Hair Care Tips केस रोज धुण्याची आहे सवय? यामुळे होणारे नुकसान तुम्हाला माहिती आहेत का

Spread the love

केस काळेशार, घनदाट आणि सुंदर असतील तर सौंदर्य व व्यक्तिमत्त्वामध्ये अधिक भर पडते. दरम्यान प्रत्येक जण आपल्या केसांची योग्य प्रकारे काळजी घेण्याचा पुरेपूर प्रयत्न करत असतात. पुरुष असो किंवा महिला यापैकी बहुतांश जण आपल्या केसांची देखभाल करण्यासाठी बाजारात उपलब्ध असलेल्या प्रोडक्टपासून ते घरगुती उपचारापर्यंत सर्व प्रकारचे प्रयोग करून पाहतात.

पण केस किती वेळा आणि केस धुवावेत? यावरून अनेक जणांचा गोंधळ उडतो. नियमित धुतल्याने केस निरोगी राहण्यास मदत मिळते, असे काही जणांचं म्हणणं असते. तर यामुळे केस निर्जीव आणि कोरडे होतात, असेही काहींना वाटते. केस नियमित धुतल्याने नेमके काय परिणाम होतात? आपण आज यासंदर्भात माहिती जाणून घेण्याचा प्रयत्न करणार आहोत.
(Hair Care Tips आंघोळ केल्यानंतर व करण्यापूर्वी केसांची काळजी घेताना या चुका करणे टाळा)

​तज्ज्ञांचं म्हणणं काय आहे?

हल्ली बाजारामध्ये मोठ्या प्रमाणात केमिकलयुक्त शॅम्पू आणि कंडिशनर उपलब्ध आहेत. या प्रोडक्टच्या वापरामुळे केस लांबसडक आणि चमकदार होण्याचा दावा कंपनीकडून केला जातो. पण हानिकारक रसायन असलेल्या उत्पादनांमुळे केसांचे नुकसान होते, असे तज्ज्ञांचे म्हणणं आहे. यामुळे नियमित केस धुणे टाळावे. आपले केस लोकरीच्या धाग्याप्रमाणे असतात, जितक्या वेळा तुम्ही हेअरवॉश कराल तेवढेच ते निर्जीव आणि कोरडे दिसू लागतात. हे नुकसान टाळण्यासाठी नियमित केस धुण्याची सवय वेळीच थांबबावी.

(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​दररोज केस धुणे चांगले का नाही?

नियमित केस धुतल्याने मुळांवर दुष्परिणाम होतात. ते कमकुवत होतात. परिणामी केसगळती, केस तुटण्याची समस्या निर्माण होते. आठवड्यातून दोन ते तीन वेळा केस धुण्याचा सल्ला तज्ज्ञांकडून दिला जातो. दररोज हेअर वॉश करणं केसांच्या आरोग्यासाठी आणि नैसर्गिक सौंदर्यासाठी चांगले आहे की नाही? या गोष्टीशी संबंधित पाच कारणांबाबत आपण चर्चा करूया.

(Hair Care Tips या ५ हेअरस्टाइल कधीही करू नका, जाणून घ्या केसांवर कसा होतो परिणाम?)

​केसांमधील नैसर्गिक तेलावर होतो परिणाम

टाळूची त्वचा मॉइश्चराइझ राहावी, यासाठी आपल्या केसांमधून नैसर्गिकरित्या तेलाचा स्त्राव होतो. याच कारणामुळे केस धुतल्यानंतर दोन ते तीन दिवसांनंतर तेलकट होतात. केसांचे आरोग्य निरोगी ठेवण्यासाठी हे तेल महत्त्वाची भूमिका निभावतात. नियमित हेअरवॉशमुळे केसांमधील नैसर्गिक ओलाव्यावर वाईट परिणाम होतो. केसांवरील नैसर्गिक चमक नाहीशी होऊ लागते. केस कोरडे आणि निर्जीव दिसू लागतात. यासाठी दररोज केस धुणे टाळावे, असा सल्ला तज्ज्ञांकडून दिला जातो.

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

​केस दुभंगण्याची समस्या

केसांमधील नैसर्गिक तेलावर परिणाम झाल्यानंतर कोरड्या केसांची समस्या निर्माण होऊ लागते. यामुळे केस दुभंगणे, केसगळती, केस तुटणे इत्यादी समस्याही सुरू होऊ लागतात. दुभंगलेल्या केसांची समस्या दूर करण्यासाठी केस कापणं आणि अन्य पद्धतींची मदत घ्यावी लागते. ही समस्या टाळण्यासाठी दररोज केस धुऊ नये.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक?)

​नैसर्गिक रंगावर होतो परिणाम

रोज केस धुतल्यानं त्यावरील नैसर्गिक रंग नाहीसा होऊ लागतो, हे तुम्हाला माहिती आहे का. कमी वयातच पांढऱ्या केसांची समस्या निर्माण होते. यावर उपाय म्हणून हेअर कलर किंवा हायलायटरचा वापर केला जातो. पण या केमिकलयुक्त ट्रीटमेंटमुळे केसांवर अधिक वाईट परिणाम होतात. केसांचा पोत खराब होऊ लागतो.

(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​हेअर ड्रायरचा वापर

काही जण ओले केस सुकवण्यासाठी हेअर ड्रायरचा वापर करतात. हेअर स्टायलिंग यंत्रांमुळे केस कमकुवत होतात, ही गोष्ट कायम लक्षात ठेवा. यामुळे केसगळती, केस तुटण्याची समस्या उद्भवते. केस धुतल्यानंतर हेअर ड्रायरचा वापर करणं कटाक्षाने टाळावा. केसांना नैसर्गिकरित्या सुकवण्यावर भर द्यावा, म्हणजे त्यांच्या आरोग्यावर परिणाम होणार नाहीत.

(Hair Care Tips स्ट्रेटनिंग टीट्रमेंट केल्यानंतर केसांची अशी काळजी घेणे आहे गरजेचं)

​कोंड्याची समस्या

काही जण कोंड्याच्या समस्येमुळे त्रस्त असतात. कोंड्यामुळे टाळूला खाज सुटणे, जखम होणे इत्यादी त्रासातून सुटका मिळवण्यासाठी अनेक जण रोज हेअर वॉश करतात. यामुळे कोंडा कमी होईल, असा त्यांचा समज असतो. पण असे केल्याने टाळूची त्वचा अधिक कोरडी होते. ज्यामुळे केसांमध्ये कोंडा आणखी वाढू शकतो. केसांचे आरोग्य निरोगी राहण्यासाठी या चुका करणं टाळा.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

NOTE केसांशी संबंधित कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे. अन्यथा केसांचे नुकसान होण्याची शक्यता असते.

निरोगी टाळू आणि मजबूत केसांसाठी असा तयार करा घरगुती नैसर्गिक शॅम्पू


Source link

You may also like...

Leave a Reply

Your email address will not be published. Required fields are marked *