Juice Vs Soup : ज्यूस व सूप यापैकी काय असतं अधिक लाभदायक? जाणून घ्या नाश्त्यात काय प्यावं?

Spread the love

असं अजिबात नाही की सूप हे फक्त दुपारी किंवा रात्रीच्या जेवणाआधी फक्त एका स्टार्टरच्या स्वरुपातच घेतले जावे. इतक्या सर्व विविध फ्लेवर आणि न्यूट्रिऐंट्समध्ये सूपचे प्रकार उपलब्ध आहेत की तुम्ही रोज एका नव्या सूपचा आस्वाद घेऊ शकता.सूप हा खरं तर भारतीय प्रकार नाही. परंतु हल्ली भारतीय जेवणातही सूपचं सर्रास सेवन होतं आणि खास भारतीय पद्धतीमध्येही आता सूप मिळतात. आपल्याकडे चायनीज गाडयांवर मिळणारी सूपही बरीच लोकप्रिय आहेत. मंच्याव, मंच्युरियन, हॉट न सोर आणि टोमॅटो सूप आपल्याकडे आवडीने प्यायली जातात. या सगळ्या सूपची चव प्रत्येकाने एकदा तरी चाखावीच.उत्तम मेजवानीच्या मेन्यूला स्टार्टर्सशिवाय पूर्णता नाही किंवा स्टार्टर्सशिवाय पुढच्या मेजवानीला चव येत नाही. म्हणूनच स्टार्टर्स हे रुची वाढवणारं, पोट भरू न देता खाद्यानंदाला पूर्णत्व देणारं खाद्यप्रकार आहे.

आपण बाहेर जेवायला गेलो की सर्रास सूप हे मागवतोच. ते स्टार्टर या गटात मोडत असलं तरी ते पूर्ण अन्न आहे. कारण सुपात शरीराला आवश्यक ते पोषक घटक असतात. म्हणूनच आजारपणात डॉक्टर पेशंटना सूप देण्याचा सल्ला देतात. आजकाल रेस्टॉरंटमध्ये वेगवेगळ्या प्रकारची अनेक सूप सव्‍‌र्ह केली जातात. अगदी लहानांपासून मोठयांपर्यंत सगळ्यांनाच सूप हा प्रकार आवडतो. सूपला नाक मुरडणारं क्वचितच कुणी भेटेल. तर ज्यूसने शरीराला एक तर्री मिळते, फ्रेश वाटतं, थकवा कुठच्या कुठे पळून जातो, रोगप्रतिकारक शक्ती वाढते, आरोग्य निरोगी व सुदृढ राहतं, ज्यूस पचण्यास हलका देखील असतो. त्यामुळे सूप आणि ज्यूस हे दोन्ही पर्याय आवडत असतील तरी सर्वोत्तम पर्याय कोणता हे जाणून घ्याच!

कोणतं सूप व ज्यूस अधिक पौष्टिक आहे?

  • गोष्ट जेव्हा पोषक तत्वांची येते तेव्हा सूप आणि ज्यूस दोन्हीही पोषक तत्वांनी भरपूर पदार्थ आहेत. पण हे या गोष्टीवर पूर्णत: अवलंबून असते की हे दोन्ही पदार्थ ऑरगेनिक पद्धतीने बनवले गेले आहेत का? आणि यामध्ये प्रिजर्वेटिव्ह अधिक प्रमाणात उपलब्ध नाहीयेत ना?
  • ताजी फळे आणि भाज्या यापासून घरच्या घरी तुम्ही सूप किंवा ज्यूस तयार केल्यास सर्वात उत्तम होईल. बाजारातील पॅकेट बंद ज्यूस आणि सूपचे सेवन कमी करा. कारण मार्केटमध्ये उपलब्ध होणारे ज्यूस आणि सूप हे खाण्यास स्वादिष्ट जरुर असतात पण पोषक तत्वांच्या बाबतीत ते अजिबात लाभदायक नसतात.

(वाचा :- पोटाचा घेर कमी करण्यासाठी साध्यासोप्या टिप्स!)

सूप आणि ज्यूसमध्ये काय जास्त लाभदायक आहे?

  • ज्यूस बनवताना फळे आणि भाज्यांमधील फायबर गाळून वेगळे केले जातात. जेणे करुन ज्यूस पिण्यास खूपच टेस्टी लागेल आणि त्यातील फायबर घशात अडकणार नाहीत. गाळल्याने ज्यूसचा स्वाद आणि टेक्सचर अधिक उत्कृष्ट होतो पण त्यातील एक खास गुण मात्र कमी होतो. ते आहे फायबर! फळांमधील चोथ्याबरोबर फायबर देखील निघून जाते. त्यामुळे ज्यूस शरीराला अन्य पोषक तत्वांची पूर्तता तर करतो पण फायबर देऊ शकत नाही.
  • तेच सूप बनवताना ताज्या भाज्या शिजवून त्या मॅश केल्या जातात आणि नंतर मिक्सरमध्ये त्याची पेस्ट केली जाते. यामुळे त्यातील पोषक घटक, फायबर, भाज्यांचे पाणी सारं काही त्यामध्ये जसंच्या तसं राहतं. यामुळे सूप प्यायल्याने शरीराला पूर्ण लाभ मिळतो. त्यामुळे या दृष्टीकोनातून पाहता ज्यूसपेक्षा सूप जास्त लाभदायक असते.

(वाचा :- तुमचेही केस झपाट्याने सफेद होतायत? मग जाणून घ्या यामागील कारणे व साधेसोपे घरगुती उपाय!)

पचनक्रियेसाठी काय आहे फायदेशीर?

ज्यूस बर्फासोबत सर्व्ह केला जातो तर सूपचा आपण गरमा गरम असताना आस्वाद घेऊ शकतो. आयुर्वेदानुसार थंड पदार्थांपेक्षा गरम पदार्थ पचवणं आपल्या पचनक्रियेस जास्त सोपं जातं. कारण थंड पदार्थ पचवण्यासाठी आपल्या जठराला आपल्या क्रियेविरोधात आलेला पदार्थ पचवायचा असतो त्यामुळे पचन तंत्राला अधिक मेहनत करावी लागते. तर दुसरीकडे गरम पदार्थ पचवणं जठराला सोपं जातं. यामुळे पचनक्रियेच्या बाबतीत सूपने शर्यत जिंकली आहे.

(वाचा :- Make Eyes Beautiful : डोळ्यांच्या समस्यांनी त्रस्त आहात? मग ट्राय करा ‘हे’ ५ घरगुती उपाय!)

साखरेच्या बाबतीत

फळे आणि भाज्या दोन्हींमध्ये निसर्गत: साखर उपलब्ध असते. ही साखर आपल्या शरीराला कोणत्याही प्रकारचा धोका पोहचवत नाही. पण ज्यूस आणि सूप बनवताना त्यात वरुन साखर मिसळली जाते. जी स्वाद तर वाढवते पण आरोग्यास हानीकारक असते. या गोष्टीत सूप आणि ज्यूसचा विचार कराल तर ते तुमच्या पसंती आणि जिभेच्या चोचल्यांवर अवलंबून असतं. सोबतच तुम्ही त्या पदार्थात किती साखर मिक्स करता आहात यावरुन तो पदार्थ किती लाभदायक आहे हे ठरतं. म्हणजेच नैसर्गिकरित्या तुमच्या शरीराला उर्जा देण्यासाठी ज्यूस आणि सूप दोन्हीही बरोबरीचे लाभदायक आहेत.

(वाचा :- तुम्हाला जाणवतायत ‘ही’ ५ लक्षणं? मग समजून जा शरीरात झाली आहे पाण्याची कमतरता!)

ताबडतोब थकवा घालवण्यासाठी

जर तुम्हाला दिवसभरात आलेला थकवा घालवायचा असेल तर ज्यूस उत्तम पर्याय आहे. कारण त्याचा थंडपणा तुम्हाला शारीरिक आणि मानसिकरित्या शांत करण्याचं काम करतो. तर दिवसभर काम केल्यानंतर रात्रीचा थकवा दूर करण्यासाठी सूप एक चांगला पर्याय असतो. कारण याचा स्वाद आणि प्रभाव शरीरातील पेशींमध्ये उष्णता निर्माण करुन वेदना आणि थकव्यापासून आराम देण्याचं काम करते.

(वाचा :- या २ कारणांमुळे कमजोर होतं आपलं हृदय, ‘या’ ५ फळांचे सेवन केल्यास दूर होईल धोका!)

नाश्त्यासाठी काय उपयुक्त आहे?

  • नाश्त्यामध्ये सूप घ्यावं की ज्यूस हे ठरवण्यासाठी तुम्हाला दिवसभराच्या गरजेवर लक्ष केंद्रित करावं लागेल. जर नाश्त्यामध्ये तुम्ही काही ठोस आहार घेत आहात जसं की सॅंडविच, पोहे, उपमा तर यासोबत तुम्ही ज्यूस घेऊ शकता. जर तुम्हाला एकच काहीतरी खाऊन पटकन बाहेर जायचं असेल तर सूप हा सर्वोत्तम पर्याय आहे. कारण सूप फायबरने संपन्न असते त्यामुळे हे आपल्याला ज्यूसच्या तुलनेत जास्त काळ फ्रेश आणि एनर्जेटिक ठेवण्याचं काम करेल. पण ही गोष्ट लक्षात ठेवा की सूप पचल्यानंतर मात्र तुम्हाला प्रचंड भूक लागू शकते.
  • त्यामुळे जर ज्यूस आणि सूप यातील एकाचीच निवड करायची असेल तर आर्युवेदातील जठराग्नी नियमानुसार आणि पोषक तत्वांचे महत्त्व लक्षात ठेवता तुम्ही सूपची निवड केली पाहिजे.

(वाचा :- सांधेदुखीने त्रस्त आहात? मग आजच ट्राय करा ‘हा’ घरगुती उपाय!)


Source link

You may also like...

Leave a Reply

Your email address will not be published. Required fields are marked *