Home Remedies कापूरसह नारळाच्या तेलाने करा केसांचा मसाज, कोंडा होईल कमी

Spread the love

​नारळ तेल आणि कोंडा

कोंडा कमी करण्यासाठी वेगवेगळे घरगुती आणि नैसर्गिक उपचार उपलब्ध आहेत. ज्यामध्ये नारळाचे तेल हा सर्वात जुना आणि रामबाण उपाय आहे. नारळाच्या तेलातील पोषण तत्त्वामुळे टाळूला येणारी खाज कमी होते आणि कोंडा देखील दूर होण्यास मदत मिळते. या तेलामध्ये अँटी फंगल आणि अँटी बॅक्टेरिअल गुणधर्म असतात. यामध्ये व्हिटॅमिन आणि खनिजांचा भरपूर प्रमाणात साठा आहे. या तेलामुळे आपल्या टाळूला ओलावा मिळतो. कोंडा कमी करण्यासाठी केसांना नैसर्गिक तेल लावणे सर्वात उत्तम उपाय आहे.

(Hair Colour केसांसाठी या तेलांपासून घरामध्येच तयार करा हर्बल कलर)

​कोंडा कमी करण्यासाठी नारळाचे तेल कसे कार्य करते?

केसांसाठी (Hair Care Tips In Marathi) वेगवेगळ्या प्रकारे नारळाच्या तेलाचा उपयोग केला जाऊ शकतो. हे सारे काही तुमच्या केसांच्या गरजांवर अवलंबून आहे. कोंडा कमी करण्यासाठी तुम्ही नारळ तेलाचा हेअर मास्कच्या स्वरुपातही उपयोग करू शकता. तसंच अन्य प्रकारच्या तेलामध्येही नारळ तेल मिक्स करून केसांना लावू शकता. केवळ हे उपाय करण्यापूर्वी तुम्हाला तज्ज्ञांचा सल्ला घेणे आवश्यक आहे

(Hair Oiling Tips केसांना गरजेपेक्षाही जास्त तेल लावताय? होऊ शकतात हे नुकसान)

​नारळ तेलानं केसांची करा चंपी

नारळ तेल हलक्या स्वरुपात गरम करा. हे तेल कोमट होऊ द्यावे. आता कोमट तेलाने केसांचा मसाज करा. जवळपास २० मिनिटांसाठी तेल केसांमध्ये राहू द्या. थोड्या वेळाने हर्बल शॅम्पू आणि थंड पाण्याने केस स्वच्छ धुऊन घ्या. कंडिशनर लावायला विसरू नका.

(केसगळती, कोंड्यापासून हवीय सुटका? पावसाळ्यात अशी घ्या केसांची काळजी)

​कापूरमुळे केसांना होणारे फायदे

आपल्या घरामध्ये पूजेसाठी कापूरचा वापर केला जातो. कापराच्या वडीचा नैसर्गिक उपचारांच्या स्वरुपातही वापर केला जातो. याचा योग्य प्रमाणात वापर केल्यास केसगळती आणि कोंड्याची समस्या कमी होऊ शकते. कापूर टाळूवर लावल्यास या भागातील रक्त प्रवाह वाढतो आणि खाज देखील कमी होते. यामध्ये अँटी बॅक्टेरिअल आणि अँटी फंगल गुणधर्म आहेत. ज्यामुळे केसगळती रोखण्यास मदत मिळू शकते.

(Tips For Hair Care मेहंदीच्या पानांमुळे पांढऱ्या केसांची समस्या होईल दूर, जाणून घ्या फायदे)

​नारळाच्या तेलासह कापूर लावणे किती फायदेशीर

कोंडा कमी करण्यासाठी नारळाचे तेल प्रभावी उपाय आहे. नारळाच्या तेलामध्ये कापूर मिक्स करून लावल्यास तुम्हाला कोंड्यापासून लवकरात लवकर सुटका मिळू शकते.

कसे तयार करायचे नारळाचे तेल आणि कापूरचे मिश्रण

सामग्री : कापराच्या दोन गोळ्या, अर्धा कप शुद्ध नारळ तेल

तेल तयार करण्याची पद्धत : कापूरच्या गोळ्यांची बारीक पूड करा आणि नारळाच्या तेलामध्ये मिक्स करा. यानंतर कापूर तेलामध्ये पूर्णपणे विरघळेपर्यंत तेल गरम करा.

(Hair Care केसगळती रोखण्यासाठी करा हे ७ घरगुती उपाय, जाणून घ्या पद्धत)

​केसांना तेल कसे लावायचे?

केस धुण्यापूर्वी कमीत कमी ३० मिनिटांसाठी कापूर आणि नारळाच्या तेलाने मसाज करावा. हवे असल्यास तुम्ही केसांमध्ये रात्रभर देखील तेल लावून ठेवू शकता. जास्त प्रमाणात तेल तयार करून एखाद्या बाटलीमध्ये भरून ठेवा आणि तुमच्या वेळेनुसार याचा वापर करावा.

(कोमट तेलानं मसाज केल्यास थांबेल केसगळती, जाणून घ्या योग्य पद्धत)

Note केसांसाठी कोणतेही उपाय करण्यापूर्वी तज्ज्ञांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *