Herbal Tea चहाप्रेमींनो तुम्हाला या पाच हर्बल टी माहीत आहेत का?

Spread the love

​कॅमोमाइल टी

पचन संस्था सुरळीत सुरू ठेवण्यासाठी कॅमोमाइल चहा अधिक प्रभावी असल्याचे म्हटलं जाते. या चहामधील गुणधर्म आपल्या आतड्यांमध्ये हानिकारक बॅक्टेरियांचा प्रादुर्भाव वाढण्यास प्रतिबंधित करते आणि आरोग्यासाठी उपयुक्त असणारे बॅक्टेरिया निरोगी ठेवण्यास मदत करतात. अतिसाराचा त्रास उद्भवल्यास तुम्ही कॅमोमाइल टी चे सेवन करू शकता. यातील औषधी गुणधर्मामुळे तुम्हाला पोटदुखीपासून आराम मिळेल. तज्ज्ञांच्या सल्ल्यानुसार तुम्ही दिवसभरातून दोनदा कॅमोमाइल टी पिऊ शकता.

(Yoga Benefits कमरेच्या स्नायूंसाठी करा हे आसन, जाणून घ्या योग्य पद्धत)

​आल्याचा चहा

उन्हाळा, पावसाळा किंवा हिवाळा असो… बहुतांश घरांमध्ये वर्षाचे १२ महिने आल्याचा चहा प्यायला जातो. जर तुम्हाला आल्याचा चहा आवडत नसेल तर तुम्ही चहामध्ये सुंठाचा वापर करू शकता. तज्ज्ञांच्या माहितीनुसार आल्यातील पोषक घटकामुळे श्वसन यंत्रणा निरोगी राहण्यास मदत मिळते. तसंच आपल्या फुफ्फुसांचही कार्य सुरळीत सुरू राहते. घसादुखी किंवा घशामध्ये खवखव होत असल्यास आजी किंवा आई आपल्याला आल्याचा चहा पिण्याचा सल्ला देता.

(Health Care Tips पोट बिघडल्यानंतर खिचडी खाण्याचा सल्ला का दिला जातो?)

​काळा चहा पिण्याचे फायदे

दुधाशिवाय तयार केला जाणारा चहा म्हणजे काळा चहा किंवा ब्लॅक टी. हा चहा तयार करण्यासाठी केवळ गरम पाणी आणि टी – बॅग एवढीच सामग्री आवश्यक आहे. तुमच्या घरामध्ये टी बॅग नसल्यास कपभर पाण्यामध्ये चहा पावडर उकळून घ्या आणि ब्लॅक टी तयार करा. ब्लॅक टीमुळे पचन प्रक्रिया सुरळीत सुरू राहण्यास मदत मिळते. शिवाय डोकेदुखी आणि सर्दी- खोकल्यासारख्या समस्याही कमी होऊ शकतात. ब्लॅक-टी तयार करताना पाण्यामध्ये एक लवंग आणि एक काळी मिरीचाही समावेश करू शकता. आरोग्यासाठी हे घटक पोषक असतात.

(Health Care Tips इवल्याशा पारिजात फुलाचे मोठे फायदे माहिती आहेत का?)

पुदिन्याचा चहा

एक कप पुदिन्याचा चहा तयार करण्यासाठी पुदिन्याची चार ते पाच पाने पाण्यामध्ये उकळत ठेवा. गॅसच्या मध्यम आचेवर पाणी उकळत ठेवावे. पाणी उकळल्यानंतर गॅस बंद करा. एका कपामध्ये पाणी गाळून घ्या. तुम्हाला हवे असल्यास यामध्ये मधाचा समावेश करू शकता. तसंच तुमच्या आवडीनुसार चहा गरम किंवा थंड स्वरुपातही प्यायला जाऊ शकतो. पुदिन्यामुळे आपल्याला आरोग्यवर्धक आणि सौंदर्यवर्धकही लाभ मिळतात.

(Health Care Tips दर आठवड्याला किती वेळ सायकलिंग करावे?)

​दालचिनीचा चहा

आहारामध्ये दालचिनीचा उपयोग अतिशय मर्यादित प्रमाणात करावा. चहा तयार करताना दालचिनीचा अर्धा इंचाहूनही छोटा तुकडा कुटून पाण्यामध्ये उकळा. जर तुम्ही दालचिनीच्या पावडरचा उपयोग करत आहात तर केवळ दोन चिमूट पावडर वापरावी. त्यापेक्षा अधिक प्रमाण घेणे टाळावे. सोबतच थोडीशी चहा पावडर, एक हिरवी वेलची आणि तुळशीची दोन ते तीन पाने पाण्यात मिक्स करून चहा तयार करावा. चवीनुसार यामध्ये साखर किंवा गूळ घालावा. दिवसभरात एकदाच या चहाचे सेवन करावे, सकाळच्या सुमारास हा चहा प्यायल्यास उत्तम.

(Amla Health Benefits आरोग्यासाठी कसे आणि का करावे आवळ्याचे सेवन?)

NOTE या हर्बल चहाचे सेवन करण्यापूर्वी आपल्या ओळखीचे आहारतज्ज्ञ किंवा डॉक्टरांचा सल्ला घ्यावा. आरोग्यासाठी तज्ज्ञांचे मार्गदर्शन घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *