Health Tips सकाळी उठल्यानंतर प्या लसूणचे पाणी, महिन्याभरात बेली फॅट होईल कमी

Spread the love

वजन घटवण्यासाठी लसूणमुळे कशी मदत मिळते?

लसूणमध्ये फायबर, कॅल्शिअम, व्हिटॅमिन बी ६, व्हिटॅमिन सी आणि मॅगनीझ भरपूर प्रमाणात असते. हे सर्व घटक वजन कमी करण्यासाठी पोषक आहेत. आरोग्य निरोगी राहण्यासाठी नियमित लसूणचे सेवन करावे. योग्य प्रमाणात आणि योग्य पद्धतीने लसूणचे सेवन केल्यास वजन कमी होण्यास नक्कीच मदत मिळेल. शरीरातील अतिरिक्त चरबी कमी करण्यास पोषक असलेले घटक लसूणमध्ये आहेत.

(वजन घटवण्यासाठी प्रयत्न करताय? मग या प्रोटीनयुक्त पदार्थांचा डाएटमध्ये करा समावेश)

शरीर डिटॉक्स करण्यासाठी

शरीरारातील विषारी तसंच हानिकारक पदार्थ सहजरित्या बाहेर फेकले जाण्यासाठी लसूणमधील औषधी गुणधर्मामुळे मदत मिळते. सोबतच पचन प्रक्रिया देखील सुरळीत सुरू राहते. पचन प्रक्रिया योग्य पद्धतीने सुरू असेल तर पोटाशी संबंधित समस्या कमी होण्यास मदत मिळेल. तसंच आपले वजन देखील नियंत्रणात राहते. लसूण खाल्ल्यानंतर पोट भरल्यासारखे वाटते त्यामुळे तुम्हाला वारंवार भूक लागण्याची समस्या उद्भवत नाही.

(Poha And Nutritions नाश्त्यामध्ये कांदे पोहे खाल्ल्यास मिळतील हे ६ फायदे)

चयापचयाची क्षमता

लसूणमधील अँटी-ओबेसिटी (Anti obesity) गुणधर्म वजन कमी करण्यासाठी पोषक आहेत. नियमित सकाळी पाण्यासोबत लसूण खाल्ल्यास पचनाशी संबंधित समस्या देखील कमी होण्यास मदत मिळेल. यातील औषधी गुणधर्मामुळे चयापचयाची क्षमता सुद्धा वाढते. यामुळे आपल्या शरीराची ऊर्जा वाढण्यास मदत मिळते. शरीरातील अतिरिक्त कॅलरी आणि वजन कमी करण्यासाठी लसूणचे पाणी पिणे हा रामबाण उपाय आहे.

(नाश्त्यामध्ये काय खाताय? हे ५ तेलकट फास्ट फूड आरोग्यास हानिकारक)

​पोटावरील चरबी घटवण्यासाठी लसूणचे पाणी उपयुक्त

नियमित स्वरुपात रिकाम्या पोटी लसूणचे पाणी प्यायल्यास वजन लवकर कमी होण्यास मदत मिळू शकते. हे पाणी लिंबू पाण्याच्या तुलनेतही अधिक लाभदायक आहे, असे म्हटलं जातं. ग्लासभर पाण्यामध्ये दोन ते तीन कच्च्या लसणाच्या पाकळ्या टाका. लसूण रात्रभर पाण्यात भिजत ठेवा. सकाळी उठल्यानंतर या पाण्याचे सेवन करावे. तीन ते चार आठवड्यांतच तुम्हाला आपल्या शरीरामध्ये बदल दिसून येतील.

(नियमित या वेळेस हळदीचं पाणी प्या, मिळतील भरपूर आरोग्यदायी लाभ)

​लसूण आणि मध

मधामध्ये लसूणच्या काही पाकळ्या मिक्स करा. तासाभरानंतर याचे सेवन करावे. या उपायामुळेही वजन घटण्यास मदत मिळते.

लसूण आणि लिंबू पाणी : ग्लासभर कोमट पाण्यामध्ये लिंबूचा रस आणि किसलेले लसूण मिक्स करा. रिकाम्या पोटी या मिश्रणाचे सेवन करा. कमी वेळामध्ये पोटावरील चरबी कमी करण्यासाठी हा रामबाण उपाय आहे.

वजन कमी करण्यासाठी लसूणचे पाणी पिणे हा एक सोपा आणि कमी खर्चिक उपाय आहे. लसूणमधील पोषक घटकांमुळे शरीरातील अतिरिक्त चरबी घटण्यास मदत मिळते.

(गॅसच्या समस्येमुळे त्रस्त आहात? आरोग्यासाठी या ६ गोष्टी खाणं बंद करणं गरजेचं)

Note : वजन कमी करण्यासाठी आहारामध्ये कोणत्या प्रकारे बदल करावे किंवा करू नये, याबाबत आपल्या डॉक्टरांचा सल्ला घ्या. आरोग्यास कोणतेही अपाय होऊ नये यासाठी तज्ज्ञांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *