Heart Failure : ‘या’ कारणांमुळे होतं हार्ट फेल, दिसून येतात ही मुख्य लक्षणे!

Spread the love

हार्ट फेल झाल्याची लक्षणे व कारणे पुढीलप्रमाणे

  • हृदयाचे ठोके अचानकच वाढणे
  • गळ्यातील नसा फुगणे
  • सतत खोकला येणे
  • पोटात सूज येणे
  • श्वास घेण्यास अडथळा निर्माण होणे
  • भूक न लागणे
  • खूप जास्त थकवा येणे
  • पायाला सूज येणे
  • पल्स रेट अनियमित होणे
  • वजन अचानक वाढणे

कारणं पुढीलप्रमाणे

जर हृदयापर्यंत ऑक्सिजन पोहचवणा-या नसांध्ये (कोरोनरी आर्टरीज) कोणता अडथळा आल्यास हृदयाला योग्य प्रमाणात रक्त पुरवठा होऊ शकत नाही. त्यामुळे हृदय रक्ताला योग्य पद्धतीने पंप करु शकत नाही आणि हार्ट फेल्यॉर होतं.

(वाचा :- Navratri Fasting – आजारी लोकांनी उपावासादरम्यान करु नये ‘या’ चूका!)

उच्च रक्तदाब (high blood pressure)

-high-blood-pressure

ज्या लोकांना उच्च रक्तदाबाची समस्या असते त्या लोकांच्या हृदयास सामान्य लोकांच्या हृदयाच्या तुलनेत शरीराला रक्त पुरवठा करण्यासाठी अधिक काम करावं लागतं. ही स्थिती अधिक काळ अशीच राहिली तर या लोकांच्या हृदयाचे स्नायू जाड होतात. स्नायू जाड झाल्यामुळे त्यांची कार्यक्षमता कमी होते आणि स्नायू कमजोर पडू लागतात. या कारणामुळे ते रक्त पंप करण्याचं काम योग्य पद्धतीने करु शकत नाही. हीच स्थिती हार्ट फेल्यॉरचं कारण बनते.

(वाचा :- Navratri Fating : वजन व ओटीपोटावरील चरबी करायची आहे कमी? मग ताबडतोब करा ‘या’ टिप्स फॉलो!)

मायोकार्डिटीसची स्थिती व जन्मत: हृदयाला वॉल्व असणं

मायोकार्डिटीस त्या स्थितीला म्हणतात ज्यामध्ये व्हायरसमुळे हृदयावर सूज येते. या सूजेमुळे हृदयाला पंप करण्यास अडथळा निर्माण होतो आणि रक्त पुरवठा व्यवस्थित होऊ शकत नाही. तर ज्या लोकांच्या हृदयाला जन्मत: वॉल्व असतो त्यांच्या हृदयाच्या स्वस्थ भागांना पंप करण्यासाठी अधिक काम करावं लागतं. जर वेळीच यावर उपचार केले नाही आणि दीर्घकाळ ही समस्या अशीच राहिली तर मात्र हार्ट फेल्यॉरची समस्या निर्माण होते.

(वाचा :- Navrtari Fasting: हवाय उपवासाचा आरोग्यवर्धक पदार्थ? मग लक्ष्मी देवीच्या ‘या’ आवडत्या पदार्थासारखा उत्तम पर्याय नाही!)

एरिथिमियामुळे होतं हार्ट फेल्यॉर

हृदयाचे ठोके असामान्य असण्याच्या स्थितीला एरिथिमिया असं म्हणतात. एरिथिमियाची स्थिती जर जास्त काळासाठी तशीच राहिली तर हार्ट कमजोर होतं. यामुळे हृदय बंद पडतं आणि हार्ट फेल्यॉरची स्थिती बनते. त्यामुळे हृदयाचे ठोके कमी झाल्याचं किंवा अत्यंत वाढल्याचं जाणवलं किंवा अस्वस्थता वाटू लागली तर तातडीने डॉक्टरांची भेट घ्या. कारण ही परिस्थिती अजून गंभीर स्थितीला निमंत्रण देऊ शकते.

(वाचा :- निस्तेज डोळ्यांत हवी आहे नवी चमक? मग तुमच्या स्वयंपाकघरातच आहेत साधेसोपे रामबाण उपाय!)

हार्ट फेल्यॉरची इतर कारणं

जर शरीरात असा कोणता गंभीर आजार असेल ज्यामुळे हृदयाला आपल्या क्षमतेपेक्षा अधिक काम करावे लागते तर ती स्थिती हार्ट फेल्यॉरला कारणीभूत ठरु शकते. जसं की लिवरचा आजार, किडणी खराब होणं, थायरॉईडची समस्या, एचआयव्ही, शरीरात प्रोटीनचा थर जमा होणे ही कारणं हार्ट फेल्यॉरची इतर कारणं बनू शकतात. बहुतांश वेळा व्हायरसमुळे झालेलं संक्रमण, फुफ्फुसात रक्त जमा होणे, कोणत्यातरी अॅलर्जीमुळे किंवा कोणत्यातरी औषधांच्या साईड इफेक्ट्समुळे देखील हार्ट फेल्यॉरची स्थिती उद्भवते. तर मंडळी वर दिलेली कारणे आणि लक्षणे लक्षात येता आजपासूनच स्वत:ची काळजी घ्यायला सुरुवात करा. अशी कोणतीही लक्षणे निदर्शनास आल्यास तातडीने डॉक्टरांची भेट घ्या आणि उपचार सुरु करा.

(वाचा :- शरीरासारखीच चरबी लिवरवर वाढून देऊ शकते गंभीर आजारांना निमंत्रण, असं ठेवा आपलं लिवर निरोगी!)


Source link

You may also like...

Leave a Reply

Your email address will not be published. Required fields are marked *