Health Care Tips पोट बिघडल्यानंतर खिचडी खाण्याचा सल्ला का दिला जातो?

Spread the love

खाण्यापिण्याच्या सवयी, जंक फूडचे सेवन, आहारामध्ये झालेला बदल इत्यादी गोष्टींमुळे अतिसाराचा त्रास उद्भवू शकतो. अतिसाराचा त्रास कधीही आणि कोणालाही होऊ शकतो. कारण ही समस्या बदलत्या हवामानाशी नव्हे तर जीवनशैलीशी संबंधित आहे. आहारामध्ये काही गडबड झाल्यास पोटात पोहोचलेले अनावश्यक तसंच विषारी पदार्थ बाहेर फेकण्याचे कार्य शरीर सुरू करते.

अतिसारामुळे थकवा जाणवतो

जुलाब ही अतिशय त्रासदायक समस्या आहे. यामुळे आपल्याला अशक्तपणा देखील येतो. पण आपणास हे माहीत असले पाहिजे की काही विशिष्ट परिस्थितीत ही गोष्ट आरोग्यासाठी आवश्यक असते. कारण आहाराद्वारे आपल्या पोटात गेलेले संसर्गजन्य घटक शरीराबाहेर फेकले न गेल्यास आपल्याला अन्य गंभीर आजारांची लागण होण्याची शक्यता असते. पोट बिघडल्यानंतर खिचडी खाण्याचा सल्ला का दिला जातो? अशा परिस्थितीत खिचडी खाल्ल्यास आपल्याला कोणकोणते लाभ मिळू शकतात? जाणून घेऊया माहिती.
(कंबरदुखी दूर करण्यासाठी व कमरेच्या स्नायूंसाठी उपयुक्त आसन, वाचा तज्ज्ञांनी दिलेली माहिती)

​जुलाब होण्याचा त्रास कमी होतो

मूग डाळ आणि तांदळापासून तयार केलेली खिचडी खाल्ल्यास अतिसाराचा त्रास कमी होण्यास मदत करते. मूग डाळीची खिचडी पोटात जमा झालेले अनावश्यक घटक शरीराबाहेर फेकण्याचे कार्य करते. यामुळे पोटदुखीच्या त्रासातूनही आराम मिळतो. मूग डाळ थंड आणि मऊ असते. या डाळीचे सर्व ऋतूंमध्ये सेवन करणं लाभदायक ठरते. सोबतच तांदळामधील स्टार्च आपली पचनक्रिया सुरळीत सुरू ठेवण्याचे कार्य करते. खिचडीतील पोषक घटकांमुळे विषारी पदार्थ शरीराबाहेर सहजरित्या फेकले जातात. महत्त्वाचे म्हणजे पोटदुखीचा कमी होण्यास मदत मिळते.

(Knee Pain Home Remedy गुडघेदुखीमुळे त्रस्त आहात का? जाणून घ्या घरगुती उपाय)

​स्नायूंना मिळतो आराम

खिचडीच्या सेवनामुळे आपल्या स्नायूंना आराम मिळतो. कारण खिचडी पचण्यास हलकी असते. दरम्यान अतिसाराचा त्रास कमी करण्यासाठी नेहमीपेक्षा वेगळ्या प्रकारे खिचडी तयार केली जाते. या खिचडीमध्ये पाण्याचे प्रमाण अधिक असते. अशा प्रकारच्या आहाराद्वारे आपल्या शरीरातील पाण्याची कमतरता भरून निघण्यास मदत मिळते आणि डिहायड्रेशनच्या समस्येपासून बचाव होतो.

(Tips To Cook Iron Rich Food शरीराला लोहाचा पुरवठा करणारी ही पारंपरिक पद्धत माहीत आहे का?)

​अशी पद्धतीची खिचडी खाऊ नका

काही जण मुगाच्या खिचडीमध्ये (Moong Dal Khichadi) जास्त प्रमाणात पाण्याचा समावेश करत नाही. कोरड्या खिचडीमुळे पोटदुखीची समस्या अधिक वाढण्याची शक्यता असते. अतिसाराच्या त्रासातून आराम मिळण्यासाठी खिचडीमध्ये अधिक प्रमाणात पाण्याचा वापर करावा. तसंच नैसर्गिक पद्धतीने शरीर डिटॉक्स करण्यासाठी पाणी पिणे हा उत्तम उपाय मानलो जातो.

(Raw Onion Eating Benefits तुम्हाला कच्चा कांदा खायला आवडतो का? मग ही माहिती नक्की वाचा)

​खिचडीचा हा प्रकार सर्वोत्तम

सालीसकट असलेले मूग आणि तांदूळ एकत्र करून खिचडी तयार करावी. तसंच यामध्ये जास्त प्रमाणात पाणी असावे, हे लक्षात ठेवा. खिचडीमध्ये पाणी जास्त असल्यास पोटदुखीच्या त्रासातून लवकर बरे होण्यास मदत मिळते. खिचडीतील पौष्टिक घटकांचा आपल्या शरीराला पुरवठा होतो. तसंच विषारी पदार्थ देखील सहजरित्या शरीराबाहेर फेकले जातात. याव्यतिरिक्त तुम्ही आपल्या डॉक्टरांचाही सल्ला घेणे आवश्यक आहे.

(Benefits Of Ghee गायीचे दूध आणि तुपाचे सेवन करण्याचे आरोग्यदायी फायदे, जाणून घ्या योग्य पद्धत)

​अशक्तपणातून मिळतो आराम

डॉक्टरांच्या सल्ल्यानुसार मुगाच्या खिचडीचे दिवसातून दोन ते तीन वेळा सेवन केल्यास अतिसाराची समस्या कमी होण्यास मदत मिळते. तसंच अशक्तपणा आणि थकवा देखील दूर होतो.

(Honey Health Benefits मधाचे सेवन करण्याचे सात आरोग्यदायी फायदे)

NOTE कोणतीही शारीरिक समस्या उद्भवल्यास सर्वप्रथम आपल्या डॉक्टरांना संपर्क साधावा. कोणत्याही प्रकारच्या शारीरिक त्रासाकडे दुर्लक्ष करू नये. योग्य औषधोपचार करण्यासाठी डॉक्टरांचा सल्ला घ्यायला विसरू नका.


Source link

You may also like...

Leave a Reply

Your email address will not be published. Required fields are marked *