Health Care Tips ‘या’ सात पदार्थांचे सेवन केल्यानंतर पाणी पिण्याची चूक करू नका, अन्यथा…

Spread the love

शरीराच्या सर्व प्रक्रिया सुरळीत सुरू राहण्यासाठी, नियमित पुरेशा प्रमाणात पाणी पिणे निरोगी आरोग्यासाठी अतिशय आवश्यक आहे. यासाठी दिवसभरात सहा ते १० ग्लास पाणी प्यावे. शरीरात पाण्याची कमतरता निर्माण झाल्यास शारीरिक समस्या उद्भवतात. योग्य प्रमाणात पाणी प्यायल्याने शरीरातील विषारी घटक सहजरित्या बाहेर फेकले जातात. यामुळे त्वचा तजेलदार आणि चमकदार होते. तसंच शरीराच्या अन्य क्रिया देखील सुरळीत सुरू राहतात.

दरम्यान, कोणी किती प्रमाणात पाणी प्यावे, हे प्रत्येकाच्या शारीरिक गरजांवर अवलंबून असते. याबाबतचा सल्ला आपण आहारतज्ज्ञांकडून घेणे योग्य ठरेल. पण काही फळांचे तसंच पदार्थांचे सेवन केल्यानंतर लगेचच पाणी पिणे टाळावं. कारण यामुळे पोटदुखी किंवा अन्य त्रास होऊ शकतात. जाणून घेऊया सविस्तर माहिती…

​भाजलेले चणे खाल्ल्यानंतर

  • भाजलेले चणे खाल्ल्यानंतर किंवा चाट चणे खाल्ल्यानंतर पाणी पिणे टाळावे. अन्यथा पोटदुखीची समस्या निर्माण होऊ शकते.
  • कारण खाल्लेले चणे पचवण्यासाठी आपल्या शरीराला तीव्र स्वरुपातील पाचकाग्नी किंवा जठराग्नीची आवश्यकता असते.
  • पाणी प्यायल्याने जठराग्नी शांत होते.
  • पोटात चण्यांचे पचन योग्यरित्या न झाल्यास पचनसंस्थेचं कार्य बिघडते. यामुळे पोट दुखू लागते.

(Health Care Tips किती मिनिटे करावा मॉर्निंग वॉक? नियमित व्यायाम केल्यास आरोग्याला मिळतील हे लाभ)

​पेरू

मीठ-मसाला लावून पेरू खाण्याची मजा वेगळीच असते. मीठ लावून पेरू खाल्ल्यानंतर काही जणांना पाणी पिण्याची इच्छा होते किंवा तहान लागते. पण पेरू खाल्ल्यानंतर पाणी पिणे टाळावे. अन्यथा पोटामध्ये गॅस होऊ शकतो किंवा तीव्र स्वरुपात पोटदुखी होऊ शकते. पेरूतील बियांमुळे ही समस्या निर्माण होते. पाणी प्यायल्यानंतर पेरूच्या बियांच्या पचनप्रक्रियेमध्ये अडथळे येतात. यामुळे पोटदुखी तसंच गॅसेसचा सामना करावा लागतो.

(हृदय विकार दूर ठेवण्यासाठी नियमित खा दोन अक्रोड, जाणून घ्या अन्य आरोग्यदायी लाभ)

​आइस्क्रीम

आइस्क्रीम खाल्ल्यानंतर पाणी पिण्याची इच्छा होते. पण पाणी पिऊ नये. अन्यथा घसा खवखवण्याचा त्रास उद्भवू शकतो तसंच दातांच्या समस्याही निर्माण होऊ शकतात. हे नुकसान टाळण्यासाठी आइस्क्रीम खाल्ल्यानंतर कमीत कमी १० मिनिटांनंतर पाणी प्यावे.

(‘रश्मी रॉकेट’मध्ये तापसी पन्नू साकारणार अ‍ॅथलीटची भूमिका, जाणून घ्या न्युट्रिशनिस्टने कसं तयार केलंय डाएट प्लान)

​चहा किंवा कॉफी

चहा किंवा कॉफी प्यायल्यानंतर चुकूनही पाणी पिऊ नये. कमीत कमी २० ते २५ मिनिटानंतर तुम्ही पाणी पिऊ शकता. चहा-कॉफीनंतर पाणी प्यायल्यास पचनप्रक्रिया मंदावते. यामुळे पोट जड झाल्यासारखे वाटते.

(मासिक पाळीच्या वेदनांमधून सुटका मिळवण्यासाठी जाणून घ्या आयुर्वेदिक पद्धत)

​फळे खाल्ल्यानंतर लगेचच पाणी पिऊ नका

  • केळी, चिकू, पेर, सफरचंद, अननस, डाळिंब इत्यादी कोणतीही फळे खाल्ल्यानंतर लगेचच पाणी पिऊ नये. बहुतांश फळांमध्ये नैसर्गिक शर्करा किंवा सायट्रिक अ‍ॅसिड असते.
  • गोड फळे खाल्ल्यानंतर पाणी प्यायल्यास अपचन, खोकला होणे किंवा रक्तातील शर्करा वाढण्याची समस्या निर्माण होऊ शकते.
  • आंबट फळे खाल्ल्यानंतर पाणी प्यायल्यास घसा दुखणे, घसा खवखवणे इत्यादी समस्या निर्माण होऊ शकतात. यामध्ये काही फळे अपवाद असू शकतात. याबाबत अधिक माहिती जाणून घेण्यासाठी आपण आहारतज्ज्ञांशी संपर्क साधावा.

​शेंगदाणे

शेंगदाणे खाल्ल्यानंतर शरीरामध्ये उष्णता वाढते. शेंगदाणे खाल्ल्यानंतर पाणी प्यायल्यास खोकला होऊ शकतो. ही समस्या टाळण्यासाठी शेंगदाणे खाल्ल्यानंतर कमीत कमी २० मिनिटांनंतर पाणी प्यावे.

(काढ्याचं अतिसेवन करताय? मग जाणून घ्या डॉक्टरांनी दिलेली ही माहिती)

​मिठाई आणि डोनट्स

  • कोणतीही मिठाई किंवा साखर-मैदायुक्त खाद्यपदार्थांचे सेवन केल्यानंतर लगेचच पाणी पिऊ नये. कारण पाण्यामुळे शरीरामध्ये शर्करेची मात्रा शोषण्याची तीव्रता अधिक वाढते.
  • अमेरिकेतील शास्त्रज्ञांच्या माहितीनुसार, एक डोनट खाल्ल्यानंतर पाणी प्यायल्यास शरीरात शर्करचे प्रमाण प्रचंड वाढते.
  • पाणी आणि शर्करेतील घटक एकत्र मिक्स झाल्याने शरीरात ही प्रक्रिया होते. परिणामी रक्तातील शर्करा जलद गतीने वाढते. यामुळे पचनसंस्थेवर दुष्परिणाम होतात. तसंच टाइप २ मधुमेह होण्याचा धोका देखील वाढतो.
  • यामुळेच मिठाई किंवा गोड पदार्थ खाल्ल्यानंतर लगेचच पाणी पिणे टाळावे.

​हे देखील लक्षात ठेवा

जेवण जेवल्यानंतरही लगेचच पाणी पिणे टाळावे. कारण यामुळे अन्नपदार्थांच्या पचनप्रक्रियेमध्ये अडथळे निर्माण होतात. यामुळे अपचन, गॅस, पोटदुखी यासारख्या समस्या निर्माण होऊ शकतात. पोट फुगल्यासारखे किंवा जड झाल्यासारखंही वाटते.

(थंडीमध्ये अश्वगंधाचा चहा पिण्याचे हे आहेत मोठे फायदे, जाणून घ्या सेवनाची योग्य पद्धत)

NOTE आपल्या आहारामध्ये कोणतेही बदल करण्यापूर्वी ओळखीच्या डॉक्टरांचा तसंच आहारतज्ज्ञांचा सल्ला घ्यायला विसरू नका.


Source link

You may also like...

Leave a Reply

Your email address will not be published. Required fields are marked *