Home Remedies For Skin या पाच घरगुती सामग्रींपासून तुम्ही तयार करू शकता फेस पॅक

Spread the love

घरामध्ये असतानाही कित्येक जणांना म्हणावे तशी त्वचा आणि केसांची काळजी घेण्यासाठी पुरेसा वेळ मिळत नाही. यामुळे त्वचा आणि केसांचे भरपूर नुकसान होते. हातातील काम संपत नाही म्हणून त्वचेच्या देखभालीकडे दुर्लक्ष करून चालणार नाही. अन्यथा त्वचेच्या समस्या गंभीर होण्याची भीती असते. धूळ, माती, प्रदूषणामुळे आपल्या त्वचेवर दुष्परिणाम होऊ लागतात. हे नुकसान टाळण्यासाठी तुम्ही नैसर्गिक सामग्रींची मदत घेऊ शकता. महत्त्वाचे म्हणजे यामुळे तुमचा ब्युटी पार्लरवरील खर्च देखील वाचेल आणि त्वचेला दीर्घकाळासाठी लाभही मिळतील.

वेळ मिळत नसल्याने काही जण ब्युटी पार्लरमधील केमिकलयुक्त ट्रीटमेंटची मदत घेतात. पण यामुळे तुमच्या त्वचेचं भरपूर नुकसान होत आहे, हे लक्षात घ्या. त्वचेसाठी लाभदायक असणाऱ्या अशा किती तरी गोष्टी तुम्हाला स्वयंपाकघरातच आढळतील. ज्यामुळे चेहऱ्यावर नॅचरल ग्लो येण्यास मदत मिळू शकते.
(Skin Care आंघोळ करण्यापूर्वी त्वचेवर ५ मिनिटे लावा बेसन फेस स्क्रब)

​कच्चा बटाटा

त्वचेवर नैसर्गिक चमक येण्यासाठी तुम्ही कच्च्या बटाट्याचा वापर करू शकता. किसलेला बटाटा किंवा मिक्सरच्या भांड्यामध्ये बटाटा बारीक वाटून घ्या. बटाट्याचा लेप आपल्या चेहऱ्यावर लावा. ३० मिनिटांसाठी बटाटा फेस पॅक लावून ठेवा. यानंतर थंड पाण्याने चेहरा स्वच्छ धुऊन घ्यावा. नियमित हा उपाय केल्यास तुम्हाला त्वचेवर सकारात्मक बदल दिसतील. बटाट्यातील पोषक तत्त्वांमुळे मुरुम, मुरुमांचे डाग, ब्लॅकहेड्स कमी होण्यास मदत मिळते.

(Natural skin Care तांदळाच्या पाण्याने कशी तयार करायची मॉइश्चराइझिंग क्रीम, जाणून घ्या पद्धत)

​मध आणि दालचिनी

मुरुमांच्या समस्येमुळे तुम्ही त्रस्त आहात का? तर मध आणि दालचिनी फेस पॅकचा वापर करून पाहा. तेलकट त्वचा आणि मुरुमांची समस्या कमी करण्यासाठी मध- दालचिनीचे फेस पॅक रामबाण उपाय मानला जातो. एका वाटीमध्ये एक चमचा मध आणि किंचितशी दालचिनीची पावडर एकत्र घ्या व त्याची पेस्ट तयार करा. ही पेस्ट चेहरा आणि मानेवर पाच मिनिटांसाठी लावून ठेवा. लेप सुकल्यानंतर थंड किंवा कोमट पाण्याने चेहरा धुऊन घ्या.

(Skin And Hair Care त्वचा व केसांसाठी वापरून पाहा केसरचे तेल, जाणून घ्या घरगुती तेलाची रेसिपी)

​दूध आणि मध

एक वाटीमध्ये एक चमचा मध आणि एक मोठा चमचा कच्चे दूध एकत्र घ्या. दोन्ही सामग्री चांगल्या पद्धतीने मिक्स करा. कापसाच्या मदतीने हे मिश्रण आपल्या चेहऱ्यावर लावा. २० मिनिटांनंतर चेहरा स्वच्छ धुऊन घ्या. आठवड्यातून दोनदा हा उपाय तुम्ही करू शकता. काळवंडलेल्या त्वचेची समस्या कमी करण्यासाठी दूध आणि मधाच्या फेस पॅकमुळे मदत मिळू शकते. कच्चे दूध आणि मधामुळे त्वचेला नैसर्गिक स्वरुपात भरपूर मॉइश्चराइझर मिळते.

(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​चंदन

आयुर्वेदिक उपचारांमध्ये चंदनाला भरपूर महत्त्व आहे. चंदनाच्या लेपामुळे चेहऱ्यावरील मुरुम, डोळ्यांखालील काळी वर्तुळ, डाग कमी होण्यास मदत मिळते. काळवंडलेल्या त्वचेची समस्याही दूर होते. चंदनमध्ये अँटी एजिंग गुणधर्म आहेत. बाजारामध्ये तुम्हाला चंदनाची पावडर देखील मिळेल. यापासून तुम्ही चेहऱ्यासाठी घरगुती लेप तयार करू शकता. यातील औषधी गुणधर्मामुळे त्वचेतील ओलावा टिकून राहण्यास मदत मिळते. हवे असल्यास तुम्ही कोरफड आणि चंदनाचाही लेप त्वचेसाठी वापरू शकता.

(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​हळद

हळदीचा वापर आपल्या स्वयंपाकामध्ये आवर्जून केला जातो. या औषधी वनस्पतीला आयुर्वेदिक उपचारांमध्ये भरपूर महत्त्व आहे. यामध्ये कर्क्युमिन नावाचे घटक असते. ज्यामुळे मुरुमांची समस्या कमी होण्यास मदत मिळते. तुम्ही हळद, लिंबू आणि मधाचा लेप चेहऱ्यासाठी वापरू शकता. या फेसपॅकमुळे त्वचेचा रंग उजळण्यास मदत मिळते.

(Hair Care पातळ केसांची समस्या दूर करण्यासाठी असा करा लसूण हेअर पॅकचा वापर)

Note : त्वचेसाठी कोणत्याही प्रकारचे उपाय करण्यापूर्वी आपल्या डॉक्टरांचा सल्ला घ्यावा. कारण प्रत्येकाच्या त्वचेचा प्रकार एक सारखा नसतो.

मुरुमांची समस्या कमी करण्यासाठी ट्राय करा हे फेस पॅक


Source link

You may also like...

Leave a Reply

Your email address will not be published. Required fields are marked *