Natural Hair Care केसांची काळजी घेण्यासाठी नैसर्गिक उपाय करता का? जाणून घ्या ही माहिती

Spread the love

केस काळेशार, लांबसडक आणि सुंदर असावेत, अशी प्रत्येकाची इच्छा असते. आजच्या मॉर्डन युगामध्ये हेअर स्टाइलचा ट्रेंड कोणताही असो, पण प्रत्येकालाच आपले केस घनदाट आणि मऊ हवे असतात. महिलावर्गाला आपल्या केसांची चिंता अधिक असते. यासाठी बहुतांश जणी हेअर स्पा, हेअर मसाज आणि कित्येक ब्युटी पार्लर ट्रीटमेंटची मदत घेतात. पण यामध्ये मोठ्या प्रमाणात रसायनांचा वापर होत असल्याने केसांचे नुकसान होते. केसांचे आरोग्य निरोगी राहण्यासाठी तज्ज्ञांचा सल्ला घेऊन तुम्ही नैसर्गिक उपचार करू शकता. बदलत्या परिस्थितीनुसार आता महिलावर्ग केसांसाठी नैसर्गिक तसंच घरगुती उपाय करण्यावर भर देत असल्याचे दिसत आहे.

तसं पाहायला गेल तर केसगळती ही एक सामान्य समस्या आहे. पण केसांची वाढच होत नसेल तर मग ही गंभीर बाब असू शकते. केस पातळ होणे, कोरडे होणे, केसगळती इत्यादी समस्यांमुळे महिलावर्ग अतिशय अस्वस्थ होतात. कारण कधीकाळी जाड, घनदाट असलेले केस अचानक खराब का होत आहेत, याचे उत्तर त्यांना सापडत नाही. या समस्येकडे तुम्ही योग्य वेळेतच लक्ष दिले तर केसांचे आरोग्य निरोगी राहण्यास मदत मिळेल. जाणून घ्या काही सोप्या घरगुती उपचारांची माहिती.

​कांद्याचा रस

बहुतांश महिला आपल्या हेअर केअर रुटीनमध्ये कांद्याचा समावेश करतात. कांद्यातील घटक केस आणि टाळूच्या त्वचेसाठी पोषक आहेत. कांद्यामधील पोषण तत्त्व केसगळती, केस तुटणे इत्यादी समस्या नियंत्रणात आणण्यासह केसांच्या चांगल्या वाढीसाठीही मदत करतात. कांद्यामध्ये सल्फरचे घटक मोठ्या प्रमाणात आहेत. यामुळे केस मजबूत, चमकदार आणि घनदाट होण्यास मदत मिळते. कांद्यातील उष्णता टाळूच्या भागातील रक्त प्रवाह वाढवण्याचे कार्य करते. ज्यामुळे केसांची वाढ होण्यास मदत मिळते.

(Natural Hair Oil केसांसाठी घरामध्ये कसे तयार करायचे कोरफडीचे तेल)

​कांद्याचा रस तयार करण्याची पद्धत

सर्व प्रथम एक मोठा कांदा घ्या आणि मिक्सरमध्ये वाटा. एका वाटीमध्ये त्याचा रस काढून घ्या. तासभरासाठी कांद्याचा रस आपल्या टाळूवर लावून ठेवा. यानंतर हर्बल शॅम्पूने केस स्वच्छ धुऊन घ्या. आठवड्यातून दोनदा हा उपाय करू शकता. जर तुम्हाला कांद्याच्या वासामुळे त्रास होत असेल तर रसामध्ये एसेंशिअल ऑइल मिक्स करू शकता.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक?)

​आवळा

केसांशी संबंधित समस्या दूर करण्यासाठी ‘आवळा’ रामबाण उपाय मानलो जातो. फार पूर्वीपासून आयुर्वेदिक उपचारांमध्येही आवळ्याचा उपयोग केला जातो. यातील पोषण तत्त्वांमुळे केसांची वाढ होण्यास मदत मिळते. तुम्ही आपल्या आजी, आईकडून आवळ्याचे फायदे ऐकले असतीलच. आवळ्यामध्ये फॅटी अ‍ॅसिडचे प्रमाण भरपूर असते. जे केसांच्या वाढीसाठी पोषक आहेत.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

​केसांसाठी कसा करायचा वापर?

जर तुमच्याकडे ताजे आवळे उपलब्ध असल्यास त्याचा रस काढा. आवळ्याचा रस टाळू आणि केसांना लावा. हलक्या हाताने आपल्या केसांचा मसाज करा. थोड्या वेळानंतर हर्बल शॅम्पूने केस स्वच्छ धुऊन घ्या. आठवड्यातून एकदा हा उपाय करू शकता. यामुळे कोंडा, केसगळती, केस तुटणे इत्यादी समस्या दूर होण्यास मदत मिळेल. नारळाच्या तेलामध्ये आवळा पावडर मिक्स करून देखील केसांना लावू शकता.

(Hair Care Tips मुळ्यापासून कसे तयार करायचे घरगुती हेअर पॅक?)

​मेथी

केस मुळासह मजबूत होण्यास उपयुक्त असणाऱ्या पोषक घटकांचा मेथीमध्ये समावेश आहे. या घटकांमुळे आपल्या केसांची चांगली वाढ होते. केसांमधील कोंडा, टाळूवर साचलेली दुर्गंध स्वच्छ होण्यासही मदत मिळते. मेथीच्या वापरामुळे आपल्या केसांना खोलवर पोषण तत्त्वांचा पुरवठा होतो. ज्यामुळे केसगळती, केस तुटणे इत्यादी समस्या दूर होण्यास मदत मिळू शकते.

(Natural Hair Care केसांना चांगला रंग येण्यासाठी मेंदीमध्ये काय मिक्स करावे?)

​मेथी हेअर पॅक

रात्रभर कपभर पाण्यामध्ये मेथीचे दाणे भिजत ठेवा. सकाळी उठल्यानंतर मेथीच्या दाण्यांची पेस्ट तयार करा. हेअर मास्क प्रमाणे ही पेस्ट आपल्या केसांवर लावा. ३० ते ४० मिनिटांनंतर केस हर्बल शॅम्पूने स्वच्छ धुऊन घ्या. केस धुण्यासाठी थंड पाण्याचा वापर करावा. आठवड्यातून दोनदा हा उपाय करू शकता.

(केसांना दही कसे लावावं? आपल्या केसांनुसार तयार करू शकता घरगुती हेअर पॅक)

NOTE : केसगळतीच्या समस्येमागील योग्य कारण जाणून घेण्यासाठी आपल्या ओळखीच्या डॉक्टरांशी संपर्क साधावा. केसांशी संबंधित कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *