Infection Free Skin : निरोगी त्वचेसाठी तयार करा घरगुती नैसर्गिक स्किन ऑईल ब्लेंड!

Spread the love

गरमी आणि घामामुळे शरीराला खाज येणं किंवा त्वचेवर रॅशेज येणं साधारण गोष्ट आहे. पण खाज आल्यावर झोपेत चुकूनही नखं लागलं तर समस्या वाढते. त्यातही सध्या पावसाळा सुरु आहे. पावसाळा हा ऋतू सर्वांनाच आवडतो पण ऋतू बदलताच आपल्याला स्किन केयर रुटीनमध्येही बदल करणं गरजेचं असतं. ओलसर आणि दमट हवामान आपल्या त्वचेचं नुकसान करू शकतं. हाय ह्युमिडीटीमुळे त्वचेला खाज सुटते आणि चेहऱ्यावर पिंपल्स देखील येतात. म्हणूनच पावसाळ्यातच काय तर कोणत्याही ऋतुमध्ये तुमच्या त्वचेचं संरक्षण करेल आणि कोणतेही साई़ड इफेक्ट्स होणार नाहीत असं नैसर्गिक ऑईल ब्लेंड घरच्या घरी तयार करण्याची पद्धत आज आम्ही आपल्याला सांगणार आहोत.

या नैसर्गिक सामग्री पासून तयार केल्या जाणा-या ऑईल ब्लेंडचा त्वचेवर वापर केल्याने तुमची स्किन केमिकलमुक्त आणि इतर त्वचेच्या इन्फेक्शन्स पासून आपला बचाव करु शकते. सुदंर, मुलायम, उजळदार त्वचा मिळावी यासाठी सर्वजण प्रयत्नशील असतात. कित्येक मुली तर यासाठी महागड्या पार्लर ट्रिटमेंट्स आणि प्रोडक्ट्सचा वापर देखील करतात. पण हे केमिकलयुक्त प्रोडक्टस काही काळाकरता सौंदर्यांत भर घालत असले तरी काही वर्षांनी यामुळे त्वचेला हानी पोहचते. त्यामुळे जितकं शक्य असेल तितकं घरगुती आणि नैसर्गिक सामग्रीपासून तयार होणा-या क्रिम्स व ऑईल्सचा त्वचेवर वापर करावा. यामुळे स्किन इन्फेक्शनही होत नाही व त्वचा निरोगी देखील राहते.

घरगुती ऑईल ब्लेंडसाठी लागणारी सामग्री

घरच्या घरी झटपट आणि नैसर्गिकरित्या ऑईल ब्लेंड तयार करण्यासाठी तुम्हाला तीन तेलांची गरज असते. यामध्ये तुम्हाला कोकोनट वर्जिन ऑईल (नारळाचे तेल), ऑल्मंड ऑईल (बदामाचे तेल) आणि क्लोव ऑइल (लवंगाचे तेल) या तेलांची आवश्यकता भासते. ही तिन्ही तेलं कोणत्याही किराणा मालाच्या दुकानात तुम्हाला सहज उपलब्ध होऊ शकतात. ही तिन्ही तेलं एका ठराविक प्रमाणात तुम्हाला एकजीव करायची आहेत. खाली दिलेली कृती फॉलो करुन बनवा नैसर्गिक ऑईल ब्लेंड!

(वाचा :- ‘या’ अभिनेत्रीने असं मिळवलं अस्थमासारख्या त्रासदायक आजारावर नियंत्रण!)

या तेलांचे खास गुणधर्म काय?

  1. नारळ तेल :- त्वचेला नैसर्गिकरित्या मुलायम करण्यास, ड्रायनेसपासून अर्थात कोरडेपणापासून बचाव करण्यास आणि पेशींना पोषक घटक पुरवण्यास नारळाचे तेल सर्वात लाभदायक पर्याय आहे. हे एखाद्या अ‍ॅंटीबॅक्टेरियल नैसर्गिक औषधाप्रमाणे कार्य करते.
  2. बदामाचे तेल :- नैसर्गिकरित्या त्वचेचा रंग उजळवण्यास, काळे गडद डाग मिटवण्यास आणि त्वचा मुलायम बनवण्यासाठी बदामाचे तेल फारच उपयुक्त ठरते. हे तेल आपल्या त्वचेला डिप नरिशमेंट देण्याचं कार्य करतं.
  3. लवंगाचे तेल :- हे तेल अ‍ॅंटीफंगल आणि अ‍ॅंटीअअ‍ॅलर्जिक असतं. तसेच हे तेल कोणत्याही प्रकारच्या पैथोजेन्स (बैक्टीरिया, फंगस आणि हानिकारक माइक्रोब्सला) आपल्या स्किनवर अ‍ॅक्टिव होऊ देत नाही.
  4. या कारणामुळेच तुम्ही त्वचेशी निगडीत कोणत्याही संक्रमणाच्या विळख्यात आला तर हे नैसर्गिक तेल हे संक्रमण रोखण्यास प्रभावी ठरतं. सोबतच स्किनला डिफेन्स मेकॅनिजमला अधिक मजबूत बनवण्याचं काम करतं.

(वाचा :- शरीरातील व्हिटॅमिन ‘सी’ ची तुट भरुन काढण्यासाठी नियमित करा ‘या’ फ्रुट चाटचे सेवन!)

असं तयार करा ऑईल ब्लेंड

जसं की आम्ही सांगितलं तसं घरच्या घरी नैसर्गिक ऑईल ब्लेंड तयार करण्यासाठी सर्वात आवश्यक आहे ते म्हणजे योग्य तेलांची निवड व योग्य प्रमाणात त्यांचा वापर करणं. हे तेल बनवण्यासाठी तुम्हाला २ चमचे नारळ तेल आणि २ चमचे बदामाचे तेल पाहिजे. बदाम तेल व नारळ तेल मिक्स करा. बदाम व नारळ तेल एकत्र झाल्यानंतर त्यामध्ये १ ते २ थेंब लवंगाचे तेल मिक्स करा. तिन्ही तेलं एकसाथ चांगली मिक्स करा. पण लक्षात ठेवा की लवंगाचे तेल २ थेंबांपेक्षा अधिक असता कामा नये नाहीतर तुमची समस्या कमी होण्याऐवजी वाढू शकते.

(वाचा :- फक्त चवीसाठीच नाही तर आरोग्यासाठीही खाल्ले जातात पापड, हे सत्य आहे का?)

रॅशेज वाढू देत नाही

जर तुम्ही नैसर्गिक ऑईल ब्लेंड एकावेळीच भरपूर प्रमाणात तयार करु इच्छित असाल तर नारळ तेल आणि बदाम तेल तर तुम्ही समान प्रमाणात घेऊ शकता पण या दोन्ही तेलांच्या एकत्रित प्रमाणाच्या ५ टक्केच लवंगाचे तेल घेणं आवश्यक आहे. घरच्या घरी तयार केलेलं हे नैसर्गिक तेल तुमच्या त्वचेला अनेक प्रकारच्या संक्रमणांपासून वाचवेल. जर तुम्हाला आधीच शरीरावर रॅशेज आले असतील तर ते कमी करण्यासाठी हे तेल अत्यंत प्रभावी ठरेल.

(वाचा :- दंडाचे स्नायू मजबूत करण्यासाठी खेळा ‘हे’ लहान मुलांचे खेळ, मिळतील टोन्ड व आकर्षक आर्म्स!)

एग्जिमा आणि बैक्टेरियल इंफेक्शनपासून बचाव

हे घरगुती नैसर्गिक तेल एग्जिमासारख्या स्किन डिजीजपासून आपला बचाव करते. जर तुम्हाला हा आजार आधीच झाला असेल तर तुमच्या शरीराचा दाह शांत करण्यास व खाज कमी करण्यास हे नैसर्गिक तेल रामबाण उपाय ठरु शकते. ब-याचदा गरमी आणि घामामुळे त्वचा ओलसर राहते. यामुळे त्वचेवर हानीकारक बॅक्टेरिया अॅक्टिव होतात. यामुळे त्वचेवर पुरळ उठणं, फोड येण्यासारख्या समस्या निर्माण होतात. यापासून बचाव करण्यासाठी अंघोळ केल्यानंतर तुम्ही हे नैसर्गिक ऑईल ब्लेंड लावून शरीराला योग्य ती पोषक तत्वे देऊ शकता. या उपायामुळे नैसर्गिरित्या तुमची त्वचा निरोगी व मुलायम राहिल.

(वाचा :- जाणून घ्या चालण्याची योग्य पद्धत कोणती? किती वेळ चालावं? कोणत्या गोष्टींची खबरदारी घ्यावी?)


Source link

You may also like...

Leave a Reply

Your email address will not be published. Required fields are marked *