Hair Care केमिकलयुक्त शॅम्पूचा वापर करू नका, या नैसर्गिक सामग्रींनी करा हेअरवॉश

Spread the love

​शिकेकाई

केस स्वच्छ धुण्याच्या कित्येक पद्धती आहेत, हे तुम्हाला माहिती आहे का? या पद्धतींचा योग्य प्रकारे अमलात आणल्यास तुमच्या केसांना भरपूर फायदे मिळतील. केस निरोगी आणि चमकदार राहण्यास मदत मिळेल. काही नैसर्गिक सामग्रींचा वापर केल्यास हे उपाय आपल्या केसांसाठी प्रभावी ठरू शकतात. जाणून घेऊया शिकेकाईबाबतची माहिती

या नैसर्गिक औषधी वनस्पतीमध्ये अँटी फंगल आणि अँटी बॅक्टेरिअल गुणधर्म आहेत. हे घटक संक्रमणापासून आपल्या केसांचे संरक्षण करण्याचे काम करतात आणि नैसर्गिक स्वरुपात मॉइश्चराइझ देखील करतात.

(Hair Care केसगळती रोखण्यासाठी करा हे ७ घरगुती उपाय, जाणून घ्या पद्धत)

​केसांना होतो पोषण तत्त्वांचा पुरवठा

शिकेकाईमधील औषधी गुणधर्मामुळे मुळांसह संपूर्ण केसांना पोषण तत्त्वांचा पुरवठा होतो. यामुळे केसगळती तसंच केस तुटणे इत्यादी समस्या कमी होतात. शिकेकाईचा नियमित वापर केल्यास केसगळती आणि कमी वयात पांढऱ्या होणाऱ्या केसांची समस्या देखील दूर होण्यास मदत मिळते.

(चमकदार त्वचा आणि काळ्याशार केसांसाठी क्रीम व शॅम्पू नव्हे, तर लावा हे रामबाण नैसर्गिक तेल)

​केसांसाठी शिकेकाईचा कसा करायचा वापर?

आयुर्वेदिक दुकानातून शिकेकाई विकत आणा आणि घरामध्ये त्याची पावडर तयार करा. हवे असल्यास तुम्ही शिकेकाईची पावडर देखील विकत घेऊ शकता. एक किंवा दोन चमचे शिकेकाई पावडर घ्या. त्यामध्ये थोडेसे पाणी मिक्स करून जाडसर पेस्ट तयार करा. हे मिश्रण आपल्या केसांना लावा आणि केस धुऊन घ्या.

(Hair Oil केमिकल हेअर डाय आता ठेवा दूर, केसांसाठी वापरा हे घरगुती तेल)

​रीठा

शिकेकाई प्रमाणेच रीठा देखील आयुर्वेदिक औषधांमध्ये वापरतात. रीठा पाण्यामध्ये भिजत ठेवावे लागते. रीठा पावडर देखील बाजारामध्ये उपलब्ध असते. केसांमधील कोंडा कमी करण्यासाठी रीठा चांगला पर्याय आहे.

कसा करायचा वापर?

आवश्यकतेनुसार एक किंवा दोन चमचे रीठा पावडर घ्या. त्यामध्ये पाणी मिक्स करू शकता. या मिश्रणाचा वापर केस धुण्यासाठी केला जाऊ शकतो. मुळांसह केसांना हे मिश्रण लावा आणि हलक्या हाताने मसाज करा. अंदाजे तीन ते चार मिनिटे आपल्या केसांमध्ये हे मिश्रण राहू द्या. यानंतर केस थंड पाण्याने धुऊन घ्या.

(चेहऱ्यावरील अनावश्यक केसांसाठी घरगुती उपाय, त्वचेवर दिसेल नैसर्गिक चमक)

​मुलतानी माती

नैसर्गिक औषधी स्वरुपातील माती म्हणून मुलतानी मातीचा वापर केला जातो. फार पूर्वीपासून मुलतानी मातीचा केस धुण्यासाठी आणि चेहऱ्यावरील चमक वाढवण्यासाठी वापर केला जातो. या मातीच्या वापरामुळे केसांमधील चमक वाढण्यास मदत होते. टाळूवरील अतिरिक्त तेल कमी होण्यास मदत मिळते.

कसा करावा वापर?

एक किंवा दोन चमचे मुलतानी माती, एक चमचा मध आणि १/४ कप दही ही सर्व सामग्री एकत्र त्याची पेस्ट तयार करा. हे मिश्रण आपल्या केसांवर १५ मिनिटांसाठी लावून ठेवा. डोक्याचा मसाज करा आणि थंड पाण्याने केस स्वच्छ धुऊन घ्या.

(Hair Care पातळ केसांची समस्या दूर करण्यासाठी असा करा लसूण हेअर पॅकचा वापर)

​बेसन

प्रत्येकाच्या स्वयंपाकघरामध्ये बेसन सहजरित्या आढळतेच. केस धुण्यासाठी बेसन देखील उपयुक्त मानले जाते. यामध्ये प्रोटीनची मात्रा अधिक असते, ज्यामुळे केसांची वाढ होण्यास मदत मिळते. बेसनमधील घटक केसांमध्ये जमा झालेली दुर्गंध देखील स्वच्छ करण्याचे कार्य करतात.

केसांसाठी बेसनचा वापर : दोन ते तीन चमचे बेसन, दोन चमचे ऑलिव्ह ऑइल, दोन चमचे लिंबू रस आणि आवश्यकतेनुसार पाणी. ही सामग्री एकत्र करून त्याची पेस्ट तयार करून घ्या. १० ते १५ मिनिटांसाठी पेस्ट टाळूवर लावून ठेवा. यानंतर केस थंड पाण्याने धुऊन घ्या.

NOTE केसांसाठी कोणत्याही प्रकारचे उपाय करण्यापूर्वी आपल्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *