Health Care Tips पेर फळाचे आरोग्यदायी गुणधर्म माहिती आहेत का?

Spread the love

​ऑस्टिओपोरोसिस म्हणजे काय?

हाडे ठिसूळ होण्याच्या समस्येला वैद्यकीय भाषेमध्ये ऑस्टिओपोरोसिस असे म्हणतात. ऑस्टिओपोरोसिसमधे हाडे ठिसूळ होण्याची प्रक्रिया जास्त होते. द्रवपदार्थ आणि हाडांमधील चरबी त्यांचे घनत्व टिकवून ठेवण्यास मदत करतात. हे दोन्ही घटक आपले शरीर मजबूत ठेवण्यात मोठी भूमिका बजावतात. जेव्हा शरीरामध्ये कॅल्शिअमसह अन्य पोषक तत्त्वांचा अभाव निर्माण होतो, तेव्हा आपल्या हाडांमधील घनत्व कमी होऊ लागते. यामुळे शरीराची हाडे कमकुवत होऊ लागतात.

(Health Care Tips इवल्याशा पारिजात फुलाचे मोठे फायदे माहिती आहेत का?)

​​पेर फळ खाण्याचे फायदे

पेर फळाला बोली भाषेमध्ये नाशपाती या नावानंही ओळखले जाते. हे फळ एप्रिलपासून ते ऑक्टोबरपर्यंत बाजारामध्ये उपलब्ध असते. या फळाच्या सेवनामुळे शरीराला भरपूर आरोग्यदायी लाभ मिळतात. पण यातील पोषक घटक आपल्या हाडांसाठी सर्वाधिक फायदेशीर असतात.

(मधुमेह होण्याची नवी कारणे? जाणून घ्या डॉक्टरांनी सांगितलेली संशोधनातील महत्त्वाची माहिती)

​पेर फळामुळे हाडे कशी राहतात निरोगी?

पेरमध्ये आपल्या शरीराचे पीएच स्तर संतुलित ठेवण्याची क्षमता असते. या फळामध्ये बोरोना नावाचे तत्त्व असते. बोरोना आपल्या हाडांच्या आरोग्यासाठी अतिशय आवश्यक असते. कारण हे आपल्या शरीरात नैसर्गिकरित्या कॅल्शियम तयार करण्यास मदत करते. हे कॅल्शिअम आपल्या हाडांना बळकटी देण्याचे कार्य करतात आणि ऑस्टिओपोरोसिस सारख्या वेदनादायक समस्यांपासून आपले संरक्षण करते.

(Yoga Benefits कमरेच्या स्नायूंसाठी करा हे आसन, जाणून घ्या योग्य पद्धत)

​कमकुवत हाडांचा त्रास

ज्या लोकांची हाडे कमकुवत होऊ लागतात, अशा लोकांमध्ये ऑस्टिओपोरोसिस होण्यापूर्वी हाडांमध्ये तीव्र वेदना होणे ही सामान्य बाब आहे. हाडांमध्ये वेदना होण्याचा त्रास कधीही उद्भवू शकतो किंवा नियमित देखील राहू शकतो. ही लक्षणे प्रत्येक रुग्णाच्या वेगवेगळ्या कारणांवर अवलंबून असतात. एखाद्या व्यक्तीला ऑस्टिओपोरोसिस आजार झाल्यास त्याचे शरीर पोकळ आणि कमकुवत होते. या धोकादायक आजाराला स्वतःपासून दूर ठेवण्यासाठी आहारामध्ये पेर फळाचा समावेश करावा.

(Knee Pain Home Remedy गुडघेदुखीमुळे त्रस्त आहात का? जाणून घ्या घरगुती उपाय)

​उपाय

– आपल्या आहारामध्ये प्रोटीनयुक्त पदार्थांचा समावेश करावा. प्रोटीन हाडांमधील घनत्व वाढवण्यास मदत करतात. ज्यामुळे हाडे ठिसूळ होण्याची शक्यता कमी होते. आपले वजन नियंत्रणात ठेवा. जास्त वजनामुळे हाडांवर दबाव येतो. यामुळे घर्षण जास्त प्रमाणात होऊन ऑस्टिओपोरोसिसचा धोका वाढतो.

– हाडांसाठी व्हिटॅमिन डी अतिशय आवश्यक आहे. या जीवनसत्त्वाच्या कमतरतेमुळे कॅल्शिअम शोषले जात नाहीत. ज्यामुळे हाडांना कॅल्शिअमचे फायदे मिळत नाहीत आणि ती कमकुवत होऊ लागतात.

– नियमित व्यायाम करावा. चालणे, जॉगिंग, सोपी योगासने नियमित करावीत. यामुळे हाडे मजबूत राहण्यास मदत मिळते.

(Health Care Tips फिट राहायचं आहे? मग या पाच गोष्टींकडे करू नका दुर्लक्ष)

NOTE कोणत्याही शारीरिक समस्या उद्भवल्यास सर्वप्रथम आपल्या डॉक्टरांशी संपर्क साधावा. त्यांच्या मार्गदर्शनानुसार औषधोपचार करावेत.


Source link

You may also like...

Leave a Reply

Your email address will not be published. Required fields are marked *