kareena kapoor : ‘हे’ आहे करीना कपूरच्या हॉट फिगर व स्लिम बॉडीचं सिक्रेट!

Spread the love

जेव्हा जेव्हा प्रश्न फिटनेसचा (Fitness) येतो तेव्हा तेव्हा सर्वात आधी नाव येतं ते म्हणजे बॉलीवूडची बेबो अर्थात करीना कपूर खान (kareena kapoor khan) हिचं! मग झिरो फिगरची (Zero figure) गोष्ट असो वा प्रेग्नेंसी नंतरचा परफेक्ट बॉडी शेप, करीना कपूर एखाद्या ट्रेंडसेटरपेक्षा काही कमी नाही. तसं तर पहिल्यापासूनच करीनाच्या झिरो फिगरचे सर्वजण वेडे आहेत पण लोकांना कमाल तर तेव्हा वाटू लागली जेव्हा प्रेग्नेंसी (pregnancy) व डिलिव्हरी (delivery) नंतरही देखील करीनाने आपला सडपातळ बांधा व घायाळ करणारी फिगर कायम ठेवली. आजही ती अविवाहीत तरुणींसारखी फिट आणि स्लिम (slim) दिसते.

भले करीना सोशल मीडीयावर कितीही ट्रोल होत असुदेत पण आपल्यालाही विचार येतच असेल ना की, ३८ व्या वयात करीनाच्या फिट फिगर आणि चमकत्या त्वचेचं (brightening skin) सिक्रेट नेमकं काय आहे? खरं तर वजन ही आजकालची सामान्य पण झपाट्याने वाढणारी समस्या आहे. यासाठी देव जाणे आपण कित्येक त्रासदायक उपाय करत असतो. ब-याचदा आपले आवडत्या अभिनेत्रींकडे पाहून आपल्यालाही वजन कमी (weight loss) करण्याचा हुरुप येतो. त्यात करीनाची डाएटीशियन आपली मराठमोळी स्त्री ऋजुता दिवेकर (rujuta diwekar) आहे. मग तर आपण जाणून घेतलंच पाहिजे करीनाच्या डाएट (diet chart) आणि फिटनेस रुटीनमध्ये (fitness routine) कशा कशाचा समावेश आहे?

फिटनेससाठी वर्कआउट

करीना कपूर खान सध्या ३८ वर्षांची असून आजही ती आजच्या पिढीतील तरुण अभिनेत्रींना फिटनेसच्या बाबतीत चॅलेंज देऊ शकते. करीना कपूर स्वत:ला एकदम फिट ठेवण्यासाठी पाय-या चढण्या-उतरण्यापासून पिलाटेस देखील करते. याव्यतिरिक्त मंडळी दर आठवड्याला करीना योग व मेडीटेशन देखील आवर्जून करते. करीना संपूर्ण आठवडाभर एक्सरसाईड व योग करते आणि रविवारी मात्र संपूर्ण दिवस आराम करते. तुम्हालाही फिटनेस राखून ठेवायचा असेल तर आजपासूनच योग व एक्सरसाईजवर भर देण्याचा प्रयत्न जरुर करा.

(वाचा :- weight loss : झटपट वजन कमी करायचं आहे? मग जाणून घ्या आयुर्वेदातील ‘ही’ ५ सिक्रेट्स!)

आवडीचा स्नॅक्स आहे मखाना

बेबो म्हणजेच करीना कपूर एखाद्या कामानिमित्त किंवा शुटींगसाठी घराबाहेर जाते तेव्हा सोबत डब्ब्यामध्ये मखाने जरुर घेऊन जाते. मखान्यां मध्ये फायबर जास्त प्रमाणात आणि कॅलरीज कमी असतात. त्यामुळे मखाने खाल्ल्याने बराच काळ पोट भरलेलं राहतं व भूकही लागत नाही. मखाने मॅग्नेशियमने परिपूर्ण व ह्रदयासाठी लाभदायक मानले जातात. याव्यतिरिक्त मखाने अॅंटीएजिंग एन्जाइम्सने युक्त असतात. करीना मखाने भाजून त्यावर मीठ टाकून खाणं पसंत करते.

(वाचा :-वयाच्या तिशीनंतर देखील राहायचं असेल फिट तर ‘या’ पदार्थांपासून ठेवा चार हाताचं अंतर!)

वेळेत करते ब्रेकफास्ट, लंच व डिनर

करीना कपूर आपल्या दिवसाची सुरुवात भिजवलेले बदाम आणि केळी खाऊन करते. हे खाल्ल्या नंतर ती जीममध्ये जाते. पुढे, बरोबर दुपारी १२ वाजता ती लंच करते जेणे करुन जेवण व्यवस्थित पचेल. शाकाहारी असल्यामुळे लंच मध्ये ती दही-भात किंवा मग डाळ, भात, भाजी, सॅलेडचा समावेश करते. दुपारी २ ते ३ वाजता ती ताजी ताजी फळं खाते. करीना फुडी आहे पण फिटनेसची पूर्ण काळजी घेऊनच ती आहार घेते किंवा जीभेचे चोचले पुरवते. डिनरमध्ये ती कधी पुलाव आणि कोशिंबीर, पुदीना-पालकची रोटी, तर कधी डाळ, चपाती, भाजी व दही खाते.

(वाचा :- हिवाळ्यातील ‘या’ जीवघेण्या आजारापासून राहायचं असेल लांब, तर सोडू नका या खास पदार्थांची साथ!)

चहा-कॉफी टाळते

करीना संध्याकाळी चहा किंवा कॉफी पिणं कटाक्षाने टाळते व त्यावेळी ती हंगामी फळांचा ताजा ताजा ज्यूस किंवा मिल्कशेक पिते. कधी कधी ती रोस्ट केलेला चिवडा देखील खाते. जर कोणतं चांगलं हंगामी फळ उपलब्ध नसेल तर ती त्याजागी लिंबू सरबत, ताक, लस्सी किंवा नारळ पाणी पिते. यामुळे तिला दिवसभर हायड्रेटेड राहण्यास मदत मिळते. चहा-कॉफी मधील कॅफीन आरोग्यास अत्यंत हानीकारक असतं म्हणून अतिप्रमाणात चहा-कॉफी पिणं टाळावंच.

(वाचा :- ‘या’ कारणामुळेच भारतीय आहारात डाळ खिचडीला आहे अनन्यसाधारण महत्त्व!)

हळदीचं दूध

करीना कपूर रात्री झोपताना दुधात हळद आणि चिमुटभर जायफळ घालून पिते. हे हळदी व जायफळ युक्त दूध तिला रोगप्रतिकारक शक्ती मजबूत बनवण्यास व इन्फेक्शनशी लढा देण्यास मदत करतं. हळदीमध्ये आढळणाऱ्या अँटिबायोटिक्स आणि दुधात असणाऱ्या कॅल्शियम या दोन्हीमुळे हाडांची मजबूती अधिक चांगली करण्यासाठी मदत मिळते. तसंच हळदीमध्ये असणाऱ्या अमिनो अॅसिडमुळे हळदीचं दूध प्यायल्यास झोप चांगली लागते. हळदीचं दूध प्यायल्याने त्वचेत एक चमक निर्माण होते. दुधासोबत हळदी सेवन केल्याने त्वचेच्या विकारापासूनही बचाव होतो. खाज, इंफेक्शन या सारख्या गोष्टींपासून संरक्षण होते. सर्दी किंवा कफ यासारख्या विकारांवर हळदीयुक्त दूध अधिक फायदेशीर ठरतं. गरम दूध प्यायल्याने कप निघून जातो. थंडीमध्ये हळदीचे दूध प्यायल्याने यापासून तुमचा बचाव होतो. हळद युक्त दूध घेतल्यामुळे पचनासंबंधी ज्या काही तक्रारी असतील तर त्या दूर होतात. अल्सर आणि कोलाइटिस बरे करण्यास मदत करते. अल्सर, डायरिया आणि अपचन याही समस्या दूर होतात.

(वाचा :- Weight loss: कोण म्हणतं भात खाल्ल्याने वजन वाढतं? भात बनवण्याची ‘ही’ पद्धत एकदा ट्राय कराच!)


Source link

You may also like...

Leave a Reply

Your email address will not be published. Required fields are marked *