Ice Cubes For Face जाणून घ्या हळद-दुधाच्या आइस क्युबने चेहऱ्यावर मसाज करण्याची पद्धत

Spread the love

​आइस क्युबसाठी लागणारी सामग्री

हे उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

चला तर जाणून घेऊया हळदीचे आइस क्युब करण्याची पद्धत आणि फायदे.

सामग्री :

  • अर्धा कप पाणी
  • अर्धा कप दूध
  • एक चमचा मध
  • चिमूटभर हळद

(Skin Care हनुवटीवरील अनावश्यक केस काढण्यासाठी रामबाण घरगुती उपाय)

​आइस क्‍युब तयार करण्याची पद्धत

हळदीपासून आइस क्युब तयार करण्यासाठी एका वाटीमध्ये पाणी, दूध, मध आणि हळद मिक्स करा. सर्व सामग्री चांगल्या पद्धतीने एकजीव करून घ्यावी. यानंतर हे मिश्रण बर्फाच्या ट्रेमध्ये ओता आणि ट्रे फ्रीझरमध्ये ठेवा. बर्फ तयार झाल्यानंतर तुमच्या गरजेनुसार मसाजसाठी क्युब्स काढून घ्यावेत. एका कापडामध्ये आइस क्युब गुंडाळून चेहऱ्यावर मसाज करावा.

(VIDEO केसगळती रोखण्यासाठी मलायका अरोरा करते ‘हा’ नैसर्गिक उपाय, जाणून घ्या तिनं दिलेली माहिती)

​चेहऱ्यावर आइस क्‍युबने मसाज करण्याचे फायदे

चेहऱ्यावर आइस क्‍युबने मसाज केल्यास त्वचेवरील रक्तप्रवाह वाढतो. यामुळे चेहऱ्यावर नैसर्गिक चमक येण्यास मदत मिळते आणि त्वचा नितळ देखील होते. बर्फाने मसाज केल्यास रक्तवाहिन्यांचे कार्य अधिक सुरळीत होण्यास मदत मिळते. चेहऱ्याच्या भागातील रक्तप्रवाह अधिक वाढतो. एवढंच नव्हे तर चेहऱ्यावरील ओपन पोअर्सची समस्या कमी होते. रोमछिद्रांमध्ये जमा झालेली दुर्गंध सहजरित्या बाहेर काढली जाते.

(Natural Hair Care केसगळती कशी रोखावी? अभिनेत्री रवीना टंडनने सांगितला नैसर्गिक उपाय)

​हळदीचे चेहऱ्यासाठी होणारे फायदे

हळदीमध्ये अँटी बॅक्टेरिअल गुणधर्म आहेत. यातील औषधी गुणधर्म सीबमचा स्त्राव नियंत्रणात आणण्याचे कार्य करतात. एवढंच नव्हे तर चेहऱ्यावरील चमक देखील वाढते. चेहरा सतेज आणि नितळ दिसू लागतो. दोन चिमूट हळदीमध्ये कच्चे दूध मिक्स करा. हे मिश्रण चेहऱ्यावर लावल्यासही त्वचेवरील डाग, मुरुमांची समस्या कमी होण्यास मदत मिळते.

(मुरुम, काळवंडलेल्या त्वचेपासून हवीय सुटका? वापरा आयुर्वेदिक मुलतानी मातीचे फेस पॅक)

​दुधाचे सौंदर्यवर्धक लाभ

बहुतांश जणी फेस क्लींझर म्हणून दुधाचा उपयोग करतात. यामुळे आपल्या चेहऱ्याला भरपूर लाभ मिळतात. कच्च्या दुधातील पोषण तत्त्वामुळे मृत त्वचा काढण्यास मदत मिळते. याद्वारे आपल्या चेहऱ्याला उत्तम नैसर्गिक मॉइश्चराइझर देखील मिळते. चेहऱ्यासाठी नेहमी थंड दुधाचाच वापर करावा. कच्चे दूध लावल्यानंतर चेहरा १० मिनिटांनंतर थंड पाण्याने धुऊन घ्यावा.

(Natural Skin Care त्वचेची काळजी घेताय ना? या १० गोष्टी लक्षात ठेवणं आहे आवश्यक)

​मधामुळे त्वचा होते मऊ

मध लावल्याने त्वचा चमकदार आणि तरूण दिसते. यामध्ये अँटी बॅक्‍टेरिअल गुणधर्म आहेत. ज्यामुळे मुरुमांची समस्या दूर होते. कित्येक ब्युटी प्रोडक्टमध्ये मधाचा वापर आवर्जून केला जातो. कारण मध आपली त्वचा खोलवर मॉइश्चराइझ करण्याचे कार्य करते. चेहऱ्यावरील डाग देखील दूर होतात.

(Korean Skincare चेहऱ्यावर मेकअप टिकून राहण्यासाठी कोरियन तरुणी करतात ‘हा’ उपाय)

अशा पद्धतीने आपण चेहऱ्याशी संबंधित समस्या दूर करण्यासाठी घरच्या घरी आइस क्युब तयार करू शकता. योग्य पद्धतीने वापर केल्यास चेहऱ्यावरील सुरकुत्या देखील कमी होतील.

NOTE चेहऱ्याशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या चेहऱ्याचा प्रकार वेगवेगळा असतो.


Source link

You may also like...

Leave a Reply

Your email address will not be published. Required fields are marked *