तत्त्वांचा पुरवठा व्हावा, यासाठी आपण पाण्यामध्ये कोणत्याही प्रकारचे एसेंशिअल ऑइल मिक्स करू शकता.
  • स्‍टेप 2: आपले पाय साबणाच्या पाण्यामध्ये १० ते १५ मिनिटे बुडवून ठेवा.
  • स्‍टेप 3: काही सेकंदांसाठी याच पाण्यामध्ये प्युमिक स्‍टोन देखील भिजत ठेवा. असे केल्याने टाचांच्या त्वचेचं स्क्रबिंग सहजरित्या होतं.
  • स्‍टेप 4: यानंतर पाय पाण्यातून बाहेर काढा आणि ओल्या प्युमिक स्टोनने टाचांचे स्कब्रिंग करा. तीन ते पाच मिनिटे गोलाकार गतीने हलक्या हाताने टाचांची त्वचा रगडा. डेड स्‍किन आणि दुर्गंध निघेपर्यंत प्युमिक स्‍टोनने स्क्रब करत राहा.
  • स्‍टेप 5: यानंतर पाय कोमट पाण्याने स्वच्छ धुवा आणि टॉवेलनं पुसून घ्या.
  • स्‍टेप 6: सर्वात शेवटी आपल्या पायांवर क्रीम किंवा मॉइश्चराइझर लावा. यामुळे तुमच्या त्वचेला ओलावा मिळेल आणि त्वचा मऊ व चमकदार दिसेल.

(हिना खानने शेअर केलं ब्युटी सीक्रेट, चमकदार त्वचेसाठी लावते स्‍ट्रॉबेरी फेस पॅक)

​प्युमिक स्टोन सांभाळून कसं ठेवावे ?

एखादी वस्तू योग्य पद्धतीनं सांभाळून ठेवल्यास ती चांगल्या प्रकारे काम करते. प्युमिक स्टोन देखील योग्य पद्धतीने सांभाळून ठेवावा. सामान्यतः या दगडाला एक दोरी जोडलेली असते. दगडाचा उपयोग केल्यानंतर तो स्वच्छ धुऊन घ्यावा आणि कोरड्या ठिकाणी लटकवून ठेवा. तसंच प्रत्येक आठवड्यात दगडाचे निर्जंतुकीकरण करणे आवश्यक आहे. यासाठी उकळत्या पाण्यामध्ये प्युमिक स्टोन पाच मिनिटांसाठी भिजत ठेवा. यानंतर दगड पूर्णपणे नैसर्गिकरित्या सुकू द्यावा.

(Ayurvedic Remedies टाळूला येणारी खाज कमी करण्यासाठी करा हे आयुर्वेदिक उपाय, केसगळतीही होईल कमी)

​प्युमिक स्टोनशी संबंधित काही प्रश्न-उत्तरे

  • प्युमिक स्टोनचा वापर किती वेळा करावा?

उत्तर : प्युमिक स्टोनचा वापर आठवड्यातून दोन ते तीन वेळा केला जाऊ शकतो.

(स्ट्रॉबेरी लेग्समुळे मुलींचे पाय दिसतात खराब, ही समस्या दूर करण्यासाठी जाणून घ्या सोपे उपाय)

  • प्युमिक स्टोन किती काळ टिकून राहतो?

उत्तर : दोन ते तीन महिन्यांनंतर प्युमिक स्टोन बदलणं गरजेचं आहे. कारण दगडावर बॅक्टेरिया जमा होण्याची शक्यता असते. त्यामुळे एकच दगड दीर्घकाळासाठी वापरणं पायांच्या आरोग्यासाठी योग्य नाही.

​प्युमिक स्टोन त्वचेसाठी सुरक्षित आहे का?

होय! जोपर्यंत आपण आपल्या त्वचेवर हळूवारपणे प्युमिक स्टोनचा वापर करत आहात तोपर्यंत हा दगड वापरणे त्वचेसाठी सुरक्षित आहे. पण त्वचेवर जोर देऊन याचा उपयोग केल्यास त्वचेचं नुकसान होऊ शकते.

(ब्राह्मीमध्ये आहे अँटी-एजिंगचा फॉर्म्युला, औषधी वनस्पतीपासून तयार केलेल्या Cica Creamचे ‘हे’ आहेत फायदे)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

भेगा पडलेल्या टाचांपासून हवीय सुटका? मग हा व्हिडीओ नक्की पाहा


Source link

You may also like...

Leave a Reply

Your email address will not be published. Required fields are marked *