Healthy Hair Oil: जाड केसांसाठी तयार करा हे घरगुती आयुर्वेदिक तेल, जाणून घ्या पद्धत

Spread the love

​आयुर्वेदिक तेलासाठी सामग्री

  • एक लिटर मोहरीचे तेल
  • मूठभर मेथीचे दाणे

तेल तयार करण्याची पद्धत

  • एका पॅनमध्ये मोहरीचे तेल गरम करत ठेवा. तेल गरम झाल्यानंतर त्यात मेथीचे दाणे टाका.
  • गॅसच्या मध्यम आचेवर तेल गरम होऊ द्यावे.
  • मेथीच्या दाण्यांचा रंग काळा झाल्यानंतर गॅस बंद करा.
  • तेल थंड होण्यास ठेऊन द्या. यानंतर तेल गाळून एका बाटलीमध्ये भरून ठेवा.
  • घरगुती आयुर्वेदिक तेल तयार आहे.

(कुरळ्या केसांची कशी करावी देखभाल? कसं तयार करायचं ‘हे’ हेअर पॅक)

​केसांवर तेल कसे लावावे?

केसांचा मध्यातून भांग पाडा आणि मुळांसह संपूर्ण केसांवर हे आयुर्वेदिक तेल लावा. काही मिनिटांसाठी केसांचा हलक्या हाताने मसाज करा. तज्ज्ञांच्या सल्ल्यानुसार तेल रात्री किंवा दिवसभरात कधीही लावावे. या तेलामुळे केसांना पोषण तत्त्वांचा पुरवठा होण्यास मदत मिळते. रात्रभर केसांमध्ये तेल लावून ठेवल्यास दुसऱ्या दिवशी सकाळी हर्बल शॅम्पूने केस स्वच्छ धुऊन घ्यावेत. आठवड्यातून तिनदा हे तेल केसांना लावा.

(Natural Hair Care या सहा चुकीच्या सवयींमुळे पुरुषांचे केस होतात पातळ, वेळीच द्या लक्ष)

​आयुर्वेदिक तेलाचे फायदे

या तेलामध्ये व्हिटॅमिन ई आणि ओमेगा 3 फॅठी अ‍ॅसिडचे भरपूर प्रमाण आहे. ज्यामुळे आपल्या टाळूच्या त्वचेला पोषण तत्त्वांचा पुरवठा होतो. फॅटी अ‍ॅसिडमुळे मोहरीचे तेल केसांसाठी नैसर्गिक स्वरुपातील कंडिशनर प्रमाणे कार्य करते. या अ‍ॅसिडमुळे केस मऊ आणि चमकदार होतात. नियमित स्वरुपात या तेलाने मसाज केल्यास केसांना योग्य प्रमाणात पोषण तत्त्वांचा पुरवठा होईल आणि केसांचे आरोग्य निरोगी देखील राहील.

(केसगळती रोखण्यासाठी व केसांच्या वाढीसाठी रामबाण आहे ‘हे’ आयुर्वेदिक तेल)

​मोहरीच्या तेलातील गुणधर्म

मोहरीच्या तेलामध्ये लोह, कॅल्शिअम आणि व्हिटॅमिन अधिक प्रमाणात असते. हे सर्व घटक केसांच्या वाढीसाठी आणि केस निरोगी राहण्यासाठी पोषक आहेत. या तेलामध्ये अँटी ऑक्सिडंट आणि अन्य पोषक तत्त्व देखील भरपूर आहेत. ज्यामुळे केसांची योग्य पद्धतीने वाढ होते. या तेलामध्ये अँटी फंगल गुणधर्म देखील आहेत. यामुळे टाळूच्या त्वचेवरील बॅक्टेरिया समूळ नष्ट होण्यास मदत मिळते. तसंच टाळूच्या त्वचेवरील रोमछिद्र देखील स्वच्छ होतात.

(Hair Care मऊ आणि चमकदार केस हवे आहेत ? जाणून घ्या कसं फॉलो करायचं ग्लास हेअर ट्रेंड)

​केसांसाठी मेथीचे फायदे

फार पूर्वीपासूनच हेअर केअर रुटीनमध्ये मेथीच्या दाण्यांचा उपयोग केला जातो. व्हिटॅमिन आणि खनिजांचा उत्तम स्त्रोत म्हणजे मेथीचे दाणे. योग्य प्रमाणात यांचा वापर केल्यास निर्जीव आणि कोरड्या केसांची समस्या दूर होण्यास मदत मिळते. या बियांमध्ये मुबलक प्रमाणात लेसिथिनची मात्रा देखील असते. यामुळे मुळांसह केस मजबूत होतात.

(काळ्याशार व घनदाट केसांसाठी वापरा मोसंबीचा रस, जाणून घ्या शॅम्पू तयार करण्याची पद्धत)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *