Hot Oil Hair Massage कोमट तेलानं मसाज केल्यास थांबेल केसगळती, जाणून घ्या योग्य पद्धत

Spread the love

केसांचे आरोग्य निरोगी ठेवण्यासाठी कोमट तेलानं मसाज करणं (Hair Care) अतिशय आवश्यक आहे. या ट्रीटमेंटमुळे केस चमकदार होतात, शिवाय केसांचा पोत देखील सुधारण्यास मदत मिळते. सुंदर आणि घनदाट केसांसाठी नारळाचे तेल, ऑलिव्ह ऑइल आणि जोजोबा ऑइलने मसाज करावा. केसांना तेल मसाज करणं अतिशय सोपी आणि आरामदायी प्रक्रिया आहे.

स्टायलिंग, हेअर कलर, स्ट्रेटनिंग, केमिकलयुक्त प्रोडक्टच्या वापरामुळे केसांचे भरपूर नुकसान होते. हे नुकसान टाळण्यासाठी त्वचेप्रमाणेच केसांचीही काळजी घेणे आवश्यक आहे. केसांना पोषण तत्त्वांचा पुरवठा व्हावा, यासाठी तेल मसाज हा उत्तम उपाय आहे. यामुळे केस तुटणे तसंच पांढऱ्या केसांची समस्या कमी होते. दरम्यान केवळ हिवाळ्यातच नव्हे तर अन्य ऋतूंमध्येही तेल कोमट करून केसांचा मसाज करू शकता.
(Tips For Hair Care मेहंदीच्या पानांमुळे पांढऱ्या केसांची समस्या होईल दूर, जाणून घ्या फायदे)

​कोमट तेलानं मसाज करण्यासाठी लागणारी सामग्री

नारळाचे तेल, ऑलिव्ह ऑइल, लसूणच्या पाकळ्या

एका वाटीमध्ये नारळाच्या तेलामध्ये ऑलिव्ह ऑइल, लसूणच्या पाकळ्या एकत्र घ्या आणि सर्व सामग्री गरम करा. यानंतर यात टी ट्री ऑइलचाही समावेश करावा. केसांचा मसाज करण्यासाठी तेल तयार झाले आहे. हे तेल आता कोमट होऊ द्यावे. केसांना जास्त गरम तेल लावण्याची चूक करू नका.

(Hair Care केसगळती रोखण्यासाठी करा हे ७ घरगुती उपाय, जाणून घ्या पद्धत)

​तेल मसाज करण्याची पद्धत

आपले केस आणि टाळू पाण्याने स्वच्छ धुऊन घ्या. टाळूची त्वचा स्वच्छ करून घ्यावी आणि केस नैसर्गिकरित्या सुकवणे. केस सुकल्यानंतर टाळूवर कोमट तेल लावा आणि हलक्या हाताने मसाज करावा. यानंतर गरम पाण्यामध्ये एक टॉवेल भिजवा आणि हलका पिळून घ्या. आता २० मिनिटांसाठी याच टॉवेलमध्ये केस गुंडाळून ठेवावे. थोड्या वेळाने शॅम्पूने केस स्वच्छ धुऊन घ्या. केस निरोगी ठेवण्यासाठी आठवड्यातून एकदा हॉट ऑइल ट्रीटमेंट करणं आवश्यक आहे.

(Hair Care घनदाट, लांबसडक केसांसाठी वापरा बेसन आणि दही हेअर मास्क)

​ऑइल ट्रीटमेंटचे फायदे

मॉइश्चराइझर मिळते

बदलत्या ऋतूनुसार केस कोरडे होऊन तुटण्याची समस्या वाढू लागते. वेळोवेळी तेल मसाज केल्यानंतर केसांना नैसर्गिक स्वरुपात मॉइश्चराइझर मिळते. सोबतच केसांच्या मुळांमध्येही ओलावा टिकून राहण्यास राहतो. ज्यामुळे केसगळती तसंच केसांचे तुटणे इत्यादी समस्या दूर होण्यास मदत मिळते.

(चेहरा व केसांच्या सौंदर्यासाठी संजीवनी ठरेल हे घरगुती आयुर्वेदिक तेल)

​कोंडा कमी होतो

शॅम्पूने केस धुण्यापूर्वी सर्वप्रथम कोमट तेलाने मसाज करावा. यामुळे कोंड्याची समस्या दूर होण्यास मदत मिळते. कोंड्याच्या समस्येतून सुटका मिळवण्यासाठी बदाम तेल आणि पुदिन्याचे तेल एकत्र करून केसांना लावा. पुदिन्याच्या तेलामध्ये अँटी सेप्टिक आणि अँटी इन्फ्लेमेटरी गुणधर्म असतात. हे गुणधर्म टाळूवरील अतिरिक्त तेल शोषून घेतात आणि कोंडा कमी करण्यास मदत करतात.

(Hair Oiling Tips केसांना गरजेपेक्षाही जास्त तेल लावताय? होऊ शकतात हे नुकसान)

​रक्त प्रवाह वाढतो

टाळूला हॉट ऑइल मसाज (Hair Care) केल्यानंतर केसांमधील रक्त प्रवाह वाढण्यास मदत मिळते. यामुळे केसांची चांगली वाढ होते. याव्यतिरिक्त केसांशी संबंधित अन्य समस्या देखील दूर होऊ शकतात. केसांवर नैसर्गिक चमक देखील येते. केमिकलयुक्त हेअर प्रोडक्ट वापरण्याऐवजी नैसर्गिक उपचारांची मदत घ्यावी. यामुळे दीर्घकाळासाठी फायदे मिळतात. महत्त्वाचे म्हणजे दुष्परिणाम होत नाहीत.

(Hair Colour केसांसाठी या तेलांपासून घरामध्येच तयार करा हर्बल कलर)

​केस मजबूत होतात

वेळोवेळी तेलाने मसाज केल्यानंतर केस मुळापासून मजबूत होतात. केसांना खोलवर पोषक घटकांचा पुरवठा होतो. केस तुटण्याची समस्या कमी होते. केसांना नैसर्गिक चमक मिळते. सुंदर, घनदाट, काळेशार आणि लांबसडक केसांसाठी हॉट ऑइल ट्रीटमेंट ( Hair Oil Treatment ) आवश्यक आहे.

(कोंडा दूर करण्यासाठी रामबाण उपाय, महिन्याभरात केसांमध्ये दिसतील आश्चर्यकारक बदल)

Note केसांसाठी कोणतेही उपचार करण्यापूर्वी तज्ज्ञांचा सल्ला घेणे गरजेचं आहे.


Source link

You may also like...

Leave a Reply

Your email address will not be published. Required fields are marked *