Hair Care पातळ केसांची समस्या दूर करण्यासाठी असा करा लसूण हेअर पॅकचा वापर

Spread the love

स्वयंपाकाची चव वाढवण्यासाठी आवर्जून वापरली जाणारी सामग्री म्हणजे लसूण. जेवणाची चव वाढवण्यासोबतच लसणामुळे आपल्या आरोग्याला कित्येक लाभ मिळतात. इतकेच नव्हे तर यातील औषधी गुणधर्मामुळे वेगवेगळ्या आजारांपासूनही सुटका होण्यास मदत मिळते. आयुर्वेदामध्ये औषध म्हणून देखील लसणाचा उपयोग केला जातो. केसांशी संबंधित समस्या कमी करण्यासाठी लसूण रामबाण उपाय आहे.

केसगळती, केस तुटणे, इत्यादी केसांशी संबंधित समस्यांमुळे तुम्ही त्रस्त असाल तर हेअर केअर रुटीनमध्ये लसणाचा एकदा नक्की वापर करून पाहा. दरम्यान धूळ, माती, प्रदूषण, हार्मोनमधील बदल इत्यादी असंख्य कारणांमुळे केसांच्या आरोग्यावर दुष्परिणाम होऊ शकतात. पण लसूणमधील सल्फर आणि सेलेनियम या घटकांमुळे आपले केस मजबूत होण्यास मदत मिळते. जाणून घेऊया लसणाच्या वापरामुळे केसांना मिळणारे फायदे…

​लसणाचे लाभ

लसूणमध्ये अँटी मायक्रोबियल गुणधर्म आहेत. ज्यामुळे केसांमधील कोंडा कमी होण्यास मदत मिळते. कच्च्या लसूणमध्ये व्हिटॅमिन सी चे प्रमाण जास्त असते. या जीवनसत्त्वामुळे आपल्या केसांचं आरोग्य निरोगी राहण्यास आणि कोलेजन वाढण्यासही मदत मिळते. केसांची वाढ होण्यास व्हिटॅमिन सी पोषक आहे. तर लसूणमधील सेलेनियम घटकामुळे रक्त प्रवाह वाढण्यास भरपूर मदत मिळते.

(Hair Oiling Tips केसांना गरजेपेक्षाही जास्त तेल लावताय? होऊ शकतात हे नुकसान)

​लसूण आणि मध हेअर पॅक

लसूण आणि मधाच्या वापरामुळे केस घनदाट व निरोगी राहण्यास मदत मिळते. लसूण आणि मधापासून तुम्ही घरामध्येच नैसर्गिक हेअर पॅक तयार करू शकता. यासाठी लसणाच्या आठ पाकळ्या आणि एक चमचा मध घ्या. लसणाची पेस्ट तयार करून त्यात मध मिक्स करा. दोन्ही सामग्री योग्य पद्धतीने एकजीव करा आणि आपल्या केसांवर लावा. अंदाजे २० मिनिटांसाठी हे पॅक केसामध्ये राहू द्या. आठवड्यातून दोन वेळा हा उपाय तुम्ही करू शकता.

(Skin Care चमकदार त्वचेसाठी आंघोळ करण्यापूर्वी ५ मिनिटे लावा बेसन फेस स्क्रब)

​केसांसाठी लसणाचे तेल

आपलेही केस लांबसडक आणि घनदाट असावेत, अशी प्रत्येकाची इच्छा असते. केसांशी संबंधित समस्या कमी करण्यासाठी तुम्ही लसणाच्या तेलाचाही वापर करू शकता. लसूणमधील पोषक घटकांमुळे केस मुळासह मजबूत होतात आणि केसांची वाढ देखील होते. हे तेल तुम्ही सहजरित्या घरामध्ये तयार करू शकता. तेल तयार करण्यासाठी लसणाच्या आठ पाकळ्या, एक कांदा, अर्धा कप तेल ही सामग्री आवश्यक आहे.

(Tips For Hair Care मेहंदीच्या पानांमुळे पांढऱ्या केसांची समस्या होईल दूर, जाणून घ्या फायदे)

​तेल तयार करण्याची पद्धत

एका पॅनमध्ये तुमच्या आवडीचे तेल घ्या. ऑलिव्ह ऑइल, नारळाचे तेल किंवा एरंडेल तेल यापैकी कोणत्याही तेलाचा तुम्ही वापर करू शकता. तेलामध्ये लसूण आणि कांद्याची पेस्ट मिक्स करा. कांदा – लसूणच्या पेस्टला चॉकलेटी रंग आल्यानंतर गॅस बंद करा. दुसऱ्या भांड्यामध्ये तेल गाळून घ्या आणि थंड होण्यास ठेवून द्या. तेल थंड झाल्यानंतर केसांना लावा आणि हलक्या हाताने केसांचा मसाज करा. हवे असल्यास तुम्ही रात्रभर केसांमध्ये तेल लावून ठेवू शकता. सकाळी उठल्यानंतर हर्बल शॅम्पूने केस स्वच्छ धुऊन घ्या.

(Hair Care केसगळती रोखण्यासाठी करा हे ७ घरगुती उपाय, जाणून घ्या पद्धत)

​लसूण शॅम्पू तयार करण्याची पद्धत

तुम्ही कधी लसूण शॅम्पूबाबत माहिती ऐकली आहे? नाही ना. आम्ही तुम्हाला लसूण शॅम्पू कसा तयार करायचा याची माहिती देणार आहोत. यासाठी लसणाच्या १० ते १५ पाकळ्या, एक चमचा ऑलिव्ह ऑइल, पुदिन्याच्या तेलाचे तीन ते पाच थेंब, टी ट्री ऑइलचे तीन ते पाच थेंब आणि १०० एमएल सौम्य स्वरुपातील शॅम्पू ही सामग्री आवश्यक आहे.

विधी : लसणाची पेस्ट तयार करा. पेस्टमध्ये ऑलिव्ह ऑइल आणि पुदिन्याचे तेल मिक्स करा. यानंतर टी ट्री ऑइल आणि सर्व सामग्री देखील एकजीव करून घ्या. थोड्या वेळाने पेस्टमध्ये सौम्य स्वरुपातील शॅम्पूचाही समावेश करावा. आठवड्यातून तीन वेळा या शॅम्पूचा वापर तुम्ही करू शकता.

(Home Remedies कापूरसह नारळाच्या तेलाने करा केसांचा मसाज, कोंडा होईल कमी)

​लसूण आणि आल्याची पेस्ट

कोंड्याच्या समस्येपासून मुक्तता हवी असल्यास लसूण- आल्याची पेस्ट वापरून पाहा. हेअर पॅक तयार करण्यासाठी लसणाच्या आठ पाकळ्या आणि थोडेसे आले घ्या. दोन्ही सामग्री मिक्सरच्या भांड्यामध्ये वाटून घ्या. आता एका पॅनमध्ये नारळाचे तेल घ्या आणि त्यामध्ये लसूण-आल्याची पेस्ट मिक्स करा. तेल गरम झाल्यानंतर गॅस बंद करा. तेल थंड झाल्यानंतर गाळणीने दुसऱ्या भांड्यामध्ये गाळून घ्या. मुळांसह केसांना तेल लावून हलक्या हाताने मसाज करा.

(तेलकट त्वचा असणाऱ्यांनी असे तयार घरगुती क्लींझर, चेहऱ्यावर दिसतील आश्चर्यकारक बदल)

​केसांना मिळणारे फायदे

लसूण ही एक नैसर्गिक गोष्ट आहे. आपल्या केसांशी संबंधित समस्या कमी करण्यासाठी याचा वेगवेगळ्या प्रकारे फार पूर्वीपासून उपयोग केला जात आहे. यामुळे केसांवर कोणत्याही प्रकारचे दुष्परिणाम होत नाही. पण जर केसांच्या समस्या गंभीर असल्यास घरगुती, नैसर्गिक किंवा अन्य कोणत्याही प्रकारचे उपाय करण्यापूर्वी डॉक्टरांचा सल्ला नक्की घ्यावा. केसांचे नुकसान टाळण्यासाठी डॉक्टरांच्या मार्गदर्शनाशिवाय कोणतेही उपचार करू नये.

(Hair Oil केमिकल हेअर डाय आता ठेवा दूर, या घरगुती तेलामुळे केस नैसर्गिकरित्या होतील काळे)


Source link

You may also like...

Leave a Reply

Your email address will not be published. Required fields are marked *