Kareena Kapoor Birthday २० वर्षांत इतकी बदलली करीना कपूरची फॅशन, कधी कौतुक तर कधी झाली होती ट्रोल

Spread the love

करीना कपूर खाननं ‘रेफ्युजी’ सिनेमाद्वारे बी- टाउनमध्ये एंट्री केली. कॉमेडीपासून ते ड्रामा असणारे असे कित्येक सुपरहिट चित्रपट करीनाने आतापर्यंत बॉलिवूडला दिले आहेत. ‘जब वी मेट’ सिनेमातील करीनाच्या ‘मैं अपनी फेवरेट हूं’ या डायलॉगची जादू इतक्या वर्षांनंतर आजही कायम आहे. आपल्या शानदार अभिनयाप्रमाणेच करीना फॅशन स्टाइलसाठीही प्रसिद्ध आहे. करीना कपूरला आपल्या स्टायलिश आउटफिटसोबत तडजोड करणं अजिबात पसंत नाही. रेड कार्पेटपासून ते एखाद्या इव्हेंटमधील तिचा लुक पाहण्यासारखा असतो.

दरम्यान, करीनानं आपल्या करिअरच्या सुरुवातीला फ्लेअर्ड पँट आणि हॉल्टर्नेक्स पॅटर्न आउटफिट परिधान करून सर्वांचे लक्ष वेधून घेतले होते. पण यानंतर २००८ मध्ये बेबोच्या ‘टशन’ सिनेमासोबत ‘साइज झीरो’चा ट्रेंडही सुरू झाला होता. तिच्या वॉर्डरोबमध्ये Sultry Dresses आणि फुल शिमर पॅटर्न आउटफिट्सने जागा घेतली. ‘साइज झीरो’नंतर करीना कपूरच्या करिअरला नवीन वळण प्राप्त झाले. वर्ष २०१० मध्ये शीर पॅटर्न साडी, कॅज्युअल टी- शर्ट, बॅगी पँट आणि डेनिम अशा आउटफिटमध्ये ती चाहत्यांना दिसू लागली.
(सारा अली खानचा ‘हा’ लुक पाहून लोक भडकले, म्हणाले…)

​वर्ष २००० ते २००५ पर्यंतचा कालावधी

बॉलिवूडमध्ये पदार्पण केल्यानंतर करीनानं पाच वर्षांमध्ये १५ हून अधिक सिनेमांमध्ये काम केलं. ती फिल्मफेअर पुरस्कार विजेती आणि सुप्रसिद्ध फॅशनिस्ता देखील ठरली होती. दरम्यान वर्ष २००० ते २००५ पर्यंत करीनाची फॅशन कूल आणि कम्फर्टेबल असणाऱ्या ड्रेसपर्यंत मर्यादित होती. उदाहरणार्थ फ्लेअर्ड-स्किनी जीन्स, फिट टीशर्ट आणि पॅरेलल पँट, कुर्ते असे आउटफिट करीना परिधान करत असत. पण जसजशी करीना आपल्या करिअरमध्ये पुढे जात होती, तसतसे तिच्या स्टाइलमध्ये जबरदस्त बदल पाहायला मिळत होते.

(करीना कपूरचे शूटिंगमधील फोटो केले शेअर, सुंदर फोटो पाहून चाहते झाले घायाळ)

​वर्ष २००५ ते २०१०

वर्ष २००५ पर्यंत बेबोने बॉलिवूडमध्ये स्वतःचे स्वतंत्र स्थान निर्माण केले होते. ‘डॉन’, ‘जब वी मेट’, ‘गोलमाल रिटर्न्स’ आणि ‘टशन’ या सिनेमामध्ये करीनाने शानदार भूमिका साकारल्या. या काळात तिनं फ्लेअर्ड पँट हॉल्टर्नेक्स आउटफिट परिधान करून सर्वांचे लक्ष वेधून घेतले. दुसरीकडे अति प्रमाणात चमकदार कपडे घातल्याने करीनाला ट्रोल देखील करण्यात आले होते. पण ‘साइज झीरो’ ट्रेंड आल्यानंतर चाहत्यांना तिच्या स्टाइलमध्ये पुन्हा नवीन बदल पाहायला मिळाले. बोल्ड कलर्स, स्टायलिश आउटफिट आणि झीरो फिगरमुळे जिकडे -तिकडे केवळ करीनाचीच चर्चा सुरू होती.

(करीनापासून ते रायमापर्यंत, या अभिनेत्रींनी फोटोशूटसाठी घेतला असा बोल्ड निर्णय)

​२०१० ते २०१५ : स्टायलिश अवतार

स्टायलिश लुक कॅरी करून चाहत्यांच्या हृदयावर कसं राज्य करायचं, याबाबत करीनाला चांगलीच माहिती आहे. एकीकडे करीना बोल्ड आणि स्टायलिश पोषाख परिधान करताना दिसत होती. तर दुसरीकडे तिच्या वॉर्डरोबमध्ये शीर पॅटर्न साडी आणि डेनिम यासारख्या आउटफिट्सनही जागा घेतली होती. वर्ष २०१० च्या आसपास करीनाने एकापेक्षा एक सुंदर साड्या नेसल्याचे पाहायला मिळालं. २०१२ मध्ये करीनानं अभिनेता सैफ अली खानसोबत निकाह केला. यावेळेस तिनं सासू शर्मिला टॅगोर यांचा शरारा परिधान केला होता.

(जेव्हा करीना कपूरवर भारी पडली होती या टीव्ही अभिनेत्रीची स्टाइल, पाहा फोटो)

​२०१५ ते २०१७ : प्रेग्नेंसीमधील खास आउटफिट

२०१६ मध्ये आपल्या गर्भावस्थेदरम्यान करीना कपूर खानच्या वॉर्डरोबमध्ये स्टायलिश आणि ट्रेंडी बदल पाहायला मिळाले. करीनाने आपला गर्भधारणेचा खास काळ एन्जॉय करत सिद्ध केलं होतं की गर्भावस्थेही स्टायलिश लुक कॅरी करता येतो. साधारणतः प्रेग्नेंसीमध्ये अभिनेत्री सावर्जनिक ठिकाणी कमी दिसतात. करीना मात्र डिलिव्हरीची तारीख जवळ येईपर्यंत आपल्या कामामध्ये व्यस्त होती. एका अवॉर्ड सोहळ्यामध्ये तिनं गौरी आणि नैनिकाने डिझाइन केलेला लाल रंगाचा सुंदर गाउन परिधान केला होता. तिच्या या लुकची बरीच चर्चा झाली होती.

(करीना कपूर दुसऱ्यांदा होणार आई, गुड न्यूज शेअर केल्यानंतर समोर आली पहिली झलक)

​वर्ष २०१७ ते २०२० : ग्लॅमरस लुक

तैमूर अली खानच्या जन्मानंतर वर्ष २०१७ मध्ये करीनाने पुन्हा एकदा काम करण्यास सुरुवात केली. यावेळेस तिची स्टाइल तर पूर्णतः बदलल्याचे दिसले. बेबोचा झालेला कायापालट पाहून चाहत्यांना पुन्हा आश्चर्याचा धक्का बसला. ‘वीरे दी वेडिंग’ सिनेमाच्या ट्रेलर लाँचदरम्यान करीना कपूर खानने नेव्ही कस्टम पँटसूट परिधान केलं होतं.

आता स्टायलिश कोर्सेट्स, शिमरी आउटफिट आणि पेन्सिल स्कर्ट्स अशा फॅशनेबल कपड्यांनी बेबोच्या वॉर्डरोबमध्ये जागा घेतली आहे. एकूणच बदलत्या फॅशननुसार करीना देखील जास्तीत जास्त स्टायलिश होत असल्याचे दिसत आहे.

(तैमूरनं आईबाबांसारखंच टी-शर्ट केलं परिधान, चाहते म्हणाले ‘छोटा पॅकेट बडा धमाका’)


Source link

You may also like...

Leave a Reply

Your email address will not be published. Required fields are marked *