Natural Hair Care केसगळतीमुळे त्रस्त आहात का? अंड्यापासून कसे तयार करायचे घरगुती हेअर पॅक

Spread the love

अंड्यामधील बायोटिन आणि बी-कॉम्प्लेक्स व्हिटॅमिनमुळे केस जाड होण्यासही मदत मिळते. केसांशी संबंधित समस्या दूर करण्यासाठी तुम्ही अंड्याचे हेअर मास्क वापरू शकता. अंड्यापासून तयार केलेल्या पाच हेअर मास्कची माहिती आपण जाणून घेणार आहोत, ज्याद्वारे केसांना पोषण तत्त्वांचा पुरवठा होण्यास मदत मिळू शकते. पण हे उपाय करण्यापूर्वी आपल्या ओळखीच्या डॉक्टरांचा सल्ला घ्यायलाही विसरू नका.
(Aishwarya Rai Bachchan मिस वर्ल्ड ऐश्वर्या रायचं ब्युटी सीक्रेट माहीत आहे का?)

​सामान्य आणि मिश्र केसांसाठी अंड्याचे मास्क

या मास्कमुळे तेलकट टाळूची समस्या दूर होण्यास मदत मिळते. केसांना नैसर्गिक कंडिशनर देखील मिळते. तसंच याद्वारे मुळांसह केसांना पोषण तत्त्वांचा पुरवठा होतो. केसांची चांगली वाढही होते.

सामग्री : एक अंड ( केस मोठे असल्यास दोन अंड्यांचा उपयोग करावा), एक मोठा चमचा ऑलिव्ह ऑइल

विधि : एका वाटीमध्ये अंड्याचा पांढरा भाग आणि ऑलिव्ह ऑइल चांगल्या पद्धतीने मिक्स करून घ्या. फेटलेले अंड आणि तेल आपल्या केसांवर लावा. हे मिश्रण संपूर्ण केसांना लावावे. २० मिनिटांनंतर केस थंड पाण्याने धुऊन घ्या. यानंतर केसांना कंडिशनर लावा आणि नैसर्गिक पद्धतीने केस सुकवा. आठवड्यातून एकदा किंवा दोनदा हा उपाय तुम्ही करू शकता.

(केसांना दही कसे लावावं? आपल्या केसांनुसार तयार करू शकता घरगुती हेअर पॅक)

​कोरड्या केसांसाठी लावा अंड्याचे पिवळे बलक

या मास्कमुळे आपले केस मऊ होण्यास मदत मिळते. एवढंच नव्हे तर केसांना आवश्यक पोषण तत्त्वांचा पुरवठा होऊन केस चांगल्या पद्धतीने वाढतात.

सामग्री : अंड्याचे दोन पिवळे बलक, एक मोठा चमचा ऑलिव्ह ऑइल

विधि : एका वाटीमध्ये अंड्यांचे पिवळे बलक काढा आणि त्यामध्ये ऑलिव्ह ऑइल मिक्स करा. दोन्ही सामग्री चांगल्या पद्धतीने फेटून घ्या. तयार झालेले मिश्रण आपल्या केसांना लावा. जवळपास २० मिनिटांनंतर आपले केस थंड पाण्याने स्वच्छ धुऊन घ्या.

(Natural Hair Care केसांना चांगला रंग येण्यासाठी मेंदीमध्ये काय मिक्स करावे?)

​तेलकट केसांसाठी उपाय

या हेअर पॅकमुळे केस घनदाट होण्यास मदत मिळते. तर ऑलिव्ह ऑइलमुळे केसांना नैसर्गिक कंडिशनर मिळते आणि केसांची वाढ देखील होते.

साम्रगी : दोनी अंडी, एक मोठा चमचा ऑलिव्ह ऑइल

विधि : एका वाटीमध्ये दोन अंड्यांचा पांढरा भाग काढून घ्या. यामध्ये ऑलिव्ह ऑइल मिक्स करा. फेटलेले अंडे आपल्या केसांवर लावा. सर्व केसांना हे मिश्रण लावले जाईल, याची खात्री करून घ्यावी. जवळपास २० मिनिटांनंतर थंड पाण्याने आपले केस स्वच्छ धुऊन घ्यावे. आठवड्यातून दोनदा हा उपाय केल्यास तेलकट केसांची समस्या दूर होण्यास मदत मिळेल.

(Hair Care Tips मुळ्यापासून कसे तयार करायचे घरगुती हेअर पॅक?)

​केसांच्या वाढीसाठी कोरफड आणि अंड

कोरफड जेलमध्ये अमिनो अ‍ॅसिड, ग्लुकोमेनन्स, स्टेरोल्स, लिपिड आणि व्हिटॅमिन भरपूर प्रमाणात असते. हे घटक आपल्या केसांसाठी पोषक आहेत. यामुळे आपली टाळू निरोगी राहण्यास मदत मिळते. कोरफडमधील अँटी-इन्फ्लेमेटरी, अँटी सेप्टिक आणि मॉइश्चराइझिंग गुणधर्म आपल्या केसांचे आरोग्य निरोगी ठेवतात.

सामग्री : दोन अंड्याचा पांढरा भाग, दोन चमचे कोरफड जेल

विधि : या दोन्ही सामग्री चांगल्या पद्धतीने मिक्स करून घ्या. मिश्रण तयार झाल्यानंतर केसांना लावा. ३० ते ६० मिनिटे मास्क केसांमध्ये राहू द्यावे. यानंतर थंड पाण्याने केस स्वच्छ धुऊन घ्यावेत.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक?)

​मेंदी आणि अंड

मेंदीमध्ये अँटी मायक्रोबियल गुणधर्म आहेत. हे घटक आपली टाळू निरोगी ठेवण्यास मदत करतात. या हेअर पॅकमुळे आपले केस चमकदार होतात. तसंच केसांमध्ये होणारा नैसर्गिक तेलाचा स्त्राव देखील नियंत्रणात राहण्यास मदत मिळते. या पॅकमुळे केसांची चांगली वाढ होते. कोंड्याची समस्या देखील दूर होते.

सामग्री : दोन मोठे चमचे मेथी दाणे, एक कप शुद्ध मेंदी पावडर, अंड्याचे पिवळे बलक

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

हेअर मास्क कसे तयार करावे?

विधि : मेथीचे दाणे रात्रभर पाण्यामध्ये भिजत ठेवा. सकाळी उठल्यानंतर मेथीची पेस्ट तयार करा. त्यामध्ये मेंदी पावडर आणि थोडेसे पाणीही मिक्स करा. यानंतर अंड्याचे पिवळे बलक मिक्स करून सामग्री फेटून घ्यावी. तयार झालेले मिश्रण केस आणि टाळूवर लावा. तासाभरानंतर सौम्य शॅम्पूने केस स्वच्छ धुऊन घ्या. आठवड्यातून एकदा हा उपाय करू शकता.

(Natural Hair Oil केसांसाठी घरामध्ये कसे तयार करायचे कोरफडीचे तेल)

NOTE प्रत्येकाच्या केसांचा प्रकार वेगवेगळा असतो. त्यामुळे केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला नक्की घ्यावा. केसांचे नुकसान टाळण्यासाठी तज्ज्ञांचे मार्गदर्शन घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *