Moringa Powder Benefits चमकदार केस व त्वचेसाठी वापरा ही औषधी पावडर, जाणून घ्या लाभ

Spread the love

मोरिंगा म्हणजेच शेवगा वनस्पती. शेवग्याची शेंग सुपरफूड म्हणून ओळखली जाते. आरोग्यासाठी पोषक असणारे कित्येक महत्त्वपूर्ण घटकांचा खजिना शेवग्याच्या शेंगमध्ये आहे. शेवग्याच्या शेंगप्रमाणेच या वनस्पतीची पाने देखील सौंदर्यवर्धक तसंच आरोग्यवर्धक आहेत. त्वचा आणि केस चमकदार करण्यासाठी आपण आपल्या ब्युटी केअर रुटीनमध्ये मोरिंगा पावडरचा समावेश करू शकता. वृद्धत्वाची लक्षणे दूर करायची असल्यास नियमित एक चमचा मोरिंगा पावडरचे सेवन करू शकता. यामुळे वजन नियंत्रणात राहण्यासही मदत मिळेल.

मोरिंगामध्ये अँटी – ऑक्सिडंट, व्हिटॅमिन ए, व्हिटॅमिन सी आणि व्हिटॅमिन ई भरपूर प्रमाणात असतात. या पोषण तत्त्वांमुळे त्वचा तरुण राहण्यास मदत मिळते आणि केस लांबसडक व घनदाट होतात. मोरिंगा पावडरपासून आपण फेस पॅक तसंच केसांसाठी कंडिशनर तयार करू शकता. यामुळे केस तसंच त्वचेला नैसर्गिक स्वरुपात मॉइश्चराइझरचा पुरवठा होतो. याबाबत सविस्तर माहिती जाणून घेऊया…

​मोरिंगा-अ‍ॅव्होकाडो फेस व हेअर मास्‍कसाठी सामग्री :

  • मोरिंगा पावडर : एक चमचा
  • पिकलेले अ‍ॅव्होकाडो (मॅश केलेले) : एक
  • मध : एक मोठा चमचा
  • पाणी : एक चमचा

विधि : एका वाटीमध्ये सर्व सामग्री एकत्र घ्या आणि पेस्ट तयार करा.

(करीना-अनुष्‍कासह अन्य सेलिब्रिटीही करतात मुरुमांचा सामना, करतात हे नैसर्गिक उपाय)

​केसांवर पॅक लावण्याची पद्धत

ही पेस्ट ओल्या किंवा कोरड्या केसांवर लावा आणि हलक्या हातानं टाळूचा मसाज करा. २० ते ३० मिनिटांसाठी हे पॅक केसांमध्ये राहू द्या. थोड्या वेळाने हर्बल शॅम्पूने केस स्वच्छ धुऊन घ्या. केसांचे आरोग्य निरोगी ठेवण्यासाठी आठवड्यातून दोनदा या पॅकचा वापर करावा.

(नितळ व डागविरहित त्वचेसाठी रात्री चेहऱ्यावर अशा पद्धतीने लावा कोरफड जेल)

​पॅक त्वचेवर लावण्याची पद्धत

आपला चेहरा स्वच्छ धुऊन घ्या. यानंतर हे मिश्रण चेहरा व मानेवर लावा. ही पेस्ट चेहऱ्यावर रगडून लावू नये. तसंच डोळ्यांच्या आसपास देखील हा लेप लावणं टाळा. १५ ते २० मिनिटांसाठी फेस पॅक लावा. थोड्या वेळाने थंड पाण्याने चेहरा स्वच्छ धुऊन घ्यावा. यानंतर चेहऱ्यावर क्रीम किंवा सीरम लावा.

(त्वचा भाजणे म्हणजे नेमके काय? यावर कोणते उपचार करावेत, जाणून घ्या तज्ज्ञांनी दिलेली माहिती)

​मोरिंगा आणि केळ्याचे फेस व हेअर पॅक

मोरिंगामध्ये मध मिक्स केल्यास त्वचेला अधिक लाभ मिळतील. मधामध्ये खनिज आणि व्हिटॅमिनचा खजिना आहे. यामुळे त्वचेतील ओलावा टिकून राहतो आणि चेहऱ्यावर नैसर्गिक चमक येते. मोरिंगाच्या वापरामुळे केसांचे आरोग्य देखील निरोगी राहते. याव्यतिरिक्त टी-ट्री ऑइल लावल्यानंही केसगळती कमी होते. केसांची चांगली वाढ होते. याचप्रमाणे मोरिंगा व केळ्याचा पॅकचा त्वचा आणि केसांसाठी उपयोग केल्यास याद्वारे पोटॅशिअम, व्हिटॅमिन ए, व्हिटॅमिन ई आणि व्हिटॅमिन सी चा पुरवठा होईल. हे घटक केस आणि त्वचेसाठी पोषक आहेत.

(Ayurvedic Tips लांबसडक व घनदाट केसांसाठी ‘या’ आयुर्वेदिक औषधी वनस्पती आहेत लाभदायक)

​सामग्री

  • मोरिंगा पावडर : एक मोठा चमचा
  • पिकलेले केळे (मॅश केलेले) : अर्धे
  • मध : एक मोठा चमचा
  • टी-ट्री ऑइल : दोन चमचे

पॅक तयार करण्याची पद्धत : केळे मॅश करा आणि सर्व सामग्री एका वाटीमध्ये एकत्र घ्या. जाडसर पेस्ट तयार करा.

(थंडीत बॉडी मसाज का करावा, आयुर्वेदानुसार कोणते तेल वापरल्यास मिळतील जास्त लाभ? जाणून घ्या)

​हेअर पॅक लावण्याची पद्धत

  • ओल्या केसांवर हे पॅक लावा आणि आपल्या टाळूच्या त्वचेचा हलक्या हाताने मसाज करा.
  • २० ते ३० मिनिटे पॅक केसांमध्ये राहू द्यावे.
  • यानंतर केस स्वच्छ पाण्याने धुऊन घ्यावेत.
  • आठवड्यातून एकदा हे पॅक लावल्यास केसांचे आरोग्य निरोगी राहण्यास मदत मिळेल.

(सना खानची त्वचा आहे प्रचंड मऊ व तजेलदार, मुरुम न येण्यासाठी सकाळी उठून करते ‘हे’ महत्त्वाचे काम)

​फेस पॅक लावण्याची योग्य पद्धत

  • सर्व प्रथम आपला चेहरा स्वच्छ करून घ्या आणि पॅक लावा.
  • पॅक लावताना कधीही त्वचा रगडू नये आणि डोळ्यांच्या आसपास पॅक लावू नये.
  • १५ ते २० मिनिटांपर्यंत पॅक चेहऱ्यावर लावा. पॅक सुकल्यानंतर चेहरा कोमट पाण्याने स्वच्छ धुऊन घ्या.
  • यानंतर मॉइश्चराइझर देखील लावा. मोरिंगा फेस पॅकमुळे त्वचा हायड्रेट राहण्यास मदत मिळते.
  • तसंच याद्वारे त्वचेला लोहाचा पुरवठा देखील होतो. ज्यामुळे चेहऱ्यावरील मुरुम दूर होऊन त्वचा नितळ होते.

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. दुसऱ्या व्यक्तीचे स्किन केअर रुटीन फॉलो करू नये. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *