Health Care Tips मधुमेहींनी उत्सवांमध्ये केवळ मिठाईच नव्हे तर ‘या’ गोष्टींपासूनही राहावे दूर

Spread the love

सण-उत्सव आणि गोड पदार्थ हे समीकरण फार जुने आहे. सण-समारंभ साजरे करण्यासाठी घराघरांमध्ये मिष्ठान्नांच्या खास मेजवानीचा बेत आखला जातोच. पण सण-उत्सव साजरे करताना आपल्या आरोग्याकडेही (Health Care Tips) दुर्लक्ष होता कामा नये, ही बाब कायम लक्षात ठेवा. आरोग्य निरोगी असेल तरच आपण सणासुदीच्या दिवसांचा आनंद लुट शकतो.

उत्सवांच्या काळात आपण खाण्यापिण्याच्या सवयींची विशेष काळजी घेणे अत्यंत गरजेचं आहे. अन्यथा अन्नातून विषबाधा होणे, गॅस, पोट फुगणे, पोटदुखी आणि पोटाशी संबंधित अन्य आजार उद्भवू शकतात. विशेषतः मधुमेहाने ग्रस्त असणाऱ्या रुग्णांनी आपल्या आरोग्याची योग्य ती देखभाल करणं आवश्यक आहे. कारण या दिवसांत चमचमीत पदार्थांची चव चाखण्याचा मोह आवरणं शक्यतो कठीणच असते. पण आरोग्याच्या दृष्टीकोनातून काही गोष्टींपासून दूर राहणं गरजेचं आहे.
(अक्षय-ट्विंकलच्या घराला दिलेली डिंपल यांची पहिली भेट ‘या’ पदार्थामुळे चांगलीच राहिली आठवणीत)

​साखरयुक्त पेय

मधुमेहाने ग्रस्त असणाऱ्या रुग्णांच्या आरोग्यासाठी साखरयुक्त पेय अधिक धोकादायक असतात. सोडा, आइस टी किंवा पाकिटबंद फळांचा रस यासारख्या पेयांमध्ये फ्रुक्टोजची मात्रा प्रचंड असते. यामुळे इन्सुलिनची पातळी असंतुलित होण्याची शक्यता असते. अशा पेयांचे सेवन केल्यास रक्तातील शर्करा वाढण्याची शक्यता असते. शरीरात शर्करेचे प्रमाण वाढल्यास कोलेस्ट्रॉलची पातळी देखील वाईटरित्या प्रभावित होऊ शकते.

(चालण्याचा व्यायाम कोणत्या वेळेस करणं आरोग्यास असते अधिक फायदेशीर? जाणून घ्या)

​सॉस आणि सीरप

सणसमारंभाव्यतिरिक्त अन्य दिवशीही खाद्यपदार्थांसह सॉस आणि मेयोनीज देखील सर्व्ह केले जाते. सॉस, मेयोनीज यासारख्या गोष्टींमध्येही साखरेचे प्रमाण अधिक असते. ज्यामुळे रक्तातील शर्करेची पातळी असंतुलित होण्याची शक्यता असते. तसंच खाद्यपदार्थांची चव वाढवण्यासाठी वापरले जाणारे मध आणि मॅपल सीरप देखील मधुमेहींच्या आरोग्यासाठी अजिबात चांगले नसते, ही बाब लक्षात ठेवावी.

(डोळ्यांचे आरोग्य ते रक्तदाब नियंत्रणात ठेवण्यापर्यंत, जाणून घ्या पालकच्या सेवनामुळे मिळणारे लाभ)

​पाकिटबंद खाद्यपदार्थ

बटाट्याचे पाकिटबंद वेफर्स किंवा अन्य कोणतेही पाकिटबंद खाद्यपदार्थांमध्ये कार्बोहायड्रेट्स आणि मिठाचे प्रमाण अधिक असते. यामुळे रक्तातील शर्करेचे प्रमाण वाढण्याची शक्यता असते. केवळ मधुमेहींनीच नव्हे तर निरोगी व्यक्तींनीही पाकिटबंद खाद्यपदार्थांचे सेवन करणं टाळावं. अशा प्रकारचे प्रक्रिया केलेले खाद्यपदार्थ आरोग्यासाठी हानिकारक असतात.

(हिवाळ्यात आरोग्य निरोगी राहण्यासाठी कशा पद्धतीने घ्यावी स्वतःची काळजी, जाणून घ्या माहिती)

​सुकामेवा

सण-समारंभाच्या दिवसात सुकामेवा भेट स्वरुपातही दिला जातो. या गिफ्ट बॉक्समधील काजू, बदाम इत्यादी गोष्टींवर प्रक्रिया देखील केलेली असते. उदाहरणार्थ खारे काजू, गोड काजू इत्यादी. प्रक्रिया केलेल्या सुकामेव्यामध्ये साखरेचं प्रमाण अधिक असते. जे आपल्या आरोग्यासाठी पोषक नसते. प्रक्रिया न केलेल्या सुकामेव्याचेच सेवन करावे. तसंच कोणत्याही खाद्यपदार्थांचे मर्यादित स्वरुपात करणं आरोग्यासाठी फायदेशीर असते. तेव्हा शरीराला पोषण तत्त्वांचा पुरवठा होण्यास मदत मिळते.

(निक्की तांबोळीच्या फिटनेसचे सीक्रेट आहेत ‘हे’ वर्कआउट, पाहा एक्सरसाइजचे व्हिडीओ)

मधुमेहाच्या रुग्णांनी डॉक्टरांच्या सल्ल्यानुसारच आहारात सुकामेवा आणि फळांचा समावेश करावा.

​मिठाई

सण- समारंभांचे सेलिब्रेशन गोड पदार्थांविना पूर्ण होणे अशक्यच. घरामध्ये खास मेजवानी आखणं शक्य नसल्यास कित्येक जण दुकानातून मिठाई आणतात. आनंदाच्या क्षणी मिठाई खाण्याचा मोह आवरणं खरंतर कठीणच. पण मधुमेहांच्या रुग्णांनी आरोग्याच्या समस्या उद्भवू नये, यासाठी खबरदारी म्हणून मिठाई खाणे टाळणं गरजेचं आहे. याऐवजी आपण एखाद्या पौष्टिक पदार्थांचा आस्वाद घेऊन आनंद साजरा करू शकता.

(सब्जाचे सेवन करण्याची योग्य वेळ आणि पद्धत, जाणून घ्या सविस्तर माहिती)

NOTE मधुमेहाच्या रुग्णांनी आपल्या आहारात कोणत्या गोष्टीचा किती प्रमाणात समावेश करावा, याबाबत डॉक्टरांचा सल्ला घेणे आवश्यक आहे.

(इंटरव्ह्यू आणि परीक्षेला जाण्यापूर्वी तुम्हालाही ‘हा’ त्रास होतो का? जाणून घ्या कारण)


Source link

You may also like...

Leave a Reply

Your email address will not be published. Required fields are marked *