Jaggery Benefits In Winter : थंडीच्या दिवसांत गुळ खाल्ल्याने ‘हे’ आजार होतात दूर!

Spread the love

हिवाळा (winter) सुरु होताच आपल्याला स्वत:ला सुदृढ व निरोगी ठेवण्यासाठी आपल्या दैनंदिन दिनक्रमात अनेक विविध बदल करावे लागतात. कारण असं म्हटलं जातं की, हिवाळा हा रोगांचा ऋतू आहे. या काळात अनेक साथीचे रोग डोकी वर काढतात. त्यामुळे थोडासा बेजबाबदारपणा देखील आपल्याला आजारांच्या विळख्यात फसवू शकतो. त्यामुळे या काळात खाणपानाच्या सवयींमध्ये बदल करणं अत्यंत आवश्यक असतं. हिवाळ्यात अशा अनेक पदार्थांचे सेवन करण्याचा सल्ला दिला जातो जे आपलं आरोग्य मजबूत बनवतात व सोबतच अनेक गंभीर आजारांचा धोका देखील कमी करतात.

आज आम्ही अशा अनेक उपयुक्त व आरोग्यदायी पदार्थांपैकी एका पदार्थाच्या लाभाविषयी सांगणार आहोत. ज्याचं नाव आहे गुळ! गुळाचा (jaggery benefits in winter) गुणधर्म उष्ण असल्यामुळे थंडीत त्याचे शरीराला अनेक फायदे होतात. म्हणूनच डॉक्टरही गुळाचे सेवन करण्याचा सल्ला देतात. लाडू, पुरणपोळी असे विविध गोड पदार्थ हे पूर्वी गुळापासूनच बनवले जायचे. कारण गूळ हे उर्जेचे प्रतिक आहे. तसेच गूळ गरम असल्यामुळे त्याचे हिवाळ्यात सेवन केल्यानं शरीराला उर्जा मिळते. जाणून घेऊया गुळाचे ५ फायदे नेमके कोणते आहेत.

थंडीपासून बचाव

भारतात दरवर्षी हजारो लोक कडाक्याच्या थंडीमुळे आपला जीव गमावतात. त्यामुळे हिवाळ्यात प्रत्येक व्यक्तीनेच विशेष काळजी घेणं अत्यंत आवश्यक असतं. थंडीत गुळाचे सेवन केल्यास शरीराला उष्णता मिळते व थंडीपासून बचाव होतो. साथीच्या रोगांपासून बचाव करण्यास गुळ लाभदायक ठरतो. थंडीच्या दिवसांत शरिरातील रक्तप्रवाहाची गती मंदावते. ज्यामुळे रक्तदाबासारखे आजार उद्भवतात. ज्या लोकांची रोगप्रतिकारक क्षमता कमी असते अशा लोकांना गुळाच्या सेवनाचा खूप फायदा होतो. गुळामध्ये कॅल्शिअम आणि मॅग्नेशिअम ही जीवनसत्वे असल्यामुळे थकवा दुर होतो. घसा आणि फुफ्फुसातील संक्रमाणापासून वाचण्यासाठीही गुळाचे सेवन करणे फायद्याचे असते. ज्या लोकांना मधुमेहाची समस्या असते ते लोक साखरेऐवजी गुळाचे सेवन करू शकतात. कारण गुळ हा नैसर्गिक साखर आहे. तसेच गुळाच्या सेवनामुळे पचनक्रियासुध्दा चांगली राहते.

(वाचा :- थंडीच्या महिन्यात वाटाणे खाताय? मग जाणून घ्या ‘ही’ माहिती!)

श्वसनतंत्राचे कार्य सुरुळीत करते

तुम्हाला हे ऐकून आश्चर्य वाटेल पण अनेक वैज्ञानिक अध्ययनात हे सिद्ध झाले आहे की, गुळाचे सेवन केल्याने श्वसनतंत्राचे कार्य सुरूळीत होते. खास करुन थंडीच्या दिवसांत नाक बंद होण्याची समस्या प्रकर्षाने जाणवते. अशावेळी गुळाचे सेवन केल्यास ब्रीदिंग सिस्टम मजबूत होते. गुळाला क्लींजिंग एजंट देखील म्हटले जाते कारण ते श्वसन प्रणाली, फुफ्फुस, अन्न नलिका, पोट आणि आतडे शुद्ध करते. गुळाचे सेवन केल्यामुळे रक्ताभिसरण प्रक्रिया देखील सहजतेने होते.

(वाचा :- Air Pollution Safety Tips: डॉक्टरांच्या टिप्सचं पालन केल्यास आरोग्यावर होणार नाही प्रदूषणाचे दुष्परिणाम!)

ब्लड प्रेशर कंट्रोल करतं

जे लोक हाय ब्लड प्रेशर (हायपरटेन्शन) या समस्येतून जात असतील त्या लोकांनी हिवाळ्यात गुळाचे सेवन आवर्जून केले पाहिजे. गुळात असलेले सोडियम व पोटॅशियम हे गुणधर्म ब्लड प्रेशर कमी करण्यात विशिष मदत करतात. जे लोक ह्रदय रोगांनी ग्रस्त आहेत अशा लोकांनी डॉक्टरचा सल्ला घेऊन नियमित गुळाचे सेवन केले पाहिजे. गुळ शरीरात अॅसिडचं प्रमाण कंट्रोल करण्यास मदत करतो. त्यामुळे ब्लड प्रेशरही नियंत्रणात राहू शकतो.

(वाचा :- Ayurvedic Tips For Fitness : खुद्द एक्सपर्ट्सकडून जाणून घ्या गंभीरातील गंभीर आजारांना दूर ठेवण्याचे आयुर्वेदिक नियम!)

सर्दी-पडसं व खोकल्यावर रामबाण उपाय

हिवाळ्यात कडाक्याच्या थंडीमुळे सर्दी-पडसे व खोकला असे साथीचे आजार अगदी सामान्य असतात. नॅशनल सेंटर फॉर बायोटेक्नोलॉजी इन्फॉर्मेशन अनुसार, गुळाच्या सेवनाने सर्दी व खोकल्यापासून आराम मिळतो. गुळाच्या सेवनाने शरीर उबदार होण्यास, जेवण लवकर पचण्यास, शरीराला आर्यन मिळण्यास मदत होते. घसा खवखवत असल्यास गुळ अतिशय उपयुक्त ठरतो. गुळ आणि आलं एकत्र गरम करुन खाल्ल्याने फरक पडू शकतो. सर्दी झाली असल्यास फक्त गूळ खाऊ नका, तर चहा किंवा लाडूमध्ये गुळाचा वापर करून ते खा. गूळ शरीरातील तापमान नियंत्रीत ठेवण्यास मदत करते. तसेच गुळामध्ये असलेल्या अँटी अॅलर्जिक गुणांमुळे दम्याच्या रुग्णांसाठी गूळ फायदेशीर ठरतो.

(वाचा :- पपई डाएट प्लॅनमुळे लठ्ठपणा होतो कमी! कशी करावी ‘या’ डाएट प्लॅनची अंमलबजावणी?)

हाडे व सांधेदुखीपासून आराम

ज्या लोकांना कोणत्यातरी दुर्घटनेमध्ये गंभीर मार बसलेला असतो अशा वेदना हिवाळ्यात हमखास डोकं वर काढतात. लागलेल्या जागी तीव्र वेदना होऊ लागतात. तसंच स्नायूदुखी असलेल्या लोकांनाही थंडीत जास्त त्रास होतो.रोज गूळ आणि आल्याचा तुकडा एकत्र करुन खाल्ला तर सांधे मजबूत होतात. हाडांना बळकटी मिळावी, यासाठी कॅल्शिअमयुक्त आहाराचे सेवन करावे. शरीराला पुरेशा प्रमाणात कॅल्शिअमचा पुरवठा झाल्यास हाडांशी संबंधित आजार उद्भवणार नाहीत. यासाठी गूळ आणि जिऱ्याचे सेवन करा. यातील पोषण तत्त्वांमुळे हाडे मजबूत होण्यास मदत मिळेल. नॅशनल सेंटर फॉर बायोटेक्नोलॉजी इन्फॉरमेशननुसार, जिरे आणि गुळामध्ये हाडांसाठी पोषक असलेल्या घटकांचा समावेश आहे. म्हणूनच वयोवृद्ध आणि खेळाडूंनी जिरे आणि गुळाचं सेवन करावे.

(वाचा :- लसणात असतात हे खास गुणधर्म, रिकाम्या पोटी सेवन केल्यास होतो ‘या’ गंभीर आजारांपासून बचाव!)


Source link

You may also like...

Leave a Reply

Your email address will not be published. Required fields are marked *