Health Care वर्क फ्रॉम होममुळे आरोग्याकडे होतंय का दुर्लक्ष; तुम्हीही ब्रेक घ्यायला विसरताय?

Spread the love

मुंबई टाइम्स टीम
सध्या अनेक क्षेत्रं अनलॉक होत असली तरी बहुतांश लोक वर्क फ्रॉम होम (Work From Home) करत आहेत. त्यामुळे गेल्या सहा महिन्यांपासून घरातूनच काम करताना अनेकांना मणक्याच्या, मानेच्या आणि पाठीच्या दुखण्यानं ग्रासलं आहे. करोना आधीच्या काळात ऑफिसमध्ये काम करताना बसण्याची व्यवस्था होती. टेबल, खुर्ची, नजरेसमोर मॉनिटर ठेवणं, वेगळा कीबोर्ड अशी व्यवस्था असे. यामुळे आरायमदायी वातावरणात काम करता येतं आणि कार्यक्षमतेत वाढ होते. याउलट लॉकडाउनच्या काळात अनेकांना घरीच पलंगावर किंवा सोफ्यावर बसून काम करण्याची सवय लागली आहे.

यामुळे गैरसोय होऊन त्यांना मणक्याचे आणि मानेचे आजार बळावले आहेत. सुरुवातीला लोकांना सौम्य अस्वस्थता जाणवली. नंतर वेदना तीव्र होऊन त्रास वाढला. या वेदनेमध्ये वाढ होण्यामागे तासनतास एकाच जागी चुकीच्या पद्धतीने बसणं, काम करताना ब्रेक न घेणं, हालचालींचा अभाव ही कारणं आहेत, असं तज्ज्ञ सांगतात. गेल्या सहा महिन्यांपासून वेदनेत वाढ होत गेल्याने पाठदुखी, मानदुखीच्या वेदनेनं त्रस्त रुग्णांचीही वाढ होत आहे. हे रोखून वर्क फ्रॉम होम वेदनामुक्त करता यावं यासाठी काही टिप्स
(तुम्ही नियमित लिंबूचे सेवन करता का? जाणून घ्या ही माहिती)

​लॅपटॉप

ब्रेक न घेता तासनतास लॅपटॉपवर काम केल्यानं पाठीच्या स्नायूंवर ताण येतो. लॅपटॉपवर काम करताना एक तर सतत स्क्रीनकडे पाहावं लागतं किंवा टाइप करण्यासाठी दोन्ही हात दीर्घकाळ एकाच अवस्थेत ठेवावे लागतात. यामुळे टायपिंग करताना गैरसोय होऊन बोटांच्या स्नायूंवर ताण येतो. याचबरोबर लॅपटॉपवर काम करताना आपल्याला ‘फॉरवर्ड हेड पोजिशन’मध्ये काम करावं लागतं. त्यामुळे मणका आणि मानेच्या स्नायूंवर ताण येतो. परिणामी, दुखणं डोकं वर काढतं असं तज्ज्ञ सांगतात.

(भूक लागल्यानंतर या ३ सूपचा घेऊ शकता आस्वाद, जाणून घ्या ही माहिती)

​खुर्ची

घरी असलेल्या खुर्च्या अनेकदा चुकीच्या उंचीच्या असतात. यामुळे आपल्याला खुर्चीवर सरळ किंवा ताठ बसता येत नाही. परिणामी, स्नायूंवर ताण येतो. त्यातच घरातील लाकडी खुर्ची किंवा सोफ्यावर बसून काम करताना अनेकदा लॅपटॉप मांडीवर ठेवला जातो. यामुळे मांडीच्या स्नायूंवर ताण येतो.

(पचनाशी संबंधित समस्येमुळे त्रस्त आहात का? कोणत्या वेळेस ताक पिणं ठरेल योग्य)

​हालचाल कमी होतेय?

वर्क फ्रॉम होममुळे काम करण्याच्या जागेबरोबरच काम करण्याची पद्धतसुद्धा बदलली आहे. पूर्वी ऑफिसमध्ये असताना आपण मीटिंगसाठी आपल्या डेस्कपासून काही अंतर चालायचो. कॉफी ब्रेक्ससाठी कँटिनमध्ये जायचो तर प्रवास करण्यासाठीसुद्धा आपण बऱ्याचदा चालायचो. पण, वर्क फ्रॉम करताना तासनतास एकाच जागी बसून राहतो. अशाच प्रकारे शरीर दीर्घकाळासाठी एकाच स्थितीत राहिलं तर दुखणी डोकं वर काढतात, असं तज्ज्ञ सांगतात.

(पत्नी जेनेलियासह रितेश देशमुखने फिटनेस व अवयवदानासाठी घेतला ‘हा’ निर्णय)

​करा सोपे उपाय

वेदनामुक्त काम करण्यासाठी सर्वप्रथम लॅपटॉपसाठी एक वेगळा कीबॉर्ड आणि माऊस घ्या. लॅपटॉप पुस्तकांवर ठेवून, त्याची स्क्रीन नजरेसमोर घ्या. आता खुर्चीची उंची कमी असल्यास त्यावर उशी ठेवा आणि त्याची उंची वाढवा.

(स्त्रियांमध्ये आढळणाऱ्या या आजाराचा सामना करतेय सोनम कपूर, चाहत्यांसोबत शेअर केल्या टिप्स)

​ब्रेक्स घ्या, हालचाल करा

वेदनामुक्त काम करण्यासाठी दर २० मिनिटांनी ब्रेक घेऊन हालचाल करा. दर २० मिनिटांनी रिमांइंडर सेट करून ब्रेक घ्या. त्या वेळेत स्ट्रेचिंगचे व्यायाम करा. अगदी ५ सेकंदांचा मायक्रो ब्रेक घेतल्यानं खूप फरक पडतो, असं तज्ज्ञ अधोरेखित करतात. तर ५ ते १० मिनिटांचा मायक्रो ब्रेक घेऊन बसल्या जागीच व्यायाम करण्याचा सल्ला तज्ज्ञ देतात.

संकलन- प्रथमेश गायकवाड, विल्सन कॉलेज

(ऑफिसमध्ये किंवा कमी जागेत पवनमुक्तासन कसे करावे? जाणून घ्या डॉक्टरांनी सांगितलेली पद्धत)

NOTE कोणत्याही प्रकारच्या शारीरिक वेदना जाणवू लागल्यास आपल्या ओळखीच्या डॉक्टरांना संपर्क साधावा. योग्य ते औषधोपचार करावे, आरोग्याच्या तक्रारींकडे दुर्लक्ष करू नये.


Source link

You may also like...

Leave a Reply

Your email address will not be published. Required fields are marked *