Hair Care महिलांनो हिवाळ्यात केसांशी संबंधित या चुका अजिबात करू नका, अन्यथा होईल पश्चाताप

Spread the love

हिवाळ्यामध्ये आपल्यापैकी बहुतांश जण त्वचेची भरपूर काळजी घेतात, पण केसांच्या देखभालीकडे पूर्णतः दुर्लक्ष केलं जातं. थंड हवामानामुळे त्वचेप्रमाणेच आपल्या केसांच्या आरोग्यावरही दुष्परिणाम होतात. योग्य काळजी न घेतल्यास हिवाळ्यात आपल्या केसांमधील नैसर्गिक ओलावा तसंच तेल कमी होत जाते. ज्यामुळे निर्जीव, निस्तेज आणि कोरड्या केसांची समस्या निर्माण होते.

तसंच कळत-नकळत आपल्याकडूनही अशा काही चुका होतात, ज्यामुळे केसांच्या आरोग्यावर वाईट परिणाम दिसू लागतात. परिणामी केसांवरील चमक नाहीशी होते. तुम्हाला देखील आपले केस चमकदार आणि सुंदर हवे आहेत का? तर मग खालील चुका करणे टाळा.
(केसगळती रोखण्यासाठी लाभदायक आहे ही आयुर्वेदिक औषधी पावडर, केवळ २ चमचे करा वापर)

​गरम पाण्याने केस धुणे टाळा

हिवाळ्यामध्ये गरम पाण्याने अधिक वेळ आंघोळ करणं टाळावं. गरम पाण्यामुळे त्वचा आणि केसांचे भरपूर प्रमाणात नुकसान होते. यामुळे केस तसंच त्वचेतील नैसर्गिक तेलावर दुष्परिणाम होतो. सोबतच गरम पाण्यामुळे टाळूच्या त्वचेवरील रोमछिद्रे देखील मोकळी होतात. ज्यामुळे मुळासह केस कमकुवत होऊ लागतात. यामुळे केसगळतीही होऊ लागते.

(Hair Loss in Men या वाईट सवयींमुळे ३० वर्षांचे तरुणही करताहेत टक्कल पडण्याच्या समस्येचा सामना)

​केसांना कंडिशनर लावणंही आवश्यक

केस कोरडे, रूक्ष आणि निर्जीव झाले असल्यास केसांना कंडिशनर लावणं अतिशय आवश्यक आहे. हिवाळ्यामध्ये डीप कंडिशनिंग केल्यास केसांवर नैसर्गिक चमक येते आणि केस सुंदर देखील दिसतात. तुम्हाला कंडिशनिंगपासून अधिक लाभ मिळवायचे असल्यास केस धुण्यापूर्वी काही मिनिटे कंडिशनर केसांमध्ये राहू द्यावे.

(Ayurvedic Remedies टाळूला येणारी खाज कमी करण्यासाठी करा हे आयुर्वेदिक उपाय, केसगळतीही होईल कमी)

​ओल्या केसांमध्ये कंगवा फिरवणे

ऋतू कोणताही असो पण केस ओले असताना कधीही कंगवा करू नये. शॅम्पू केल्यानंतर ओले केस टॉवेलच्या मदतीने पुसून घ्या आणि सुकवा. केस सुकल्यानंतच कंगवा करावा. हेअर स्‍टायलिंग टुल वापरण्यापूर्वी हेअर सीरम किंवा हीट प्रोटेक्‍टेंट प्रोडक्टचा वापर नक्की करावा.

(Natural Care चमकदार व लांबसडक केसांसाठी घरच्या घरी तयार ‘हे’ प्रोटीन पॅक हेअर मास्क)

​तेल लावणं विसरू नये

केसांना नियमित तेल लावणं अतिशय आवश्यक आहे. कारण यामुळे आपल्या केसांना खोलवर पोषण तत्त्वांचा पुरवठा होतो. तेल कोमट करून मुळांसह संपूर्ण केसांना लावावे आणि हलक्या हाताने टाळूचा मसाज करावा. यामुळे टाळूच्या त्वचेवरील रोमछिद्रांना भरपूर फायदे मिळतात.

(Natural Hair Care अनुष्का शर्मापासून ते आलियापर्यंत, या ८ अभिनेत्रींच्या सुंदर-चमकदार केसांचे ‘हे’ आहे सीक्रेट)

​वारंवार शॅम्पूने केस धुऊ नये

आपल्यापैकी बहुतांश जण केस धुताना भरपूर चुका करतात. काही जण हिवाळ्यातही जास्त प्रमाणात शॅम्पूचा वापर करतात पण यामुळे टाळूची त्वचा कोरडी होते. परिणामी कोंडा आणि केसगळतीच्या समस्येचा सामना करावा लागतो. आठवड्यातून दोनदा हर्बल शॅम्पूने केस स्वच्छ धुवावेत, ज्यामुळे टाळूवरील नैसर्गिक तेलावर कोणतेही दुष्परिणाम होणार नाहीत. तसंच दुभंगलेल्या केसांचीही समस्या दूर होण्यास मदत मिळेल.

(Natural Hair Care लांबसडक केसांसाठी करा आपल्या आजीनं सांगितलेले ‘हे’ घरगुती उपाय)

​स्वेटर वापरताना घ्या ही काळजी

तुम्हाला हे माहीत आहे का लोकरीच्या स्वेटरमुळेही केसगळतीची समस्या निर्माण होऊ शकते. ही समस्या टाळण्यासाठी काही गोष्टी लक्षात ठेवणं आवश्यक आहे. केस ओले असताना स्वेटर घालणं टाळावं. तसंच केस आणि स्वेटरच्या मधे एक चांगले व मऊ स्कार्फ ठेवावे. ही खबरदारी घेतल्यास केसगळती होणार नाही.

(केसगळती रोखण्यासाठी लाभदायक आहे ही आयुर्वेदिक औषधी पावडर, केवळ २ चमचे करा वापर)


Source link

You may also like...

Leave a Reply

Your email address will not be published. Required fields are marked *