Hair Care Tips या ६ कारणांमुळे सुरू होते केसगळती; दुर्लक्ष करू नका, लवकरच करा योग्य उपाय

Spread the love

​ताण कमी करा

ऑफिस असो किंवा घरातील समस्या, काही जणांना छोट्या- छोट्या गोष्टींचा ताण घेण्याची सवय असते. केसगळती होण्यामागील प्रमुख कारण म्हणजे ताण. तणावामुळे हेअर फॉलिकलची वाढ खुंटते, ज्यामुळे केसगळती अधिक प्रमाणात होऊ लागते. ताण- तणाव घेऊ नका, ही समस्या दूर केल्यास केसांची वाढ पुन्हा चांगल्या पद्धतीनं होईल.

(Hair Care Tips केसांसाठी टॉनिक आहे ग्लिसरीन; मऊ आणि चमकदार केसांसाठी असा करा वापर)

​​हेअर स्‍टाइलिंग टुलचा वापर कमी करा

स्टाइलिंग टुलच्या अति वापरामुळे टाळूच्या त्वचेवरील रोमछिद्रांवर गंभीर आणि हानिकारक परिणाम होतात. ब्लो-ड्रायर्स आणि स्ट्रेटनिंग यासारख्या हेअर स्टाइलिंग टुल्सच्या अति वापरामुळे केस कोरडे आणि कमकुवत होतात. या उपकरणांचा नियमित आणि अधिक उपयोग केल्यास केसांच्या वाढीवर दुष्परिणाम होऊ शकतात. ज्यामुळे केस पातळ आणि कमकुवत होतात. ओले केस सुकवण्यासाठी ब्लो ड्रायरचा वापर करू नये. हेअर स्‍टाइलिंग टुलचा वापर करण्यापूर्वी हेअर सीरम किंवा हीट प्रोटेक्‍टेंट प्रोडक्टचा वापर करावा.

(केसगळती रोखण्यासाठी करा हा रामबाण उपाय, महिन्याभरात केसांमध्ये दिसेल आश्चर्यकारक फरक)

​केमिकलयुक्त प्रोडक्टचा वापर टाळा

केसांसाठी केमिकल फ्री प्रोडक्ट वापरावे. पॅराबेन आणि अ‍ॅल्कोहलयुक्त हेअर प्रोडक्टचा वापर करणं टाळावं. लांबसडक केसांसाठी पोषण तत्त्वांची आवश्यकता अधिक प्रमाणात असते. यासाठी केमिकलयुक्‍त प्रोडक्टचा वापर कमीत कमी प्रमाणात करावा.

(पहिल्या प्रेग्नेंसीनंतर करीना केसगळतीमुळे होती त्रस्त, ऋजुता दिवेकरने तिला सांगितले हे उपाय)

​घराबाहेर पडण्यापूर्वी केस स्कार्फने झाकावेत

सूर्याच्या हानिकारक किरणांमुळे आपल्या केसांचंही प्रचंड नुकसान होते. उन्हात जास्त काळ राहिल्यास आपले केस कमकुवत होतात. केसांमधील प्रोटीनवर देखील वाईट परिणाम होतो. केसांच्या वाढीसाठी प्रोटीन आवश्यक आहे. घरातून बाहेर पडण्यापूर्वी केस टोपी किंवा स्कार्फच्या मदतीने झाकावेत. म्हणजे कडक उन्हापासून केसांचे संरक्षण होण्यास मदत मिळेल.

(Winter Hair Care Tips हिवाळ्यात होणाऱ्या कोरड्या केसांच्या समस्येतून हवीय सुटका? जाणून घ्या सोप्या टिप्स)

​धूम्रपान करू नये

धूम्रपान करण्याच्या सवयीमुळे केसांसह आपल्या संपूर्ण आरोग्यावर वाईट परिणाम होतात. आरोग्याच्या गंभीर समस्या टाळण्यासाठी धूम्रपानाची सवय वेळीच थांबवणं गरजेचं आहे. संशोधनातील माहितीनुसार धूम्रपानामुळे केसांच्या वाढीवर दुष्परिणाम होतात. धूम्रपान करणं सोडल्यास केसगळतीची समस्या दूर होण्यास मदत मिळेल.

(Natural Hair Care कोंडा व कोरड्या केसांची समस्या दूर करण्यासाठी वापरा चण्याचे हेअर)

​डाएटमध्ये करा पौष्टिक बदल

पौष्टिक आहाराच्या सेवनामुळे आपल्या आरोग्याला भरपूर लाभ मिळतात. यामुळे केसांमध्येही सकारात्मक बदल दिसतात. नियमित व्यायामासह आहारात मांस,मासे, सुकामेवा आणि हिरव्या भाज्यांचा समावेश करावा. आहारात कोणत्याही पदार्थांचा किती प्रमाणात समावेश करावा, याबाबत आहारतज्ज्ञांकडून मार्गदर्शन घ्यावे.

(Natural Hair Care या सहा चुकीच्या सवयींमुळे पुरुषांचे केस होतात पातळ, वेळीच द्या लक्ष)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. दुसऱ्या व्यक्तींचे हेअर केअर रुटीन फॉलो करण्याची चूक करू नये.


Source link

You may also like...

Leave a Reply

Your email address will not be published. Required fields are marked *