Hair Care Tips केसांसाठी टॉनिक आहे ग्लिसरीन; मऊ आणि चमकदार केसांसाठी असा करा वापर

Spread the love

ग्लिसरीन म्हणजे नेमके काय?

ग्लिसरीन हे वनस्पतींद्वारे काढण्यात येणाऱ्या नैसर्गिक तेलापासून, पशु उत्पादने किंवा पेट्रोलियमपासून तयार करण्यात येते. वास्तविक हे शर्करायुक्त अ‍ॅल्कोहोल आहे, जे चरबीसारखे दिसते. हे एक रंगहीन, पारदर्शक आणि गंधहीन द्रव्य आहे; जे त्वचा आणि केसांची देखभाल करण्यासाठी वापरले जाते. यातील पोषण तत्त्वांमुळे कोरड्या केसांची समस्या दूर होते.

(Essential Oil शुद्ध एसेंशिअल ऑइल कसे ओळखावे? या ५ गोष्टी तपासणं आहे गरजेचं)

​ग्लिसरीन आपल्या केसांसाठी चांगले आहे का?

कुरळ्या तसंच जाड केसांसाठी ग्लिसरीन पोषक मानले जाते. तुम्हालाही हेअर केअर रुटीनमध्ये ग्लिसरीनचा समावेश करायचा असल्यास आपल्या ओळखीच्या डॉक्टरांचा सल्ला घ्यावा. ग्लिसरीनमुळे केसगळतीची समस्या कमी होण्यास मदत मिळते. यातील पोषक घटक २४ तास त्वचा हायड्रेट ठेवण्याचे कार्य करतात. यामुळेच योग्य पद्धतीने वापर केल्यास ग्लिसरीनमुळे आपल्या टाळूच्या त्वचेला ओलावा मिळतो आणि कोंड्याची समस्या कमी होते.

(Hair Care Tips केसांच्या वाढीसाठी नेमकी काय घ्यावी काळजी? हेअर प्रोडक्ट्सचा कोणत्या क्रमाने करावा वापर)

​केसांसाठी ग्लिसरीनचा उपयोग कसा करावा?

ग्लिसरीनचा उपयोग करण्याच्या पद्धती वेगवेगळ्या आहेत. आपल्या केसांच्या समस्येनुसार ग्लिसरीनचा वापर अवलंबून असतो. जर तुम्ही DIY हेअर मास्क किंवा हेअर स्प्रेचा वापर करणार आहात तर शुद्ध ग्लिसरीनच विकत घेण्याची आवश्यकता आहे. शुद्ध ग्लिसरीन तुम्हाला ऑनलाइन रिटेलर्स, मेडिकल स्टोअर आणि ब्युटी स्टोअरमध्येही सहजरित्या मिळेल.

(Natural Remedies केसगळती कशी दूर करावी? बटाटाच्या रसापासून कसं तयार करावं नैसर्गिक हेअरपॅक)

​हेअर कंडिशनर तयार करण्याची पद्धत

ग्लिसरीन आणि पाणी मिक्स करून तयार केलेल्या कंडिशनरचा वापर केल्यास केस मऊ होण्यास मदत मिळते. आंघोळ केल्यानंतर हे कंडिशनर केसांवर लावा आणि १० मिनिटांनंतर केस थंड पाण्याने स्वच्छ धुऊन घ्या. शॅम्पू केल्यानंतर या कंडिशनरचा वापर करावा.

(Natural Hair Care टक्कल पडण्याची आहे भीती? केसगळती रोखण्यासाठी या नैसर्गिक तेलांचा करा वापर)

​कोंडा दूर करण्यासाठी

केसातील कोंडा आणि टाळूला येणारी खाज दूर करण्यासाठी ग्लिसरीन आणि गुलाब पाणी एकत्र करून केसांवर लावा. आंघोळ केल्यानंतर आपल्या हातावर थोडेसे मिश्रण घेऊन केस आणि टाळूवर योग्य पद्धतीने लावावे. ग्लिसरीन आणि गुलाब पाण्याचे मिश्रण तयार करून तुम्ही काचेच्या बाटलीमध्येही भरून ठेवू शकता. काही दिवस सलग हा उपाय केल्यास केसांमधील कोंडा दूर होईल.

(Natural Hair Care केसगळतीमुळे त्रस्त आहात का? जाणून घ्या हा नैसर्गिक उपाय)

​दुभंगलेल्या केसांची समस्या

वेळच्या वेळी केस न कापल्यास दुभंगलेल्या केसांची समस्या सुरू होते. या समस्येपासून सुटका मिळवण्यासाठी आपण ग्लिसरीनचा उपयोग करू शकता. कोणत्याही प्रकारच्या एसेंशिअल ऑइलमध्ये ग्लिसरीन मिक्स करून केसांना लावा. यामुळे केस मजबूत होतील आणि दुभंगलेल्या केसांची समस्याही कमी होण्यास मदत मिळेल.

(Natural Hair Care केसांसाठी घरच्या घरी कसे तयार करायचे नॅचरल डाय, जाणून घ्या सोपी पद्धत)

NOTE : केसांशी संबंधित कोणतेही उपाय करण्यापूर्वी आपण आपल्या ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *