Hairstyle Tips पारंपरिक ते स्टायलिश लुकसाठी करून पाहा बन हेअर स्टाइल

Spread the love

मुंबई टाइम्स टीम
फॅशनप्रेमींचा आकर्षणाचा बिंदू म्हणजे हेअरस्टाइल. पेहरावाला साजेशी हेअरस्टाइल केल्यानं लूकसोबतच व्यक्तिमत्त्वही उठावदार दिसतं. पेहरावानुसार केशरचना करण्याचा ट्रेंड सध्या पाहायला मिळतोय. तरुणींपासून महिलांपर्यंत प्रत्येकीची आवडनिवड वेगवेगळी असते. पण, बन प्रकारची हेअरस्टाइल अनेक जण करताना दिसतात. कमी वेळेत होणारी आणि सोयीस्कर अशा बन हेअरस्टाइलमध्ये अनेक प्रकार पाहायला मिळतात. बांधण्याच्या पद्धतीनुसार बन हेअरस्टाइलचे हाय-बन, मिड-बन आणि लो-बन असे तीन प्रकार आहेत. गृहिणींपासून ते व्हर्च्युअल मीटिंग्जना हजेरी लावणाऱ्या देखील बन हेअरस्टाइलला पसंत देत आहेत. आकर्षक हेअर अॅक्सेसरीजचा वापर करुन बनला पारंपरिक लूकही देता येतो.

सध्याच्या काळात पेहरावासोबतच हेअर स्टायलिंगवर लक्ष दिलं जातंय. अगदी सहजसोप्या केशरचना तुम्हाला आकर्षक बनवू शकतात. मॉडेल्स, सेलेब्रिटींपासून ते सामान्य महिलांमध्ये बन हा हेअरस्टाइलचा प्रकार प्रसिद्ध आहे. या हेअरस्टाइलमध्ये अनेक नवनवीन प्रयोग होताना पाहायला मिळत आहेत. मेस्सी बन, डबल स्पेस बन यांसारख्या प्रकारांमुळे या हेअरस्टाइलला मोठी मागणी आहे. काही महिन्यांपूर्वी इन्स्टाग्रामवर ‘बन लिफ्ट’ नावाचं चॅलेंज मोठ्या प्रमाणात व्हायरल झालं होतं. त्याला देखील उदंड प्रतिसाद मिळाला होता.
(Ganesh Chaturthi 2020 गणेशोत्सवामध्ये हटके दिसायचंय? जुन्या लुकला असा द्या नवा टच)
बनचे प्रकार
1.टॉप नॉट – टॉप नॉट बन बांधण्यासाठी सर्वात आधी केस विंचरून घ्या. त्यानंतर कंगव्यानं सर्व केस वर घेऊन त्याचा छानसा बन बांधा. टॉप नॉट बन आणखी खुलून दिसण्यासाठी रबरबँडच्या जागी तुम्ही स्कार्फचा वापर करु शकता.

2. मेस्सी बन- तरुणींमध्ये मेस्सी बनची जास्त क्रेझ पाहायला मिळते. स्वेट पँट असो वा जीन्स असो… मेस्सी हेअर बन तुमच्या लूकला चार चांद लावतो. या हेअरस्टाइलसाठी कंगव्याची गरज भासत नाही. तुमच्या मनाप्रमाणे केस एकत्र घेऊन त्यांचा बन बांधा. विशेषतः हायलाइट्स असणाऱ्या केसांवर मेस्सी बन अधिक खुलून दिसतो.

3. साइड स्लिक लूक- तुमच्या आवडीप्रमाणे ब्रेड्स बांधा. ब्रेड्स बांधल्याने हवेमुळे केस विस्कटून खराब होत नाहीत. कानापर्यंत ब्रेड्स बांधून झाल्यानंतर खाली बन बांधा.
(लग्नासाठी लेहंगा, साडी खरेदी करण्यावरून आहे गोंधळ? मग हे नक्की वाचा)
4. स्पेस बन किंवा डबल बन- डबल बन बांधल्यानं केस अतिशय सुंदर दिसतात. केसांना व्यवस्थित विंचरून झाल्यानंतर त्यांची दोन भागात विभागणी करा. दोन्ही भागातील केसांचा बन बांधा.

5. फिशटेल ब्रेड बन- सर्वात आधी मध्यभागी केसांची पोनी बांधा. पोनीतील केसांची दोन भागात विभागणी करून प्रत्येक भागाची स्वतंत्र फिशटेल ब्रेड वेणी बांधून घ्या. यानंतर दोन्ही वेण्यांना एकमेकांत गुंडाळून बन बांधा.
(Fashion Tips जुन्या कपड्यांना नवा लुक द्यायचाय? जाणून घ्या या सोप्या टिप्स)

6. शिगनन बन- शिगनन हा फ्रेंच शब्द आहे. दिसायला कठीण आणि बांधायला सोपी असं या हेअरस्टाइलचं वैशिष्ट्य आहे. शिगनन हेअरस्टाइल करण्यासाठी सर्वात आधी केस विंचरून घ्या. नंतर सर्व केसांची एकत्रित पोनी बांधून त्यांचे भाग करा. केसांना वरील बाजूस रोल करत आतील केसांसोबत पिनअप करा. युट्यूबवर शिगनन हेअरस्टाइलचे अनेक प्रकार पाहायला मिळतील. केसांना सेट करण्यासाठी हेअर स्प्रेचीसुद्धा मदत घेऊ शकता.

7. लो ट्विस्ट- मेस्सी बन प्रमाणेच दिसणाऱ्या लो ट्विस्ट बन कोणत्याही उत्तम दिसतो. केसांना ट्विस्ट देण्यासाठी रोलर अथवा कर्लरची मदत घ्या. केस कुरळे झाल्यानंतर अलगदपणे त्यांचा लो-बन बांधा. बन बांधण्यासाठी रबरबँडला पर्याय म्हणून क्लिप्सचा वापर उत्तम ठरू शकतो.

संकलन- तेजल निकाळजे, साठये कॉलेज


Source link

You may also like...

Leave a Reply

Your email address will not be published. Required fields are marked *