Hair Care या १० पद्धतींनी केसांना लावा नारळाचे तेल, केसांमध्ये दिसतील आश्चर्यकारक बदल

​कंडिशनर म्हणून वापर

नारळ तेलातील पोषक घटक आपल्या केसांसाठी नैसर्गिक स्वरुपात कंडिशनर प्रमाणे कार्य करतात. हेअर पॅक म्हणून तुम्ही याचा वापर करू शकता. तुम्ही केसांमध्ये रात्रभर तेल लावून ठेवू शकता. यामुळे तुमच्या केसांवर कोणत्याही प्रकारे वाईट परिणाम होत नाही. रोजच्या कंडिशनरव्यतिरिक्त तुम्ही आठवड्यातून एकदा नारळ तेलाचाही वापर करू शकता.

(White Hair आवळ्यापासून तयार करा घरगुती डाय, पांढऱ्या केसांची समस्या होईल दूर)

​कोंड्यापासून सुटका मिळवण्यासाठी

केसांमधील कोंडा कमी करण्यासाठी नारळाचे तेल हा रामबाण उपाय आहे. नारळ तेलाचे काही थेंब हातावर घेऊन आपल्या टाळूवर लावा आणि हलक्या हाताने मसाज करावा. काही मिनिटांसाठी तेल आपल्या टाळूवर राहू द्यावे. यामुळे कोंड्याची समस्या कमी होण्यास मदत मिळेल. यानंतर हर्बल शॅम्पूने केस स्वच्छ धुवावे.

(केसगळती रोखण्यासाठी रामबाण उपाय, वापरा हे घरगुती आयुर्वेदिक तेल)

​केस चमकदार दिसण्यासाठी

केस चमकदार दिसावे, यासाठी तुम्ही कित्येक उपाय करून कंटाळेल आहात का? नारळाच्या तेलाचा योग्य प्रमाणात वापर केल्यास तुमच्या केसांवर नैसर्गिक चमक येऊ शकते. आजपासूनच आपल्या या तेलाचा वापर करण्यास सुरुवात करावी. महागड्या आणि केमिकलयुक्त कंडिशनर वापरण्याऐवजी नियमित नारळाचे तेल वापरल्यास केस चमकदार आणि मऊ होतील.

(चेहरा व केसांच्या सौंदर्यासाठी संजीवनी ठरेल हे घरगुती आयुर्वेदिक तेल)

​केसांचा गुंता होईल कमी

या तेलामुळे तुमचे केस चमकदार होतीलच शिवाय केसांमधील गुंता देखील कमी होण्यास मदत मिळेल. केसांमध्ये जास्त प्रमाणात गुंता झाला असल्यास थोडेस नारळ तेल घ्या आणि आपल्या केसावर लावा. यामुळे केसांचा गुंता सहजरित्या सुटण्यास मदत मिळेल.

(कोंडा दूर करण्यासाठी रामबाण उपाय, महिन्याभरात केसांमध्ये दिसतील आश्चर्यकारक बदल)

​​प्री-शॅपू प्रमाणे करा वापर

तुमचे केस कोरडे किंवा कुरळे असतील तर केस धुण्यापूर्वी नारळाच्या तेलाने मसाज करा आणि तासाभरासाठी तेल केसांमध्ये राहू द्यावे. हा उपाय केल्यास शॅम्पूमुळे कोरड्या केसांची समस्या उद्भवणार नाही. पण केस धुतल्यानंतर आठवणीने कंडिशनर वापरावे.

(Hair Care Tips दाट, मजबूत केसांसाठी स्वयंपाकघरातील या ५ गोष्टींनी करा मसाज)

​केस हायड्रेट ठेवण्यासाठी

त्वचेप्रमाणेच केस देखील हायड्रेट राहणे आवश्यक आहे. तुमचे केस जाड आणि कोरडे असल्यास तुम्ही शॅम्पू आणि कंडिशनर लावल्यानंतर एखाद्या हेअर सीरम किंवा मॉइस्चराइझिंग क्रीमचा तुम्ही वापर करत असाल. यानंतर तुम्ही केसांवर थोडेसे नारळ तेल लावू शकता आणि कंगवा करावा. असे केल्याने तुमचे केस दीर्घकाळापर्यंत हायड्रेट राहतील.

(Hair Colour केसांसाठी या तेलांपासून घरामध्येच तयार करा हर्बल कलर)

​न घाबरता करू शकता स्वीमिंग

केसांचे नुकसान होईल या भीतीने काही जण स्वीमिंग करणे (Hair Growth Tips In Marathi) टाळतात. पण जर एखाद्या पूल किंवा समुद्रकिनाऱ्यावर गेल्यास आपल्या केसांचा नारळाच्या तेलाने मसाज करा. कारण नारळाच्या तेलातील घटक तुमच्या केसांचे नुकसान होण्यापासून बचाव करतील.

(केसगळती, कोंड्यापासून हवीय सुटका? पावसाळ्यात अशी घ्या केसांची काळजी)

​निर्जीव केसांपासून सुटका

निर्जीव केसांची समस्या दूर करायची असेल तर आपल्या हेअर केअर रुटीनमध्ये नारळाच्या तेलाचा समावेश करावा. नारळातील औषधी गुणधर्मांमुळे निर्जीव केसांची समस्या कमी होऊन तुमचे केस मऊ आणि चमकदार होतील. आठवड्यातून दोन वेळा नारळाचे केस लावा आणि केसांमधील फरक अनुभवा.

(Hair Care घनदाट, लांबसडक केसांसाठी वापरा बेसन आणि दही हेअर मास्क)

​दुभंगलेले केस

नारळाच्या तेलामुळे दुभंगलेल्या केसांपासून तुमची सुटका होऊ शकते. यासाठी थोडेसे नारळ तेल घ्यावे आणि हलक्या हाताने टाळू तसंच केसांचा मसाज करावा. हा उपाय केल्यास केसांवर चमक येईल आणि दुभंगलेल्या केसांची समस्या देखील नियंत्रणात येईल. नवीन केस येण्यासही मदत मिळेल.

(Natural Hair Oil केस होतील घनदाट आणि लांबसडक, घरामध्येच तयार करा कोरफड तेल)

​नारळाच्या तेलाचा स्वयंपाकामध्ये वापर

जर तुम्हाला नारळ तेल लावणे पसंत नसेल तर याचा तुम्ही आपल्या आहारामध्ये वापर करू शकता. यामुळे केसांसह तुमच्या आरोग्यालाही भरपूर लाभ मिळतील. नारळ तेलामधअये जास्त प्रमाणात अँटी ऑक्सिडेंटचा साठा आहे. या घटकांमुळे तुमच्या केसांना खोलवर पोषक घटकांचा पुरवठा होतो.

(Tips For Hair Care मेहंदीच्या पानांमुळे पांढऱ्या केसांची समस्या होईल दूर, जाणून घ्या फायदे)

Note : केसांसाठी कोणतेही उपाय करण्यापूर्वी आपल्या डॉक्टरांचा सल्ला घ्यावा. केसांचे नुकसान होऊ नये, यासाठी ही खबरदारी घेणे आवश्यक आहे.