Honey Health Benefits मधाचे सेवन करण्याचे सात आरोग्यदायी फायदे

Spread the love

मधामध्ये आपल्या आरोग्यासाठी पोषक असलेल्या कित्येक घटकांचा मोठ्या प्रमाणात साठा आहे. कित्येक आजारांवर उपाय म्हणून आयुर्वेदिक उपचारांमध्ये याचा वापर केला जातो. मधाच्या सेवनामुळे आपल्या आरोग्याला कित्येक प्रकारचे फायदे मिळतात. पोटातील जळजळ कमी करण्यापासून ते मेंदू शांत करण्यापर्यंत, मध आपल्या शरीरासाठी लाभदायक आहे. विशेषतः जे लोक नियमितपणे मधाचे सेवन करतात त्यांच्या आरोग्याचे बर्‍याच गंभीर आजारांपासून देखील संरक्षण होते, असे म्हटलं जाते.

मधामध्ये कॅलरी, प्रोटीन, कार्बोहायड्रेट, फायबर, खनिजे, कॅल्शिअम, लोह, मॅग्नेशिअम, पोटॅशिअम, झिंक, कॉपर, सेलेनिअम, जीवनसत्त्व इत्यादी पोषक तत्त्वांचाही समावेश असतो. मधाचा आपल्या आहारामध्ये वेगवेगळ्या स्वरुपात तुम्ही समावेश करू शकता. पण आरोग्याच्या दृष्टीकोनातून याबाबत डॉक्टरांकडून सल्ला घेणे फायद्याचे ठरेल.
(Right Time For Green Tea ग्रीन टी पिण्याची योग्य वेळ तुम्हाला माहीत आहे का?)

​मधामुळे थकवा कमी होतो

वेगवेगळ्या कारणांमुळे येणाऱ्या ताणतणावाचा आपल्या शारीरिक आरोग्यावरही भरपूर दुष्परिणाम होतात. चिंता, ताणतणावामुळे शरीर जड होणे तसंच कित्येक तास एकाच ठिकाणी बसून काम केल्याने स्नायूंची हालचाल योग्य पद्धतीने होत नाही. यामुळे आरोग्याशी संबंधित अन्य समस्या देखील उद्भवतात. या समस्या दूर करण्यासाठी मध अतिशय महत्त्वपूर्ण भूमिका निभावू शकतं. कारण मधामध्ये नैसर्गिक स्वरुपात ग्लुकोज आणि फ्रुक्टोज असते. ग्लुकोजमुळे शरीराचा थकवा दूर होण्यास मदत मिळते. तर फ्रुक्टोजची शोषण प्रक्रिया धीमी असते, यामुळे ते घटक शरीरात हळूहळू विरघळते आणि दीर्घ काळासाठी शरीराला ऊर्जा प्रदान करते.

(Heart Disease Risk आहारामध्ये या पदार्थाचे अतिरिक्त सेवन करू नये, कारण…)

​चांगली झोप येते

खासगी आयुष्य तसंच करिअरमधील ताणतणावामुळे काही जणांना रात्रीची चांगली झोप मिळत नाही. अशा लोकांनी नियमित स्वरुपात मधाचे सेवन करणं त्यांच्यासाठी लाभदायक ठरू शकते. रात्री झोपण्यापूर्वी दूध कोमट करा, त्यामध्ये मध मिक्स करा. दुधामध्ये मध मिक्स करून प्यायल्यास आरोग्यास भरपूर लाभ मिळतील. महत्त्वाचे म्हणजे मध आणि दुधाचे मिश्रण तुमचा मेंदू शांत करण्याचे कार्य करते.

(Health Care Tips शरीरामध्ये ही ५ लक्षणे आढळल्यास करून घ्या मधुमेहाची तपासणी)

​रक्तातील शर्करा नियंत्रणात राहते

मधामध्ये नैसर्गिक स्वरुपात ग्लुकोज आणि फ्रुक्टोज असतात. हे घटक रक्तातील शर्करेचे प्रमाण वाढू देत नाही. यामुळेच तुमच्या घरामध्ये एखाद्या व्यक्तीला मधुमेहाचा त्रास असल्यास किंवा ज्यांना डायबिटीज टाइप २ ची समस्या आहे, अशा लोकांनी डॉक्टरांच्या सल्ल्यानुसार योग्य प्रमाणात मधाचे सेवन करावे.

(Tips For Better Sleep शांत झोप हवी असेल तर हे एक काम नक्की करून पाहा)

​पचन प्रक्रिया सुरळीत सुरू राहते

पचन प्रक्रिया सुरळीत सुरू ठेवण्यासाठी मध भरपूर लाभदायक आहे. बद्धकोष्ठतेची समस्या असणाऱ्यांनी आहारामध्ये दिवसातून दोन वेळा मधाचा समावेश करावा. सकाळी आणि संध्याकाळी एक किंवा दोन चमचे मधाचे सेवन करावे. मधातील पोषण तत्त्वांमुळे तुमच्या शरीराची पचन प्रक्रिया सुरळीत सुरू राहण्यास मदत मिळते. शिवाय विषारी घटक देखील शरीराबाहेर सहजरित्या फेकले जातील.

(बद्धकोष्ठता किंवा अतिसारामुळे आहात त्रस्त? दोन्ही समस्यांपासून या ड्रायफ्रुटमुळे मिळेल आराम)

​दुखापत किंवा जखम भरण्यासाठी

जर तुम्हाला एखादी दुखापत झाली असल्यास आपल्या आहारामध्ये मधाचा समावेश करून पाहा. मध आपल्या शरीराच्या पेशी दुरुस्त करण्याचे काम जलदगतीने करतात. यामुळे जखम तसंच दुखापत लवकर बरी होण्यास मदत मिळते आणि मधातील पोषक घटकांमुळे तुमच्या आरोग्याला अन्य लाभ देखील मिळतात.

(गॅसच्या समस्येमुळे त्रस्त आहात? आरोग्यासाठी या ६ गोष्टी खाणं बंद करणं गरजेचं)

​मधामुळे जळजळ होते कमी

– पोटातील जळजळ किंवा त्वचेवरील दाह कमी करण्यासाठी मधाचा वापर करणं अतिशय लाभदायक ठरते. पोटातील जळजळ कमी करण्यासाठी एक किंवा दोन चमचे मध चाटून खावे. यामुळे तुम्हाला आराम मिळेल.

– त्वचेवरील दाह तसंच सनबर्नची समस्या कमी करण्यासाठी मध आणि गुलाब पाणी एकत्र करा. हे मिश्रण त्वचेवर लावा आणि काही वेळानंतर थंड पाण्याने त्वचा स्वच्छ धुऊन घ्या. या उपायामुळे त्वचेवर होणारा दाह कमी होण्यास मदत मिळेल.

(नियमित या वेळेस हळदीचं पाणी प्या, मिळतील भरपूर आरोग्यदायी लाभ)

​त्वचा उजळते

त्वचा संवेदनशील असल्यास भरपूर काळजी घ्यावी लागते. जर तुमच्या चेहऱ्यावर डाग असतील किंवा एखाद्या गोष्टीची अ‍ॅलर्जी झाली असेल तर तज्ज्ञांचा सल्ला घेऊन त्वचेसाठी मधाचा वापर करून पाहा. हवे असल्यास तुम्ही मधाचे सेवन देखील करू शकता. यामुळे त्वचा आणि आरोग्यालाही लाभ मिळतील .

NOTE आहारामध्ये कोणतेही बदल करण्यापूर्वी तज्ज्ञांचा सल्ला घेणे आवश्यक आहे.

(Poha And Nutritions नाश्त्यामध्ये कांदे पोहे खाल्ल्यास मिळतील हे ६ फायदे)


Source link

You may also like...

Leave a Reply

Your email address will not be published. Required fields are marked *