Natural Hair Care केसगळतीमुळे त्रस्त आहात का? जाणून घ्या हा नैसर्गिक उपाय

Spread the love

​केसगळती कमी होते

व्हिटॅमिन ईमुळे केसगळतीची समस्या नियंत्रणात येते. यातील पोषक घटक केसगळती रोखण्याचे कार्य करतात. तज्ज्ञांचा सल्ला घेऊन केसांसाठी योग्य प्रकारे व्हिटॅमिन ईचा उपयोग केल्यास तुम्हाला आपल्या केसांमध्ये सकारात्मक बदल पाहायला मिळतील. यामुळे केसांची वाढ होण्यासही मदत मिळते.

(Natural Hair Care केसांसाठी घरच्या घरी कसे तयार करायचे नॅचरल डाय, जाणून घ्या सोपी पद्धत)

​पीएच स्तर आणि तेलाचे उत्पादन संतुलित करते

टाळूच्या त्वचेचा पीएच स्तर असंतुलित होणे आणि केसांमध्ये अतिरिक्त प्रमाणात होणारा नैसर्गिक तेलाचा स्त्राव यामुळेही केसगळतीची समस्या निर्माण होऊ शकते. व्हिटॅमिन ई मुळांसह केसांचे आणि टाळूचे संरक्षण करण्याचे कार्य करते. यातील पोषक घटकांमुळे टाळूला नैसर्गिक ओलावा मिळतो. तेलाचा अतिरिक्त होणारा स्त्राव देखील यामुळे नियंत्रणात येतो. व्हिटॅमिन ईमुळे टाळूचा पीएच स्तर संतुलित राहण्यासही मदत मिळते.

(Natural Hair Care दिशा पटानीने आपल्या लांबसडक केसांचं सांगितलं सीक्रेट, आठवड्यातून दोनदा लावते)

​केस निरोगी राहण्यास मिळते मदत

चमकदार आणि मऊ केसांसाठी महिला कित्येक उपाय करतात. व्हिटॅमिन ईच्या वापरामुळे केसांना चमक येते. व्हिटॅमिन ईमुळे आपल्या केसांचं संरक्षण होतं. नियमित आणि योग्य प्रमाणात व्हिटॅमिन ईचा वापर केल्यास केसांची वाढ होण्यास मदत मिळेल.

(Natural Hair Care केसांची काळजी घेण्यासाठी नैसर्गिक उपाय करता का? जाणून घ्या ही माहिती)

​केसांसाठी व्हिटॅमिन ईचा उपयोग

केसांचे आरोग्य निरोगी राहावे, यासाठी तुम्ही डॉक्टरांचा सल्ला घेऊन व्हिटॅमिन ईचा वेगवेगळ्या प्रकारे उपयोग करू शकता. अन्य प्रोडक्टमध्ये व्हिटॅमिन ई मिक्स करूनही केसांना लावू शकता. उदाहरणार्थ अ‍ॅव्होकाडो किंवा एरंडेल तेलामध्ये व्हिटॅमिन ई कॅप्सूल मिक्स करून केसांना लावावे. यामुळे केसांना मॉइश्चराइझर मिळते आणि केसांची वाढ देखील होते. तुम्ही विटामिन ई युक्त शॅम्पू, कंडिशनर किंवा तेलाचाही उपयोग करू शकता. दुसरा उपाय म्हणजे तुम्ही व्हिटॅमिन ई युक्त खाद्यपदार्थांचा आपल्या आहाराच सेवन करावे. याद्वारे केसांचे आरोग्य सुधारण्यासह तुम्हाला अन्य शारीरिक लाभ देखील मिळतील.

(केस कोरडे झाले आहेत का? आपल्या केसांनुसार तयार करू शकता घरगुती दही हेअर पॅक)

​व्हिटॅमिन ई युक्त खाद्यपदार्थ

सूर्यफुलाच्या बिया, बदाम, पिस्ता, शेंगदाणे, काजू, कीवी, आंबा, अ‍ॅव्होकाडो, जर्दाळू, जांभूळ इत्यादी खाद्यपदार्थांचा तुम्ही आहारात समावेश करू शकता. पण यासाठी आपल्या डॉक्टरांचा सल्ला घेणे आवश्यक आहे.

व्हिटॅमिन ईयुक्त तेलाचा कसा करावा वापर?

मुळांसह केस मजबूत करण्यासाठी व्हिटॅमिन ई युक्त तेलानं मसाज करावा. या तेलातील पोषक घटकांमुळे केसांचे आरोग्य निरोगी राहण्यास मदत मिळते. केसांशी संबंधित समस्या कमी होऊन केसांची चांगली वाढ होते.

(Hair Care Tips केस रोज धुण्याची आहे सवय? यामुळे होणारे नुकसान तुम्हाला माहिती आहेत का)

​‘व्हिटॅमिन ई’युक्त तेल कसे तयार करायचे?

सामग्री : जोजोबा तेल, व्हिटॅमिन ई तेल

विधि: दोन चमचे जोजोबा तेल आणि तीन ते चार चमचे व्हिटॅमिन ई तेल वाटीमध्ये एकत्र घ्या आणि मिक्स करा. या तेलाने आपल्या केसांचा मसाज करावा. तुम्हाला हवे केसांमध्ये रात्रभर तेल ठेवू शकता. सकाळी उठल्यानंतर थंड पाण्याने केस स्वच्छ धुऊन घ्या. आठवड्यातून दोनदा हा उपाय तुम्ही करू शकता.

(Hair Care Tips मुळ्यापासून कसे तयार करायचे घरगुती हेअर पॅक?)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यायला विसरू नका. दुसऱ्या व्यक्तीचे हेअर केअर रुटीन फॉलो करू नये. कारण प्रत्येकाच्या केसांचा पोत आणि प्रकार वेगळा असतो.


Source link

You may also like...

Leave a Reply

Your email address will not be published. Required fields are marked *