Natural Hair Care केसगळतीची समस्या दूर कशी करावी? वापरा हे ५ रामबाण हेअरमास्क

Spread the love

घनदाट आणि लांबसडक केसांमुळे आपल्या सौंदर्यात अधिक भर पडते. पण हल्ली बहुतांश जण केसगळती आणि टक्कल पडण्याच्या समस्येमुळे त्रस्त आहेत. महिलांसह पुरुष देखील या समस्येचा मोठ्या प्रमाणात सामना करत आहेत. केसगळती, केसांचे तुटणे रोखण्यासाठी नको- नको ते महागड्या स्वरुपातील उपाय केले जातात. बाजारातही कित्येक हेअर प्रोडक्ट उपलब्ध आहेत, जे केसगळतीसह टक्कल पडण्याची समस्या दूर करण्याचा दावा करतात.

पण या प्रोडक्टमध्ये जास्त प्रमाणात केमिकलचा समावेश असतो. ज्यामुळे केसांचे भरपूर नुकसान होऊ शकते. केसांची देखभाल करण्यासाठी उत्तम पर्याय म्हणजे नैसर्गिक उपचार. आपण आज काही नैसर्गिक हेअर मास्कची माहिती जाणून घेणार आहेत. यातील पोषण तत्त्वांमुळे केसगळती, केस तुटणे इत्यादी समस्या दूर होऊन केस चांगले वाढतात.
(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

​ग्रीन टी हेअर मास्क

ग्रीन टी अँटी ऑक्सिडंट आणि ईजीसीजी (एपिगेलोटेचिन -3-गॅलेट) या पोषण तत्त्वांनी समृद्ध आहे. ज्यामुळे केसांची वाढ होण्यास मदत मिळते. अंडे आणि दोन चमचे ग्रीन टी पावडर वाटीमध्ये एकत्र घ्या आणि मिक्स करा. मिश्रण तयार झाल्यानंतर ब्रशच्या मदतीने केसांवर लावा. २० मिनिटांनंतर शॅम्पूने केस स्वच्छ धुऊन घ्या. केसगळती आणि टक्कल पडण्याची समस्या दूर होण्यास मदत मिळेल.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​केळ्याचे हेअर मास्क

केळ्यामध्ये भरपूर प्रमाणात जीवनसत्त्व, अँटी ऑक्सिडंट, पोटॅशियम आणि नैसर्गिक तेल या घटकांचा समावेश आहे. केसगळती रोखण्यासाठी हा एक रामबाण घरगुती उपाय आहे. दोन पिकलेली केळी मॅश करा. यामध्ये एक चमचा ऑलिव्ह ऑइल, एक चमचा मध आणि एक चमचा नारळाचे तेल मिक्स करा. हे मिश्रण आपल्या टाळूवर लावा आणि १० मिनिटांनंतर केस स्वच्छ धुऊन घ्या.

(Hair Care Tips केसांच्या वाढीसाठी नेमकी काय घ्यावी काळजी? हेअर प्रोडक्ट्सचा कोणत्या क्रमाने करावा वापर)

​दह्याचे हेअर मास्क

कोरड्या आणि निर्जीव केसांची समस्या दूर करण्यासाठी दह्याचे हेअर मास्क वापरावं. या हेअर मास्कच्या वापरामुळे केसांना खोलवर पोषण तत्त्वांचा पुरवठा होतो. दह्यातील औषधी गुणधर्मांमुळे केसांना नैसर्गिक स्वरुपात कंडिशनर मिळते. एक चमचा अ‍ॅपल सायडर व्हिनेगर, एक कप दही आणि एक चमचा मध एकत्र घ्या. सर्व सामग्री नीट एकजीव झाल्यानंतर केसांवर लावा. १५ ते २० मिनिटानंतर मिश्रण केसांवर लावा आणि त्यानंतर थंड पाण्याने केस स्वच्छ धुऊन घ्या.

(Natural Hair Care टक्कल पडण्याची आहे भीती? केसगळती रोखण्यासाठी या नैसर्गिक तेलांचा)

​अंड्याचे हेअर मास्क

अंड्यामध्ये व्हिटॅमिन बी आणि प्रोटीन भरपूर प्रमाणात असते. या हेअर मास्कमुळे केसांना खोलवर पोषण तत्त्वांचा पुरवठा होतो. अंड्याचे हेअर मास्क सर्व प्रकारच्या केसांसाठी लाभदायक आहे. एक कप दूध, दोन चमचे ऑलिव्ह ऑइल, दोन चमचे लिंबू रस आणि अंडे ही सर्व सामग्री फेटून घ्या. हे मिश्रण आपल्या केसांवर लावा आणि ३० मिनिटांनंतर थंड पाण्याने केस स्वच्छ धुऊन घ्या.

(Skin Care हनुवटीवरील अनावश्यक केस काढण्यासाठी रामबाण घरगुती उपाय)

​कढीपत्ता आणि नारळाच्या तेलाचे हेअर मास्क

नारळाच्या तेलामध्ये फॅटी अ‍ॅसिड असते, ज्यामुळे केसांची वाढ होते. तर कढीपत्त्यामुळे केसांचा नैसर्गिक रंग टिकून राहण्यास मदत मिळते. दोन चमचे नारळाच्या तेलामध्ये कढीपत्त्याची १० पाने मिक्स करा आणि तेल गरम करा. तेल गाळून थंड करत ठेवा आणि यानंतर हलक्या हाताने आपल्या टाळूचा मसाज करा. २० मिनिटांनंतर थंड पाणी आणि ऑर्गेनिक शॅम्पूने केस स्वच्छ धुऊन घ्या.

(Natural Remedies केसगळती कशी दूर करावी? बटाटाच्या रसापासून कसं तयार करावं नैसर्गिक हेअरपॅक)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

दही, मेथी आणि बेसनचे हेअर मास्क


Source link

You may also like...

Leave a Reply

Your email address will not be published. Required fields are marked *