Home Remedies अंडरआर्मच्या त्वचेची योग्य काळजी घेता का? आंघोळ करण्यापूर्वी नियमित करा या गोष्ट

Spread the love

बदलत्या जीवनशैलीनुसार महिलांच्या वेशभूषेतही भरपूर बदल झाल्याचे पाहायला मिळत आहेत. या मॉर्डन युगामध्ये कित्येक महिला स्लीव्हलेस आणि शॉर्ट ड्रेस इत्यादी प्रकारचे स्टायलिश आउटफिट परिधान करणं पसंत करतात. एवढंच नव्हे तर त्या आपल्या लुकमध्ये सतत नवनवीन प्रयोग देखील करत असतात. पण व्यक्तिमत्त्व आकर्षक दिसण्यासाठी कपड्यांप्रमाणेच त्वचा आणि केसांची काळजी घेणे देखील तितकेच महत्त्वाचे आहे. अशातच काही जणी अंडरआर्म्सची त्वचा काळवंडल्याने स्लीव्हलेस आउटफिट घालणे टाळतात. पण यासाठी तुम्ही नैसर्गिक उपचारांची मदत घेऊ शकता.

अंडरआर्म काळवंडण्यामागील कारणे

हल्ली महिला अंडरआर्म्सचे केस काढळण्यासाठी रेझर, हेअर रिमूव्हल क्रीम आणि कित्येक प्रकारच्या केमिकलयुक्त ब्युटी प्रोडक्टचा वापर करतात. याव्यतिरिक्त डिओडरेंट तसंच परफ्युमच्या अधिक वापरामुळेही अंडरआर्म्सच्या त्वचेचे नुकसान होते. यामुळे अंडरआर्म्समध्ये मृत त्वचा जमा होऊ लागते. परिणामी अंडरआर्म काळे पडू लागतात. पण चिंता करू नका, जर यावर तुम्ही वेळीच योग्य ते उपचार केले तर अंडरआर्मची त्वचा नक्की उजळण्यास मदत मिळू शकेल. यासाठी घरगुती नैसर्गिक उपचारांची मदत घ्या. चला तर जाणून घेऊया सविस्तर माहिती .

​अ‍ॅपल सायडर व्हिनेगर

यामध्ये अमिनो अ‍ॅसिड आणि लॅक्टिक अ‍ॅसिडचे प्रमाण जास्त असते. हे घटक मृत त्वचेची समस्या कमी करण्यास मदत करतात. यातील पोषण तत्त्व आपल्या त्वचेवरील रोमछिद्रे बंद करतात आणि काळ्या अंडरआर्म्सचा रंग हलका करण्याचे कार्य करतात. यासाठी अ‍ॅपल सायडर व्हिनेगर आणि पाणी एकत्र मिक्स करा. हे मिश्रण कापसाच्या मदतीने अंडरआर्म्सवर लावा आणि सुकू द्या. हे मिश्रण सुकल्यानंतर त्वचा स्वच्छ धुऊन घ्या. हा उपाय नियमित करावा. अंडरआर्म्सची त्वचा अतिशय नाजूक असल्याने थेट अ‍ॅपल सायडर व्हिनेगर लावण्याची चूक करू नका.

(Hair Care घरच्या घरी तयार करा लसूण हेअर पॅक, जाणून घ्या फायदे)

​कोरफड जेल

कोरफड जेल तुमच्या अंडरआर्मची त्वचा मऊ आणि हायड्रेट ठेवण्याचे कार्य करते. सोबतच यातील औषधी गुणधर्म त्वचेचा काळपटपणा देखील दूर करण्यास मदत करतील. बाजारातील कोरफड जेलऐवजी नैसर्गिक जेल वापरावे. कोरफडमधील गर काढून त्याची पेस्ट तयार करून घ्या. ही पेस्ट आपल्या अंडरआर्म्सवर लावा आणि १५ मिनिटांनंतर त्वचा थंड पाण्याने स्वच्छ धुऊन घ्या. हा उपाय नियमित केल्यास सकारात्मक परिणाम अनुभवायला मिळतील.

(Home Remedies For Skin या पाच घरगुती सामग्रींपासून तुम्ही तयार करू शकता फेस पॅक)

​काकडी

काकडीच्या वापरामुळे आपल्या त्वचेला थंडावा मिळतो. यामध्ये नैसर्गिक स्वरुपात ब्लीचिंग एजेंट असतात. हे घटक अंडरआर्म्सचा काळपटपणा कमी करण्यास मदत करतात. मिक्सरच्या भांड्यामध्ये काकडी वाटून घ्या आणि त्याचा रस काढा. कापसाच्या मदतीने काकडीचा रस अंडरआर्म्सवर लावा. नियमित हा उपाय केल्यास अंडरआर्म्सचा काळपटपणा कमी होण्यास मदत मिळेल. एवढंच नव्हे तर अंडरआर्म्समधून दुर्गंध येण्याची समस्याही दूर होईल.

(Steaming Benefits चेहऱ्यावर गरम पाण्याची वाफ घेणे योग्य आहे का? जाणून घ्या योग्य पद्धत)

​साखर आणि ऑलिव्ह ऑइल

साखर आणि ऑलिव्ह ऑइल हे मिश्रण मृत त्वचा काढण्यासाठी रामबाण उपाय आहे. यामुळे त्वचेचा रंग देखील उजळण्यास मदत मिळते. साखर नैसर्गिक स्वरुपातील एक्सफोलिएटिंग एजेंट आहे आणि ऑलिव्ह ऑइल आपल्या त्वचेला हायड्रेट ठेवण्यास मदत करते. तसंच त्वचेला पोषण तत्त्वांचाही पुरवठा होतो. यासाठी एका वाटीमध्ये दोन मोठे चमचे साखर आणि ऑलिव्ह ऑइल एकत्र घ्या. हे मिश्रण स्क्रबप्रमाणे आपल्या अंडरआर्म्सवर लावा. १० मिनिटांनंतर त्वचा थंड पाण्याने स्वच्छ धुऊन घ्या.

(Natural Skin Care गुलाबाच्या पाकळ्यांपासून त्वचेसाठी कशी तयार करायची घरगुती क्रीम? जाणून घ्या पद्धत)

​बटाटा

त्वचेचा रंग उजळण्यासाठी बटाट्यातील घटक पोषक असल्याचे म्हटलं जातं. बटाट्याचे काप तुम्ही थेट अंडरआर्म्सवर रगडू शकता किंवा बटाट्याचा रसही वापरू शकता. बटाट्याचा रस काढण्यासाठी बटाटा सोलून मिक्सरच्या भांड्यामध्ये वाटून घ्या. हा रस अंडरआर्म्सवर १० ते १५ मिनिटांसाठी लावून ठेवा. यानंतर थंड पाण्याने त्वचा धुऊन घ्या. चांगल्या परिणामांसाठी हा उपाय नियमित करावा. बटाट्यातील पोषण तत्त्वांमुळे त्वचा मऊ आणि चमकदार होते.

(Natural Hair Oil केसांसाठी घरामध्ये कसे तयार करायचे कोरफडीचे तेल, जाणून घ्या फायदे)

Note प्रत्येकाच्या त्वचेच्या प्रकार वेगळा असतो. त्यामुळे त्वचेशी संबंधित कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *