Health Tips मीठ जास्त खाल्ल्याने वजनावर परिणाम होतो का? दिवसभरात किती प्रमाणात करावे मिठाचे सेवन

Spread the love

स्वयंपाकाची चव वाढवण्यासाठी गरम मसाले तसंच अन्य सामग्रींसह मीठ देखील महत्त्वाचे असते. मीठ नसेल तर जेवण बेचव लागते, हे आपणा सर्वांनाच माहिती आहे. आरोग्यासाठी मिठाचे सेवन करणं आवश्यक देखील आहे. पण काही जणांना अति प्रमाणात मिठाचे सेवन करण्याची सवय असते. ही सवय आरोग्यासाठी हानिकारक ठरू शकते. मिठामध्ये आढळणार्‍या घटकांपैकी सोडियम हा एक मुख्य घटक आहे, हे तुम्हाला माहीत असेलच.

आपण प्रत्येक दिवशी सोडियमचे सेवन करतो. पण जास्त प्रमाणात सेवन केल्यास सोडियम रक्तातील इलेक्ट्रोलाइटचे प्रमाण कमी करते आणि यामुळे आपल्याला तहान जास्त तहान लागते. किडनी आपल्या शरीरात पाण्याचा साठा करते आणि इलेक्ट्रोलाइटचे प्रमाण संतुलित ठेवण्याचे कार्य करते. पण कधी- कधी यामुळे रक्तातील पाण्याचे प्रमाण सुद्धा वाढू शकते. ज्यामुळे शरीराच्या पेशींना सूज येते आणि यामुळे एडिमा नावाच्या आजाराची लागण होण्याची शक्यता असते.
(Heart Disease Risk आहारामध्ये या पदार्थाचे अतिरिक्त सेवन करू नये, कारण…)

​सोडियममुळे वजन कसे वाढते?

फास्ट फूड, जंक फूड आणि पाकिटबंद पदार्थांमध्ये अधिक प्रमाणात मीठ असते. अशा पदार्थांचे सेवन केल्यास वजन वाढणे अतिशय स्वाभाविक आहे. या खाद्यपदार्थांमध्ये आहारातील चरबीसह कॅलरीचे प्रमाण देखील जास्त असते. वजन नियंत्रणात ठेवण्यासाठी फळ, प्रोटीन, अख्खे कडधान्य आणि कमी प्रमाण असलेले चरबीयुक्त डेअरी उत्पादनांचा आहारात समावेश करावा. कारण यामध्ये सोडियमची मात्रा कमी असते.

(Honey Health Benefits मधाचे सेवन करण्याचे सात आरोग्यदायी फायदे)

​एका दिवसात सोडियमचे किती प्रमाणात सेवन करावे?

अधिक प्रमाणात सोडियमचे सेवन केल्यास वजन वाढणे आणि शरीरामध्ये पाण्याची पातळी असंतुलित होण्याची समस्या निर्माण होते. एका दिवसात 2300 मिलीग्रॅमपेक्षा कमी प्रमाणात सोडियमचे सेवन केले पाहिजे. काही जणांना सोडियममुळे अधिक प्रमाणात त्रास होतो. अशा लोकांनी प्रत्येक दिवशी 1500 मिलीग्रॅमपेक्षा कमी प्रमाणात सोडियमचा आपल्या आहारात समावेश करावा. सोडियममुळे शरीरात पाण्याची पातळी असंतुलित होणे, वजन वाढण्याव्यतिरिक्त उच्च रक्तदाबाचीही समस्या निर्माण होऊ शकते.

(Evening Exercise And Yoga संध्याकाळी योगासने किंवा व्यायाम करण्याचे फायदे)

​शरीराला सोडियमची आवश्यकता का असते?

सोडियम हे एक इलेक्ट्रोलाइट आहे. शरीराच्या पेशी याद्वारे ऊर्जा वाहून नेण्याचे कार्य करतात. शरीराच्या स्नायू पेशी आणि हृदयाचे कार्य सोडियमवर अवलंबून असते. पण अधिक प्रमाणात सोडियमचे सेवन केल्यास शरीरात पाणी जमा होऊ लागते. यामुळे शारीरिक कार्यांमध्ये अडचणी निर्माण होऊ लागतात. शरीराच्या गरजेनुसारच आहारामध्ये एखाद्या गोष्टीचा समावेश करावा. अति प्रमाण झाल्यास आरोग्यास अपाय होण्याची शक्यता असते.

(Health Care Tips शरीरामध्ये ही ५ लक्षणे आढळल्यास करून घ्या मधुमेहाची तपासणी)

​सोडियमचे सेवन कमी कसे करावे?

आपल्या जीवनशैली आणि डाएटमध्ये बदल करून सोडियमचे सेवन कमी प्रमाणात केले जाऊ शकते. पाकिटबंद खाद्यपदार्थ आणि जंक फूडचे सेवन कमी करावे. यामध्ये कॅलरी, चरबी आणि सोडियमचे प्रमाण अधिक असते. आहारामध्ये नेहमी नैसर्गिक पदार्थ उदाहरणार्थ फळे, भाज्या, प्रोटीन, कडधान्य अशा पौष्टिक खाद्यपदार्थांचा समावेश करावा.

(Tips For Better Sleep शांत झोप हवी असेल तर हे एक काम नक्की करून पाहा)

​नियमित व्यायाम, योगासने करा

शरीरामध्ये जमा झालेले अतिरिक्त सोडिमय बाहेर फेकले जाण्यासाठी पुरेशा प्रमाणात पाणी पिणे आवश्यक आहे. सोडियमची मात्रा तपासून पाहिल्यानंतर एखाद्या पदार्थाचे सेवन करावे. अतिरिक्त प्रमाणात सोडियमचे सेवन केल्यास उच्च रक्तदाबासह वजन वाढण्याचीही समस्या निर्माण होते. आरोग्यास होणारे हे नुकसान टाळण्यासाठी नियमित मर्यादित प्रमाणात सोडियमचे सेवन करावे.

(बद्धकोष्ठता किंवा अतिसारामुळे आहात त्रस्त? दोन्ही समस्यांपासून या ड्रायफ्रुटमुळे मिळेल आराम)

Note आरोग्याशी संबंधित कोणत्याही समस्या उद्भवल्यास सर्वप्रथम आपल्या ओळखीच्या डॉक्टरांचा सल्ला घ्यावा. त्यानुसारच आपल्या आहारामध्ये बदल करावेत.


Source link

You may also like...

Leave a Reply

Your email address will not be published. Required fields are marked *