Health Care Tips इवल्याशा पारिजात फुलाचे मोठे फायदे माहिती आहेत का?

Spread the love

पारिजात फुल पाहिल्यानंतर तुम्हाला गावाकडची आठवण नक्की आली असेल. हो ना? गावात बहुतांश लोकांच्या अंगणात पारिजातचे झाड असतेच. सकाळी- सकाळी दारासमोर या फुलांचा सडा पाहायला मिळतो. हे इवलेसे फुल सुंदर आणि सुंगधित असते. या फुलास प्राजक्ता, शिउली आणि हरश्रृंगार या नावानेही ओळखले जाते. या फुलाचा सुगंध अतिशय सौम्य आणि मोहक असतो.

पारिजात झाडाच्या (Parija Benefits) आसपासचे वातावरण अतिशय प्रसन्न असते. तुम्हाला या फुलाचे आरोग्यदायी (Health) फायदे माहिती आहेत का? या फुलाचा आयुर्वेदिक औषधोपचारामध्ये वापर केला जातो. डॉक्टरांच्या सल्ल्यानुसार पारिजात फुलाचा योग्य पद्धतीने वापर केल्यास आरोग्यदायी लाभ मिळतील. पारिजातपासून कोणकोणत्या प्रकारे आपल्याला फायदे मिळतात, जाणून घेऊया सविस्तर माहिती
(Health Care मणक्यांना होणारा वातरोग, जाणून घ्या उपचाराची पद्धत)

​हर्बल चहा

पारिजात फुलामध्ये औषधी गुणधर्मांचा साठा आहे. या फुलाचा आयुर्वेदिक औषधोपचारामध्येही समावेश केला जातो. तसंच पूजा- अर्चना करतानाही या फुलांचा वापर केला जातो. पारिजात फुलाचाच नव्हे तर या झाडाचे फळ, पाने, बियांचाही वेगवेगळ्या स्वरुपात उपयोग केला जातो. औषधी तेलामध्येही या फुलाचा वापर केला जातो. पारिजातच्या पानांपासून तयार केलेला हर्बल टी आरोग्यासाठी लाभदायक असतो. कारण यामध्ये मोठ्या प्रमाणात अँटी ऑक्सिडंट्स असतात. या हर्बल चहातील घटक शरीराचा थकवा दूर करण्याचे कार्य करतात.

(Health Care Tips फिट राहायचं आहे? मग या पाच गोष्टींकडे करू नका दुर्लक्ष)

​पारिजात फुलाचे वैशिष्ट्य

पारिजात फुलापासून हर्बल तेल देखील तयार करण्यात येते. या फुलांमध्ये अँटी इन्फ्लेमेटरी गुणधर्म आहेत. ज्यामुळे शारीरिक वेदना कमी होण्यास मदत मिळते. विशेषतः सांधेदुखीचा त्रास कमी करण्यासाठी या फुलाचे तेल रामबाण उपाय मानले जातं. डॉक्टरांच्या सल्ल्यानुसार तेलाचा वापर केल्यास शारीरिक दुखण्यापासून तुम्हाला आराम मिळतो.

(Knee Pain Home Remedy गुडघेदुखीमुळे त्रस्त आहात का? जाणून घ्या घरगुती उपाय)

​या दुखण्यांवर प्रभावी उपाय

जी लोक आर्थरायटिस समस्येचा सामना करत आहेत, त्यांना गुडघे, कंबर, खांदे, कोपर, टाचा यासारख्या जागांवर असह्य वेदना होतात. सोबतच डेंग्यू झालेल्या रुग्णाची हाडे भरपूर प्रमाणात दुखतात. ही त्रासदायक समस्या दूर होण्यास बराच वेळ लागतो. असह्य वेदनेमुळे रुग्णाचा जीव अक्षरशः मेटाकुटीला येतो. या दोन्ही प्रकारच्या दुखण्यातून आराम मिळावा, यासाठी तज्ज्ञांकडून पारिजात फुलाचे तेल वापरण्याचा सल्ला दिला होता. शारीरिक दुखणे कमी करण्यासाठी हे तेल लाभदायक ठरू शकते. पण डॉक्टरांनी सल्ला दिल्यानंतरच या तेलाचा वापर करावा, ही बाब लक्षात ठेवावी.

(Health Care Tips पोट बिघडल्यानंतर खिचडी खाण्याचा सल्ला का दिला जातो?)

​तेल असतं अँटी अ‍ॅलर्जिक

पारिजात फुलाच्या तेलामध्ये अँटी अ‍ॅलर्जिक गुणधर्म असतात. याच कारणामुळे कित्येक ब्युटी प्रोडक्ट्समध्ये, बॉडी सीरममध्ये इत्यादी उत्पादनांमध्ये या फुलाच्या तेलाचा वापर केला जातो. पारिजातच्या बिया, पाने आणि फुलांमध्ये अँटी फंगल आणि अँटी बॅक्टेरिअल गुणधर्म देखील असतात. ज्यामुळे त्वचेशी संबंधित समस्या दूर होण्यास मदत मिळते. एखादी जखम भरण्यासाठीही या फुलाचा लेप वापरला जातो.

(Natural Skin And Hair Care बहुगुणी केळफुलाचे फायदे, त्वचा व केसांसाठी असा करू शकता वापर)

​तणाव कमी करण्यासाठी

पारिजात या औषधी वनस्पतीमध्ये अँटी डिप्रेसेंट गुणधर्म देखील आहेत. डॉक्टरांच्या सल्ल्यानुसार याचे सेवन केल्यास ताणतणाव, चिंता कमी होण्यास मदत मिळू शकते. या वनस्पतीपासून चहा देखील तयार केला जातो. याचे सेवन केल्यास शरीराला आराम मिळतो. पारिजातच्या फुलांच्या सुगंधामुळे मन प्रसन्न राहण्यास मदत मिळते.

(Honey Health Benefits मधाचे सेवन करण्याचे सात आरोग्यदायी फायदे)

NOTE शारीरिक अथवा मानसिक समस्या जाणवत असल्यास सर्वप्रथम आपल्या डॉक्टरांशी संपर्क साधावा. त्यांच्या मार्गदर्शनानुसारच औषधोपचार करावेत.


Source link

You may also like...

Leave a Reply

Your email address will not be published. Required fields are marked *