Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का

Spread the love

​सल्फेटयुक्त शॅम्पूचे तोटे

सल्फेट एक चांगले क्लीनिंग एजंट मानले जाते. केसांमध्ये जमा झालेले तेल आणि दुर्गंध स्वच्छ करण्यास मदत व्हावी यासाठी जास्त प्रमाणात फेस तयार करणे, हे सल्फेटचे प्रमुख काम असते. ज्यांच्या टाळूची त्वचा संवेदनशील असते, त्यांना सल्फेट शॅम्पूमुळे खाज सुटणे आणि सूज येणे असा त्रास होऊ शकतो. सोबतच केस तुटण्याचीही भीती असते. शॅम्पूसह वेगवेगळे प्रोडक्ट उदाहरणार्थ साबण, टुथपेस्ट इत्यादीमध्येही सल्फेटचा वापर केला जातो. प्रत्येक गोष्टीसाठी सल्फेट योग्य मानले जात नाही. विशेषत: जर तुम्हाला नियमित केस धुण्याची सवय असेल तर केसांचे नुकसान होऊ शकते.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक?)

​सल्फेट फ्री शॅम्पू वापरण्याचे फायदे

सल्फेट फ्री शॅम्पूमुळे केसांमधील नैसर्गिक ओलावा टिकून राहण्यास मदत मिळते. यामुळे आपले केस नैसर्गिकरित्या चमकदार आणि मऊ राहतात. जर तुम्ही केसांना कलर केलं असेल तर सल्फेट फ्री शॅम्पू वापरण्यावर भर द्यावा. अशा प्रकारचे शॅम्पू आपल्या केसांवर योग्य पद्धतीने काम करतात आणि केसांवरील कलर देखील टिकून राहण्यास मदत मिळते.

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

​टाळूवरील खाज नियंत्रणात येते

सल्‍फेट तुमच्या केसांमधील नैसर्गिक ओलावा कमी करतात. सल्फेटयुक्त शॅम्पूच्या अधिक वापरामुळे केस कोरडे, निर्जीव आणि कमकुवत होऊ शकतात. सल्फेट फ्री शॅम्पूमुळे टाळूला येणारी खाज आणि सूज नियंत्रणात येण्यास मदत मिळते. या शॅम्पूमुळे तुमच्या डोळ्यांनाही नुकसान पोहोचत नाही. हेअर वॉश करताना शॅम्पू चुकून डोळ्यात गेल्यास डोळ्यामध्ये जळजळ होण्याचा त्रास होऊ लागतो. पण सल्फेट फ्री शॅम्पूमुळे ही समस्या निर्माण होत नाही. कारण यामध्ये प्रामुख्याने नैसर्गिक वनस्पतीमधील घटकांचा समावेश असतो. सल्फेट-फ्री शॅम्पू पर्यावरण पूरक असतात.

(Hair Care Tips स्ट्रेटनिंग टीट्रमेंट केल्यानंतर केसांची अशी काळजी घेणे आहे गरजेचं)

​कोरड्या केसांची समस्या

सल्‍फेट असणाऱ्या शॅम्पूचा वापर केल्यास केस कोरडे होण्याची शक्यता असते. तर सल्‍फेट-फ्री शॅम्पूमुळे केसांमधील ओलावा कायम टिकून राहतो. यामुळे केसांमधील कोरडेपणा आणि खाज देखील दूर होते.

सल्फेट-फ्री शॅम्पूचा उपयोग कोणी करावा?

सल्फेट आपल्या केसांमधील तेल आणि दुर्गंध कमी करण्यास मदत करते. पण ज्या लोकांना त्वचा आणि टाळूशी संबंधित गंभीर समस्या असल्यास त्यांनी सल्फेटयुक्त शॅम्पूचा वापर करणं टाळावे.

(Hair Care Tips या ५ हेअरस्टाइल कधीही करू नका, जाणून घ्या केसांवर कसा होतो परिणाम?)

​थंड पाण्याने केस धुणे

तसंच केस धुण्यासाठी शक्य असल्यास गरम पाण्याऐवजी थंड पाण्याचा वापर करावा. गरम पाण्यामुळे टाळूच्या त्वचेवरील रोमछिद्र मोकळी होतात. तसंच केसांमधील नैसर्गिक ओलावा देखील कमी होतो. यामुळे केस कोरडे होण्याची शक्यता असते.

(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

NOTE केसांसाठी कोणते उपाय करावेत, कोणत्या प्रकारचा शॅम्पू वापरावा, याबाबत आपल्या डॉक्टरांचा सल्ला घेणे आवश्यक आहे. कारण प्रत्येकाच्या केसांचा पोत एकसारखा नसतो.


Source link

You may also like...

Leave a Reply

Your email address will not be published. Required fields are marked *