Hartalika Teej 2020 हरितालिका तृतीयेसाठी स्टायलिश लुक हवाय? पाहा या साड्यांचे डिझाइन

Spread the love

​परफेक्ट वेशभूषेसाठी टिप्स

सणसमारंभासाठी स्वतःला परफेक्ट लुक देण्यासाठी नवीन कपडेच खरेदी करावे, असा काही नियम नाही. तुम्ही जुने कपडेही वेगळ्या पद्धतीने परिधान करून स्टायलिश दिसू शकता. हरतालिका तृतीयेसाठीही तुम्ही स्वतःची एखादी आवडती जुनी साडी पुन्हा नेसू शकता. फॅशन ट्रेंड जाणून घेण्यासाठी आपल्यापैकी बहुतांश जण बॉलिवूड अभिनेत्रींची स्टाइल फॉलो करतात. हरतालिका तृतीयेसाठी कशा प्रकारे नटावे? कोणत्या पॅटर्नची साडी नेसावी?

यासाठीही तुम्ही अभिनेत्रीच्या फॅशन स्टेटमेंटद्वारे टिप्स घेऊ शकता.

(Hairstyles For Women या ५ सोप्या हेअर स्टाइलमुळे तुम्हाला मिळेल कूल लुक)

​दीपिका पादुकोण

दीपिका पादुकोणलाही साडी नेसायला खूप आवडते. दीपिकाच्या या राणी रंगाच्या साडीवर साधी बॉर्डर आहे. खास दीपिकासाठी ‘रॉ मँगो फॅशन लेबल’ने ही साडी डिझाइन केली आहे. तुमच्याकडेही अशीच एखादी साधी आणि सुंदर साडी असेल तर तुम्ही ती नेसू शकता. यानंतर हवे असल्यास साधा मेक अपही करावा. स्टायलिश दिसण्यासाठी एखादा चोकर नेकलेस परिधान करावा.

(Fashion Tips आकर्षक दिसण्यासाठी फॉलो करा या ९ फॅशन टीप्स)

​आलिया भट

सब्यसाची यांनी डिझाइन केलेली मल्टी स्ट्राइप साडीमध्ये आलिया भटला सुंदर दिसत आहे. कमीत कमी मेकअपसह तिनं काळ्या रंगाची टिकली, अंबाड्याची हेअर स्टाइल आणि सुंदर ईअररिंग्स परिधान केले आहेत. सध्या स्ट्राइप साडीचा ट्रेंड आहे. तुमच्याकडे एखादी साधी पोल्का डॉट किंवा स्ट्राइप पॅटर्न साडी असल्यास आलिया भटचा हा लुक तुम्ही फॉलो करू शकता.

(Fashion Tips जुन्या कपड्यांना नवा लुक द्यायचाय? जाणून घ्या या सोप्या टिप्स)

​कतरिना कैफ

सब्यसाची यांनी डिझाइन केलेल्या फ्लोरल गुलाबी साडीमध्ये कतरिना कैफ नेहमी प्रमाणे सुंदर दिसत आहे. कोणती साडी नेसावी? तुमचा हा प्रश्न अद्याप सुटलेला नाही का? तर तुम्ही एखादी फ्लोरल साडी नेसू शकता. अशा पॅटर्नच्या साडीमुळे तुम्हाला स्टायलिश लुक मिळेल. सण समारंभासाठी अशा पॅटर्नची साडी नेसणं एकदम परफेक्ट निवड आहे.

(लग्नासाठी लेहंगा, साडी खरेदी करण्यावरून आहे गोंधळ? मग हे नक्की वाचा)

​​प्रियंका चोप्रा

वॉर्डरोबमध्ये सिल्क पॅटर्न साडीच नाही, अशी एकही महिला आपल्याला सापडणार नाही. प्रियंका चोप्राची ही सिल्क पॅटर्न साडी देखील सुंदर आहे. मसाबा गुप्ताने डिझाइन केलेल्या साडीचे पॅटर्न साधे आहे. पण मेकअप आणि ज्वेलरीमुळे प्रियंकाला स्टायलिश लुक मिळाला आहे. सिल्कच्या साडीवर तुम्ही देखील असा फॅशनेबल प्रयोग करून पाहू शकता. यासाठी तुम्ही एखादा कॉन्ट्रास्ट रंगाचा ब्लाउजही परिधान करू शकता.

(Ganesh Chaturthi 2020 गणेशोत्सवामध्ये हटके दिसायचंय? जुन्या लुकला असा द्या नवा टच)

करीना कपूर

करीना कपूर खानचे फॅशन स्टेटमेंट सर्वांनाच माहिती आहे. महिलावर्गामध्ये करीना कपूरच्या फॅशन स्टाइलची क्रेझ आपल्याला पाहायला मिळते. कित्येक जण करीनाला फॉलो करतात. एका कार्यक्रमामध्ये करीनाने ‘पिकाचिका’ची कस्टम हँडमेड प्रिंट साडी नेसली होती. यावर ‘बेबो’ हे नाव देखील प्रिंट केल्याचे तुम्ही पाहू शकता. तुमच्याकडेही एखादी हँड प्रिंटेड साडी आहे का? असेल तर मग हरतालिका तृतीयेसाठी तुम्ही अशा पॅटर्नची साडी नेसून स्वतःला स्टायलिश लुक देऊ शकता.

(Hairstyle Tips पारंपरिक ते स्टायलिश लुकसाठी करून पाहा बन हेअर स्टाइल)


Source link

You may also like...

Leave a Reply

Your email address will not be published. Required fields are marked *