Health Benefits Of Star Fruit : कॅन्सर व इतर आजारांना शरीरापासून दूर ठेवण्यास प्रभावी ठरतं ‘हे’ खास फळ!

Spread the love

अमरख, कमरख असं हिंदी मध्ये म्हणवल्या जाणा-या या फळाचं प्रसिद्ध नाव हे स्टार फ्रुट आहे. नावाप्रमाणेच या फळाचा आकारही स्टार सारखाच असतो. स्टार फ्रुट सायट्रिकअॅसिडने भरलेले असते त्यामुळे या फळाच्या माध्यमातून शरीराला व्हिटॅमिन ‘क’ ची पूर्तता होते. बाहेरून हिरवट-पिवळट रंगाचे दिसणारे हे फळ मेणाचे आवरण असल्यासारखे वाटते. मूळचे दक्षिण आशियामधले असलेले आंबट गोड पाणीदार असे हे फळ लहान मुलांमध्ये अधिकच प्रसिद्ध आहे. सप्टेंबर ते फेब्रुवारीपर्यंत भारतात हे फळ उपलब्ध असते. फळाचा रस ताप व डोळ्यांचा संसर्ग कमी करण्यासाठी गुणकारी मानला जातो.

आयुर्वेदामध्ये या फळाचा उल्लेख चांगले पचन, घशाचा संसर्ग,कफ, दमा, अतिसार,अपचन, तोंड येणे, दातदुखी, उलटी या सर्व तक्रारींवर रामबाण उपाय मानले जाते. हे तंतूमय फळ असल्याने शरीरातील साखरेचे प्रमाण नियंत्रित ठेवते. स्टार फ्रुटमध्ये पोटाचा अल्सर बरा करण्याचा गुणधर्म असतो. त्वचेच्या विकारांवर चांगला उपाय मानला जाण्यासोबतच कमी कॅलरीमुळे स्टार फ्रुट लठ्ठ व्यक्तींसाठीही फायदेशीर मानले जाते. या फळाकडे पाहिल्यावर बालपण जागे होते कारण शाळेसमोर पूर्वी चिंचा, बोरं, कैरी असलेल्या गाड्या उभ्या असायच्या त्या गाडीवर हे स्टार फ्रुट मस्त मसाला मारुन मिळायचं त्यामुळे ब-याच लोकांच्या बालपणीच्या आठवणीही या फळासोबत जोडल्या गेलेल्या आहेत.

कसं असतं स्टार फ्रुट?

नावावरुनच तुम्हाला अंदाज आला असेल की हे फळ एखाद्या स्टार म्हणजेच ता-याच्या आकाराचं असतं. कापल्यानंतर त्याचा एकदम तंतोतंत ता-यासारखा आकार दिसू लागतो. कारण त्याचा बाहेरचा लूकच इतका सुंदर असतो की त्याचे छोटे छोटे तुकडे केल्यानंतर ते अगदीच सुरेख दिसू लागतं. स्टार फ्रुटचा रंग हलकासा हिरवा असते. खाताना हे थोडं आंबट-गोड आणि रसाळ असतं. पिकताना स्टार फ्रुट हलक्या पिवळ्या रंगाचं दिसू लागतं. जेव्हा हे फळ पूर्णत: पिकतं तेव्हा ते नारंगी रंगाचं दिसू लागतं. सोबतच पिकल्यावर यामधील तिखटपणा थोडा कमी होतो.

(वाचा :- Infection Free Skin : निरोगी त्वचेसाठी तयार करा घरगुती नैसर्गिक स्किन ऑईल ब्लेंड!)

स्टार फ्रुट कुठे मिळतं?

साधारणत: स्टार फ्रुट सर्वत्र मिळतं. हे असं एक फळ आहे जे जवळ जवळ संपूर्ण वर्षभर उपलब्ध असतं. कारण संपूर्ण वर्षात याचं दोन वेळा पिक येतं. तसं पाहायला गेलं तर हे भारतीय फळ नसून दक्षिण आशियातील फळ आहे. तरीही हे फळ भारतात संपूर्ण वर्षभर उपलब्ध असतं. स्टार फ्रुटचा उपयोग सलाड, स्ट्रिट फुड आणि फ्रुट चाट मध्ये केला जातो. स्टार फ्रुड स्नॅक्स, ड्रिंक्स, खाद्यपदार्थांना गार्निशिंग करण्यासाठी, चटणी, सॉस इत्यादीचा स्वाद वाढवण्यास मदत करतं.

(वाचा :- ‘या’ अभिनेत्रीने असं मिळवलं अस्थमासारख्या त्रासदायक आजारावर नियंत्रण!)

स्टार फ्रुटचे लाभ काय?

जसं आम्ही आधीच सांगितलं की स्टार फ्रुट मध्ये सायट्रिक अॅसिड असतं त्यामुळे त्यातून आपल्या शरीराला व्हिटॅमिन क ची पूर्तता होते. व्हिटॅमिन क हेच व्हिटॅमिन आहे जे आपली रोगप्रतिकारक शक्ती वाढवतं. सोबतच स्टार फ्रुट खाल्ल्याने पचनक्रियेशी संबंधित सर्व आजार दूर होतात. स्टार फ्रुट मध्ये फायबर मोठ्या प्रमाणात असतं जे आपली पचनक्रिया सुरुळीत ठेवण्याचं काम करतं. बद्धकोष्ठता, अतिसार, गॅस, अपचन यासारख्या समस्यांपासून बचाव करण्यासाठी हे फळ उपयुक्त ठरतं.

(वाचा :- शरीरातील व्हिटॅमिन ‘सी’ ची तुट भरुन काढण्यासाठी नियमित करा ‘या’ फ्रुट चाटचे सेवन!)

ह्रदय निरोगी ठेवण्यासोबत बॅक्टेरिया मारतं

स्टार फ्रुट मध्ये व्हिटॅमिन ब देखील असतं. सोबतच यामध्ये मॅग्नेशियम आणि लोह यासारखे तत्व देखील आढळतात. ही सर्व तत्वं आपल्या शरीरातील रक्तप्रवाहाची क्रिया सुरुळीत ठेवण्याचं काम करतात. यामुळे ह्रदय विकाराचा झटका, स्ट्रोक आणि क्लोटिंग (रक्ताच्या गाठी होणं) या समस्या उद्भवत नाहीत. तसंच स्टार फ्रुट आपल्या आतड्यांना हानीकारक असणारे बॅक्टेरिया संपवण्याचं काम करते आणि चांगल्या बॅक्टेरियाला हेल्दी बनवण्याचं काम करते. यामुळे आपलं शरीर चिरंतर काळासाठी निरोगी व सुदृढ राहतं आणि छोटे छोटे आजार शरीराला विळखा घालत नाहीत.

(वाचा :- फक्त चवीसाठीच नाही तर आरोग्यासाठीही खाल्ले जातात पापड, हे सत्य आहे का?)

कॅन्सरपासून सुरक्षा प्रदान करते

आजकाल कॅन्सर सारखा भयानक रोगही सामान्य होत चालला आहे. कारण हल्ली कॅन्सरच्या रुग्णांची संख्या आपल्या देशात झपाट्याने वाढत चालली आहे. पण स्टार फ्रुटचे सेवन आपल्याला या आजारापासून वाचवण्यास लाभदायक ठरु शकतं. कारण या फळात बीटा-कॅरोटीन आढळतं. यामध्ये असे काही गुणधर्म आढळतात जे आपल्या शरीरात कॅन्सरच्या पेशी वाढण्यास मज्जाव करतात. सोबतच हे अॅंटीऑक्सिडंट सारखं काम करतं. यामुळे शरीराला निरोगी राहण्यास मदत मिळते.

(वाचा :- दंडाचे स्नायू मजबूत करण्यासाठी खेळा ‘हे’ लहान मुलांचे खेळ, मिळतील टोन्ड व आकर्षक आर्म्स!)


Source link

You may also like...

Leave a Reply

Your email address will not be published. Required fields are marked *