Health Care करीना कपूरची न्युट्रिशनिस्ट ऋजुता दिवेकरकडून जाणून घ्या आवळा खाण्याचे फायदे

Spread the love

प्रसिद्ध न्युट्रिशनिस्ट आणि एक्सरसाइज सायन्स एक्सपर्ट ऋजुता दिवेकर आपल्या सोशल मीडिया अकाउटंद्वारे फॉलोअर्ससोबत आरोग्य, फिटनेस आणि डाएट टिप्स शेअर करत असते. ऋजुता दिवेकर सेलिब्रिटी न्युट्रिशनिस्ट म्हणून देशभरात प्रसिद्ध आहे. बॉलिवूडमधील कित्येक सेलिब्रिटी ऋजुताच्या सल्ल्यानुसार फिटनेस व डाएट टिप्स फॉलो करताहेत. या यादीमध्ये सर्वात महत्त्वाचे नाव म्हणजे बॉलिवूड अभिनेत्री करीना कपूर – खान. ऋजुताने दिलेल्या हेल्थ आणि डाएट टिप्स करीना आपल्या इन्स्टाग्राम पोस्टच्या माध्यमातून चाहत्यांसोबत शेअर करत असते.

बॉलिवूडमध्ये झीरो साइज फिगरची क्रेझ निर्माण करणारी अभिनेत्री करीना कपूर आपल्या फिटनेसबाबत अतिशय जागरूक आहे. ऋजुताच्या सल्ल्यानुसार करीना आपल्या आहाराची विशेष काळजी घेते. दरम्यान ऋजुता दिवेकर देखील आपल्या अधिकृत सोशल मीडिया अकाउंटद्वारे फॉलोअर्ससोबत आरोग्यविषयक माहिती शेअर करते. जाणून घेऊया तिनं आवळ्याच्या सेवनाबाबत दिलेली महत्त्वपूर्ण माहिती…
(चालण्याचा व्यायाम कोणत्या वेळेस करणं आरोग्यास असते अधिक फायदेशीर? जाणून घ्या)

​पोषक घटकांचा खजिना आहे आवळा

आपल्या सोशल मीडिया अकाउंटद्वारे ऋजुताने आवळा खाण्याचे फायदे देखील सांगितले आहेत. आरोग्यासाठी आवळ्याचे सेवन करणं लाभदायक असते, हे आपणा सर्वांनाच माहिती आहे. आवळ्यामध्ये व्हिटॅमिन सी, लोह, कॅल्शिअम आणि फॉस्फोरस भरपूर प्रमाणात असते. या पोषण तत्त्वांमुळे शरीरातील विषारी घटक सहजरित्या बाहेर फेकले जातात. यामुळे यकृताची कार्यप्रणाली सुधारण्यास मदत मिळते. दरम्यान काही वेळा आवळ्याचे सेवन करण्यासंबंधित अनेक प्रश्न प्रत्येकाच्या मनात उपस्थितीत होतात. सेलिब्रिटी न्युट्रिशनिस्ट ऋजुता दिवेकरने या प्रश्नांची काय उत्तरं दिली आहेत, जाणून घेऊया…

(कृति सेनॉनच्या फिटनेसचे ‘हे’ आहे सीक्रेट, जाणून घ्या तिचं वर्कआउट प्लान)

​आवळा सरबत, मुरांबा आणि लोणचे खाण्याची योग्य वेळ कोणती?

उत्तर – आवळ्याचे सरबत तुम्ही नाश्त्यामध्ये पिऊ शकता किंवा दुपारचे जेवण करण्यापूर्वीही (मिड-मॉर्निंग मील) आवळ्याच्या रसाचे सेवन करू शकता. आवळ्याचा मुरांबा आणि आवळ्याचे लोणचे तुम्ही जेवणासोबत खाऊ शकता.

(भुजंगासनाची पारंपरिक पद्धत माहीत आहे? हे ६ लाभही जाणून घ्या)

तसंच नाश्त्यामध्ये पराठा किंवा भाकरीसोबत, दुपारच्या जेवणात पोळीसोबत किंवा रात्रीच्या जेवणामध्ये वरण-भातासोबतही आवळ्याचा मुरांबा किंवा लोणच्याचा आस्वाद घेऊ शकता.

(Health Care Tips मधुमेहींनी उत्सवांमध्ये केवळ मिठाईच नव्हे तर ‘या’ गोष्टींपासूनही राहावे दूर)

​आवळ्याचा मुरांबा तयार करण्यासाठी गूळ वापरावे की साखर?

उत्तर – आवळ्याच्या मुरांब्याला गोडवा येण्यासाठी गूळ वापरावे की साखर? हे पूर्णतः तुमच्या घरामध्ये वर्षांनुवर्षे तयार केल्या जाणाऱ्या मुरांब्याच्या पारंपरिक पाककृतीवर अवलंबून असते. ज्या मुरांब्याचा विशेषतः अँटासिड म्हणून उपयोग केला जातो, त्याच्या पाककृतीमध्ये साखरेचा वापर केला जातो. दरम्यान मुरांब्यातील साखर आणि लोणच्यातील मीठ आवळ्यातील बायो- अ‍ॅक्टिव्ह मॉलिक्युल्स टिकवून ठेवण्याचे कार्य करतात.

(सब्जाचे सेवन करण्याची योग्य वेळ आणि पद्धत, जाणून घ्या सविस्तर माहिती)

​कोणत्या परिस्थितीत आवळ्याचे सेवन करू नये?

कोणतीही व्यक्ती आवळा खाऊ शकते. केवळ आवळ्याचे अति प्रमाणात सेवन करणं टाळावे. कोणताही पदार्थ मर्यादित स्वरुपात खाणे गरजेचं असते. आपल्या आहारामध्ये तुम्ही आवळ्याचा समावेश करू शकता. पण जास्त प्रमाणात त्याचे सेवन करू नये. एका दिवशी एकच आवळा खाणे योग्य ठरेल, असा सल्ला ऋजुताने दिला आहे.

(हिवाळ्यात आरोग्य निरोगी राहण्यासाठी कशा पद्धतीने घ्यावी स्वतःची काळजी, जाणून घ्या माहिती)

NOTE आपल्या आहारामध्ये कोणत्या पदार्थांचा, फळांचा समावेश करावा किंवा करू नये, याबाबत सर्वप्रथम आपल्या ओळखीचे डॉक्टर आणि न्युट्रिशनिस्टचा सल्ला घेणे आवश्यक आहे. तसंच दुसऱ्या व्यक्तींचे डाएट फॉलो करण्याची चूक करू नये.

(डोळ्यांचे आरोग्य ते रक्तदाब नियंत्रणात ठेवण्यापर्यंत, जाणून घ्या पालकच्या सेवनामुळे मिळणारे लाभ)

मर्यादित प्रमाणात आवळ्याचे सेवन करावं- ऋजुता दिवेकर




Source link

You may also like...

Leave a Reply

Your email address will not be published. Required fields are marked *