Health Care Tips फिट राहायचं आहे? मग या पाच गोष्टींकडे करू नका दुर्लक्ष

Spread the love

धावपळीचे आयुष्य, बदलती जीवनशैली, ऑफिसच्या कामाचा ताण इत्यादी गोष्टींमुळे बहुतांश जणांना स्वतःच्या आरोग्याकडे लक्ष द्यायला पुरेसा वेळ मिळत नाही. पण वेळ मिळत नाही, म्हणून आरोग्याकडे दुर्लक्ष करून चालणार नाही. अन्यथा यामुळे भविष्यात आरोग्याच्या गंभीर समस्यांचा सामना करावा लागेल. फिट राहण्यासाठी तुमचे वजन देखील नियंत्रणात राहणे गरजेचं आहे. यासाठी व्यायामाप्रमाणेच पौष्टिक आहाराचे सेवन करण्यावरही भर द्या.

आरोग्याच्या दृष्टीकोनातून शरीरातील अतिरिक्त चरबी कमी करण्यासाठी योग्य डाएट फॉलो करणं महत्त्वाचे आहे. काही जण फिट राहण्यासाठी तास-न्-तास जिममध्ये व्यायाम करून घाम गाळतात. पण तरीही शरीरामध्ये हवे तसे बदल पाहायला मिळत नाहीत. कारण त्यांच्या आहारामध्ये पौष्टिक घटकांचा अभाव असतो. दरम्यान, दीर्घ काळासाठी डाएट प्लान फॉलो करणं काही जणांना शक्य होत नाही. यामुळे वजन नियंत्रणात येण्यास बराच वेळ लागतो. पण आहारतज्ज्ञांच्या मते डाएट आणि जीवनशैलीमध्ये बदल करून तुम्हाला स्वतःमध्ये सकारात्मक बदल अनुभवायला मिळतील.
(Raw Onion Eating Benefits तुम्हाला कच्चा कांदा खायला आवडतो का? मग ही माहिती नक्की वाचा)

​योग्य आहाराची करा निवड

दररोज आपण नवनवीन ट्रेंडी डाएट प्लानबाबतची माहिती ऐकत असतो किंवा वाचत असतो. ज्यामध्ये जलदगतीने वजन कमी होईल, असा दावा केला जातो. वजन कमी करणं अजिबात सोपी गोष्टी नाही, ही गोष्ट कायम लक्षात ठेवा. यासाठी योग्य डाएट प्लान फॉलो करणं आवश्यक आहे. काही जण वारंवार स्वतःचे डाएट बदलत असतात, यामुळे त्यांचे वजन नियंत्रणात येत नाही. यासाठीच आहारतज्ज्ञांची भेट घेऊन त्यांच्याकडून डाएट प्लान तयार करून घ्यावा. जेणेकरून दीर्घ काळासाठी योग्य आहाराचे सेवन करण्यास तुम्हाला मदत मिळेल.

(Honey Health Benefits मधाचे सेवन करण्याचे सात आरोग्यदायी फायदे)

​छोटे-छोटे बदल करा

जीवनशैली आणि खाण्यापिण्याच्या सवयींमध्ये बदल करणं सोपी गोष्ट नाही. काही लोक सुरुवातीचे काही दिवस तज्ज्ञांनी दिलेल्या सल्ल्यानुसार आहाराचे पालन करतात. पण थोड्या दिवसांनी डाएट प्लान फॉलो करताना त्यांना कंटाळा येऊ लागतो. यामुळे फिट राहण्याच्या प्रयत्नांमध्ये सातत्य टिकून राहत नाही. ज्यामुळे आरोग्यामध्ये सकारात्मक बदलही दिसत नाहीत. यासाठी आपल्या डाएटमध्ये नेहमी छोटे-छोटे बदल करत राहावे. हा उपाय दीर्घ काळासाठी प्रभावी ठरू शकते. ज्यामुळे शरीरातील कॅलरी कमी होण्यासही मदत मिळू शकते. तसंच प्रक्रिया केलेले खाद्यपदार्थ स्वतःपासून दूरच ठेवा.

(Health Tips आहारामध्ये या पदार्थाचे अतिरिक्त सेवन करू नये, कारण…)

​महागडे डाएट प्लान निवडू नका

फिट राहण्यासाठी, वजन नियंत्रणात ठेवण्यासाठी अशा डाएट प्लानची निवड करावी, ज्यामुळे अधिकचा खर्च होणार नाही आणि शरीरातील कॅलरी देखील कमी होण्यास मदत मिळेल. बहुतांश लोक आपल्या डाएटमध्ये महागड्या स्वरुपातील पेय आणि खाद्यपदार्थांचा समावेश करतात. कित्येकदा यामुळे तुमचा खिसा रिकामा होण्याची शक्यता असते. तसंच हे अशा प्रकारचे डाएट दीर्घ काळासाठी फॉलो करणं कठीणही ठरू शकते.

(Health Care Tips शरीरामध्ये ही ५ लक्षणे आढळल्यास करून घ्या मधुमेहाची तपासणी)

​वाईट सवयी दूर होतात?

स्वतःच्या सवयींमध्ये बदल करणं सोपे नसते, हे आपणा सर्वांनाच माहिती आहे. जंक फूड, वेळीअवेळी खाणे इत्यादी गोष्टींमुळे वजन वाढू शकते, हे सुद्धा आपल्याला ठाऊक असते. पण या सवयी लगेचच बदलणं आपल्याला शक्य होत नाही. यावर उपाय म्हणून आहारतज्ज्ञांशी संपर्क साधून त्यांच्याकडून डाएट प्लान घेणे आणि न चुकता फॉलो करणे. यामुळे तुम्हाला बरीच मदत मिळू शकते.

(Evening Exercise And Yoga संध्याकाळी योगासने किंवा व्यायाम करण्याचे फायदे)

​सप्लीमेंट्स घेणे योग्य आहे का?

जर तुम्ही पोषक आहाराचे सेवन करत आहात तर फिट राहण्यासाठी सप्लीमेंट किंवा क्लींझिंग फॉर्म्युला स्वीकारण्याची आवश्कता नाही. पौष्टिक आहाराचे सेवन आणि नियमित व्यायाम करूनही तुम्ही निरोगी राहू शकता.

(Right Time For Green Tea ग्रीन टी पिण्याची योग्य वेळ तुम्हाला माहीत आहे का?)

NOTE प्रत्येकाच्या आरोग्याच्या समस्या वेगळ्या असतात. प्रत्येकाची शरीरयष्टी निराळी असते. त्यामुळे दुसऱ्या कोणाचेही डाएट प्लान फॉलो करू नये. आहारामध्ये कोणते बदल करावेत किंवा करू नये, यासाठी आहारतज्ज्ञ किंवा डॉक्टरांचा सल्ला घेणे आरोग्याच्या दृष्टीकोनातून गरजेचं आहे.


Source link

You may also like...

Leave a Reply

Your email address will not be published. Required fields are marked *